Thursday, May 19, 2022

ಅಪಾಯಕಾರಿ ಸ್ಟಂಟ್​ನಿಂದ ಹೊತ್ತಿ ಉರಿದ ಐಷಾರಾಮಿ ಬೈಕ್​..!

Must read

ಬೈಕ್​ ರೇಸ್​ ವೇಳೆ ನಡೆದ ಘಟನೆಯ ದೃಶ್ಯವೊಂದು ನೋಡುಗರ ಎದೆ ಝಲ್​ ಎನಿಸುವಂತಿದೆ. ರೇಸ್​​ನಲ್ಲಿದ್ದ ರೈಡರ್​ ಉತ್ಸಾಹದಲ್ಲಿ ಡಿಫರೆಂಟ್​​ ಸ್ಟಂಟ್​ ಮಾಡಲು ಹೋಗಿ ಬಹುದೊಡ್ಡ ಅನಾಹುತವಾಗಿರುವ ಘಟನೆ ಚಿಕಾಗೋದಲ್ಲಿ ನಡೆದಿದೆ.

ಚಿಕಾಗೋದ ಇಲಿನಾಯ್ಸ್​ನಲ್ಲಿ ದುಬಾರಿ ಬೈಕ್​ಗಳ ರೇಸ್​ ನಡೆದಿದ್ದು, ಈ ವೇಳೆ ಒಬ್ಬ ಸವಾರ ಲೆಫ್ಟ್​ ಹ್ಯಾಂಡ್​ ಡ್ರ್ಯಾಗ್​ ವೀಲಿಂಗ್​​ ಮಾಡಲು ಯತ್ನಿಸಿದ್ದಾನೆ. ಈ ವೇಳೆ ಮತ್ತೊಂದು ಬೈಕ್​ ಡಿಕ್ಕಿಯಾಗಿದ್ದು, ಏಕಾಏಕಿ ಬೆಂಕಿ ಕಾಣಿಸಿಕೊಂಡಿದೆ. ಕೂಡಲೇ ರೈಡರ್​ ಬೈಕ್​ ಬಿಟ್ಟು ಓಡಿದ್ದಾರೆ. ಬೈಕ್​ ಸವಾರನಿಗೂ ಬೆಂಕಿ ಹೊತ್ತಿಕೊಂಡಿದ್ದು ಅದೃಷ್ಟವಶಾತ್​ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. 

ಇನ್ನು ರೇಸ್​ನಲ್ಲಿದ್ದ ಉಳಿದ ಬೈಕ್​ ಸವಾರರೂ ಕೂಡ ಘಟನಾ ಸ್ಥಳದಲ್ಲಿದ್ದು, ನೋಡ ನೋಡುತ್ತಿದ್ದಂತೆ ಅಪಘಾತಕ್ಕೀಡಾದ ಬೈಕ್​ ಹೊತ್ತಿ ಉರಿದಿದೆ. ಸದ್ಯ ಈ ವಿಡಿಯೋ ವೈರಲ್​ ಆಗಿದ್ದು, ನೋಡುಗರ ಎದೆಯಲ್ಲಿ ನಡುಕ ಹುಟ್ಟಿಸಿವಂತಿದೆ.

Latest article