Monday, January 30, 2023

ಪಾದಯಾತ್ರೆಗೆ ಬ್ರೇಕ್​, ರೆಸಾರ್ಟ್​ನಲ್ಲಿ ಮೀಟಿಂಗ್​..!

Must read

ರಾಹುಲ್​ ಗಾಂಧಿ ನೇತೃತ್ವದ ಭಾರತ್ ಜೋಡೋ ಪಾದಯಾತ್ರೆಗೆ ಅಲ್ಪವಿರಾಮ ಇಡಲಾಗಿದೆ. ಇಂದು ಮತ್ತು ನಾಳೆ ಭಾರತ್​ ಜೋಡೋ ಪಾದಯಾತ್ರೆಗೆ ಬ್ರೇಕ್​ ಬಿದ್ದಿದೆ. ನಾಡಹಬ್ಬ ಮೈಸೂರು ದಸರಾ ಹಿನ್ನೆಲೆ ಪಾದಯಾತ್ರೆ ಬ್ರೇಕ್ ಬಿದ್ದಿದೆ. ಜಂಬೂ ಸವಾರಿ ಹಿನ್ನೆಲೆ ಮೈಸೂರಿನಲ್ಲಿ ಹೆಚ್ಚುವರಿ ಪೊಲೀಸರ ನಿಯೋಜನೆ ಮಾಡಲಾಗಿರುವುದರಿಂದ ಪೊಲೀಸರ ಅಲಭ್ಯತೆಯಿಂದ ರಾಹುಲ್ ಭದ್ರತೆ ಸಾಧ್ಯವಿಲ್ಲ. ಹೀಗಾಗಿ ಎರಡು ದಿನಗಳ ಕಾಲ ಭಾರತ್​ ಜೋಡೋ ಯಾತ್ರೆಗೆ ಬ್ರೇಕ್ ಬಿದ್ದಿದೆ.

ಇದನ್ನೇ ಅಸ್ತ್ರವನ್ನಾಗಿಸಿಕೊಂಡ ಕಾಂಗ್ರೆಸ್​ ನಾಯಕರು, ಪಾದಯಾತ್ರೆ ಬ್ರೇಕ್​ ವೇಳೆಯೇ ಮಹತ್ವದ ಸಭೆ ನಡೆಸಿ ಹಲವಾರು ವಿಚಾರಗಳ ಬಗ್ಗೆ ಚರ್ಚೆಯಲ್ಲಿ ತೊಡಗಿದ್ದಾರೆ. ರಾಹುಲ್ ಗಾಂಧಿ ಪಾದಯಾತ್ರೆಗೆ ಎರಡು ದಿನ ಬ್ರೇಕ್ ಹಿನ್ನೆಲೆ ಎರಡು ದಿನ ಕಬಿನಿಯಲ್ಲಿ ರಾಹುಲ್ ಗಾಂಧಿ ಸೋನಿಯಾ ಗಾಂಧಿ ಜೊತೆ ರಾಹುಲ್​ ಗಾಂಧಿ ವಾಸ್ತವ್ಯ ಹೂಡಿದ್ದಾರೆ. ಇನ್ನು ಸೋನಿಯಾ, ರಾಹುಲ್​ಗೆ ರಾಜ್ಯ ‘ಕೈ’ ನಾಯಕರು ಸಾಥ್​ ನೀಡಿದ್ದು, ಮಹತ್ವದ ಸಭೆಯಲ್ಲಿ ಚರ್ಚೆಗಳನ್ನ ಮಾಡುತ್ತಿದ್ದಾರೆ.

ರೆಸಾರ್ಟ್​​ನಲ್ಲೇ ಸೋನಿಯಾ ಗಾಂಧಿ ಹಾಗೂ ರಾಹುಲ್​ ಗಾಂಧಿ ನೇತೃತ್ವದಲ್ಲಿ ನಡೆಯುತ್ತಿರುವ ಪಾದಯಾತ್ರೆಯ ಯಶಸ್ವಿ ಬಗ್ಗೆ ಗಂಭೀರ ಚರ್ಚೆಯಲ್ಲಿ ತೊಡಗಿದ್ದಾರೆ. ಅಲ್ಲದೇ ವಿಧಾನಸಭೆ ಚುನಾವಣೆಯ ಸಿದ್ಧತೆ, ಬಿಜೆಪಿ ಸರ್ಕಾರದ ವಿರುದ್ಧದ ಹೋರಾಟಕ್ಕೆ ವಿನೂತನ ರೂಪುರೇಷೆ, ರಾಜ್ಯ ರಾಜಕೀಯದಲ್ಲಾಗುತ್ತಿರುವ ಬೆಳವಣಿಗೆಗಳ ಬಗ್ಗೆ ಸಮಗ್ರ ಚರ್ಚೆಯಲ್ಲಿ ತೊಡಗಿದ್ದಾರೆ.

Latest article