Tuesday, August 16, 2022

ಪಾಕ್​ನ ‘ಯಾಸೀನ್ ‘ ಭಾರತದ ಗಡಿಗೆ: 10 ಜನರ ಬಂಧನ

Must read

ಭಾರತಕ್ಕೆ ಅಕ್ರಮವಾಗಿ ನುಸುಳಲು ಯತ್ನಿಸಿದ್ದ ಪಾಕ್ ಬೋಟನ್ನು ಭಾರತೀಯ ಕರಾವಳಿ ರಕ್ಷಣಾ ಪಡೆ ಬಂಧಿಸಿದೆ. ಭಾರತದ ಜಲಗಡಿ ಭಾಗಕ್ಕೆ ಬಂದು ತಪ್ಪಿಸಿಕೊಳ್ಳಲು ಮುಂದಾದಾಗ ಈ ಘಟನೆ ನಡೆದಿದೆ. ಐಸಿಜಿಎಸ್ ಅಂಕಿತ್ ಶಿಪ್​ನಲ್ಲಿ ರಾತ್ರಿ ಗಸ್ತು ನಡೆಸುತ್ತಿದ್ದ ವೇಳೆ ಯಾಸೀನ್ ಹೆಸರಿನ ಪಾಕ್ ಮೂಲದ ಬೋಟ್ ಅಕ್ರಮವಾಗಿ ಭಾರತದ ಜಲಗಡಿಗೆ ಪ್ರವೇಶ ಮಾಡಿತ್ತು. ಆ ಸಂದರ್ಭದಲ್ಲಿ ಒಟ್ಟು 10 ಮಂದಿಯನ್ನು ಬಂಧಿಸಲಾಗಿದೆ.

ಇನ್ನು ಭಾರತದ ಏಳು ಮೈಲಿನ ವರೆಗೆ ಒಳಪ್ರವೇಶವನ್ನ ಮಾಡಿತ್ತು. ಆ ಸಂದರ್ಭದಲ್ಲಿ ಕೋಸ್ಟ್ ಗಾರ್ಡ್, ಶಿಪ್ ಸಿಬ್ಬಂದಿ ಪಾಕ್ ಬೋಟ್​ಗಳನ್ನು ಸುತ್ತುವರಿದು ತಕ್ಷಣಪರಿಶೀಲನೆ ಮಾಡಿ ಎರಡು ಟನ್ ಮೀನು ವಶಕ್ಕೆ ಪಡೆದಿದ್ದಾರೆ. ಸಾಮಾನ್ಯವಾಗಿ ಇಂತಹ ಬೋಟ್​ಗಳನ್ನು ಮಾದಕ ವಸ್ತುಗಳನ್ನ ಸಾಗಾಟ ಮಾಡಲು ಬಳಸುತ್ತಾರೆ. ಇನ್ನು, ಮೀನುಗಳ ಹೊಟ್ಟೆ ಭಾಗದಲ್ಲಿ ಡ್ರಗ್ಸ್ ಗಳನ್ನ ಬಚ್ಚಿಟ್ಟು ಸಾಗಾಟ ಮಾಡಿರುವ ಅನೇಕ‌ ಪ್ರಕರಣಗಳು ತನಿಖೆ ವೇಳೆ ತಿಳಿದು ಬಂದಿದೆ.

 

Latest article