Wednesday, May 18, 2022

ವಿದ್ಯಾಬಾಲನ್​ಗೆ ಇಂಡಿಯನ್​ ಆರ್ಮಿಯ ಅತ್ಯುನ್ನತ ಗೌರವ

Must read

ವಿದ್ಯಾಬಾಲನ್​ ಭಾರತೀಯ ಸಿನಿಮಾ ಇಂಡಸ್ಟ್ರಿಯಲ್ಲಿ ದಿ ಮೋಸ್ಟ್​ ಚಾರ್ಮಿಂಗ್​ ಅಂಡ್ ಅಟ್ರ್ಯಾಕ್ಟೀವ್​ ಹೀರೋಯಿನ್​. ಡರ್ಟಿ ಪಿಕ್ಟರ್​​ ಚಿತ್ರದ ಮೂಲಕ ಮುಖ್ಯ ಭೂಮಿಕೆಗೆ ಬಂದ ವಿದ್ಯಾಬಾಲನ್​, ಸಾಮಾಜಿಕ ಕಳಕಳಿ ಇರುವ ಚಿತ್ರ ಹಾಗೂ ಜಾಹಿರಾತುಗಳಲ್ಲೇ ಹೆಚ್ಚು ಕಾಣಿಸಿಕೊಳ್ಳುತ್ತಿದ್ರು. ಒಂದು ರಾಷ್ಟ್ರ ಪ್ರಶಸ್ತಿ, ನಾಲ್ಕು ಫಿಲ್ಮಂಫೇರ್​ ಪ್ರಶಸ್ತಿ ಗಳಿಸಿರುವ ವಿದ್ಯಾಬಾಲನ್​ ಅವರಿಗೆ, ಅವರ ಜೀವನದಲ್ಲೇ ಅತ್ಯಂತ ಸಾರ್ಥಕತೆಯ ಗೌರವೊಂದು ಸಂದಿದೆ. ಭಾರತೀಯ ಚಿತ್ರರಂಗದಲ್ಲಿ ವಿದ್ಯಾಬಾಲನ್ ಅವರ ಸೇವೆಯನ್ನ ಗುರುತಿಸಿ ಭಾರತೀಯ ಸೇನೆ ಬಹಳ ವಿಶೇಷವಾದ ಗೌರವವೊಂದನ್ನ ಸಮರ್ಪಿಸುತ್ತಿದೆ.. ಅದೇನಪ್ಪಾ ಅಂದ್ರೆ, ಕಾಶ್ಮೀರದ ಗುಲ್ಮಾರ್ಗ್​ನಲ್ಲಿರುವ ಮಿಲಟರಿ ಫೈರಿಂಗ್ ರೇಂಜ್​ಗೆ ನಟಿ ವಿದ್ಯಾಬಾಲನ್ ಅವರ ಹೆಸರನ್ನೇ ನಾಮಕರಣ ಮಾಡಲಾಗಿದೆ.

ಯಾವುದೇ ನಟ, ನಟಿ ಅಥವಾ ಸಾಧಕನಿಗೆ ಇದು ಹೆಮ್ಮೆಯ ವಿಚಾರ. ಈ ಗೌರವಕ್ಕೆ ಪಾತ್ರರಾಗಿರುವ ವಿದ್ಯಾಬಾಲನ್​ಗೆ ಸಾಮಾಜಿಕ ಜಾಲತಾಣದಲ್ಲಿ ಶುಭಾಶಯಗಳ ಮಹಾ ಪೂರವೇ ಹರಿದು ಬರುತ್ತಿದೆ. ಇನ್ನು ತಮ್ಮ ನೆಚ್ಚಿನ ನಟಿಗೆ ಇಂತಹ ವಿಶೇಷ ಗೌರವ ಸಂದಿರುವುದಕ್ಕೆ ಅಭಿಮಾನಿಗಳು ಫುಲ್​ ಖುಷ್​ ಆಗಿದ್ದಾರೆ.

ಈ ವರ್ಷದ ಇಂಡಿಯನ್​ ಆರ್ಮಿ ವತಿಯಿಂದ ನಡೆದ ಗುಲ್ಮಾರ್ಗ್ ವಿಂಟರ್ ಫೆಸ್ಟಿವಲ್​ನಲ್ಲಿ ನಟಿ ವಿದ್ಯಾಬಾಲನ್ ತಮ್ಮ ಕುಟುಂಬ ಸಮೇತ ಭಾಗಿಯಾಗಿದ್ದರು. ಅಲ್ಲದೇ ಇತ್ತೀಚೇಗಷ್ಟೆ ಆಸ್ಕರ್ ಆಡಳಿತ ಮಂಡಳಿಯ ಅಕಾಡೆಮಿ ಆಫ್ ಮೋಷನ್ ಪಿಕ್ಚರ್ ಆರ್ಟ್ಸ್ ಅಂಡ್​ ಸೈನ್ಸ್​ಲ್ಲಿ ಕಾರ್ಯನಿರ್ವಾಹಕ ಸದಸ್ಯರ ಹೊಸ ಬ್ಯಾಚ್ಗೂ ವಿದ್ಯಾಬಾಲನ್ ಆಯ್ಕೆಯಾಗಿದ್ದರು. ಒಟ್ಟಾರೆ ನಟಿಯೊಬ್ಬರ ಸಾಧನೆ ಗುರುತಿಸಿ ಇಂಡಿಯನ್​ ಆರ್ಮಿ ಇಷ್ಟೊಂದು ದೊಡ್ಡಮಟ್ಟದ ಗೌರವ ಸಲ್ಲಿಸಿರುವುದು ಇಡೀ ಭಾರತೀಯ ಚಿತ್ರರಂಗಕ್ಕೆ ಹೆಮ್ಮೆಯ ವಿಚಾರವಾಗಿದೆ.

ವರದಿ-ಮಲ್ಲಿಕಾ ಪೂಜಾರಿ

Latest article