ಬೆಂಗಳೂರು: ಕಬ್ಜ. ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಆರ್. ಚಂದ್ರು ಕ್ರೇಜಿ ಕಾಂಬಿನೇಷನ್ನಲ್ಲಿ ಬರ್ತಿರೋ ಸೆಕೆಂಡ್ ವೆಂಚರ್. ಏಳು ಭಾಷೆಗಳಲ್ಲಿ ಏಕಕಾಲಕ್ಕೆ ನಿರ್ಮಾಣವಾಗ್ತಿರೋ ಪ್ಯಾನ್ ಇಂಡಿಯನ್ ಸಿನಿಮಾ. 80 ದಶಕದ ಭೂಗತ ಲೋಕದ ಪರಿಚಯ ಮಾಡಿಸಲಿರೋ ಪಕ್ಕಾ ಮಾಸ್ ಆ್ಯಕ್ಷನ್ ಎಂಟ್ರಟ್ರೈನರ್. ಬಹುಕೋಟಿ ವೆಚ್ಚದಲ್ಲಿ ದೊಡ್ಡ ಕ್ಯಾನ್ವಾಸ್ನಲ್ಲಿ ತಯಾರಾಗ್ತಿರೋ ಮೋಸ್ಟ್ ಎಕ್ಸ್ಪೆಕ್ಟೆಡ್ ಮೂವಿ.
ಐ ಲವ್ ಯು ಸಿನಿಮಾ ಶತದಿನೋತ್ಸವ ಸಂಭ್ರಮದ ವೇದಿಕೆಯಲ್ಲೇ ಈ ಕ್ರೇಜಿ ಪ್ರಾಜೆಕ್ಟ್ನ ಆರ್. ಚಂದ್ರು ಘೋಷಿಸಿದರು. ರಿಯಲ್ ಸ್ಟಾರ್ ಉಪೇಂದ್ರ ಅಂಡರ್ ವರ್ಲ್ಡ್ ಡಾನ್ ಅವತಾರದಲ್ಲಿ ಲಾಂಗ್ ಹಿಡ್ದು ನಿಂತಿರೋ ಫಸ್ಟ್ ಲುಕ್ ಪೋಸ್ಟರ್ ರಿವೀಲ್ ಮಾಡಿತ್ತು ಚಿತ್ರತಂಡ. ಕನ್ನಡ , ತೆಲುಗು, ತಮಿಳು, ಮಲಯಾಳಂ, ಹಿಂದಿ, ಮರಾಠಿ, ಬಂಗಾಳಿ ಸೇರಿ 7 ಭಾಷೆಯ ಪೋಸ್ಟರ್ಗಳನ್ನ ಬಹಳ ವಿಭಿನ್ನವಾಗಿ ಅನಾವರಣ ಮಾಡಲಾಗಿತ್ತು. ಇದೀಗ ಕಬ್ಜ ಚಿತ್ರದ ಮುಹೂರ್ತ ಮತ್ತು ಸ್ಟಾರ್ ಕಾಸ್ಟ್ ಬಗ್ಗೆ ಥ್ರಿಲ್ಲಿಂಗ್ ಅಪ್ಡೇಟ್ಸ್ ಸಿಕ್ಕಿದೆ.
ಕಬ್ಜಗಾಗಿ ಉಪೇಂದ್ರ ತನು- ಮನ ಅರ್ಪಿಸ್ತಿದ್ದು, ಒಂದು ವರ್ಷ ಕಾಲ ಬೇರಾವುದೇ ಸಿನಿಮಾ ಒಪ್ಪಿಕೊಳ್ಳದೇ, ಕಬ್ಜ ಚಿತ್ರಕ್ಕಾಗಿ ಕೆಲಸ ಮಾಡಲಿದ್ದಾರೆ.. ಸದ್ಯ ಬುದ್ಧವಂತ-2 ಸಿನಿಮಾ ಶೂಟಿಂಗ್ ಬಹುತೇಕ ಮುಗಿಸಿರೋ ಉಪ್ಪಿ, ನವೆಂಬರ್ 15ರಿಂದ ಕಬ್ಜ ಸೆಟ್ನಲ್ಲಿ ದರ್ಶನ ಕೊಡಲಿದ್ದಾರೆ.. ನವೆಂಬರ್ 15ರಿಂದ ಬೆಂಗಳೂರಿನಲ್ಲಿ ಸಿನಿಮಾ ಶೂಟಿಂಗ್ ನಡೆಯಲಿದೆ. ಮುಂದೆ ಮೂರು ಹಂತಗಳಲ್ಲಿ ಮುಂಬೈ, ಕೊಲ್ಕತ್ತಾ, ಚೆನ್ನೈ, ಹೈದ್ರಾಬಾದ್, ಮಧುರೆ ಮತ್ತು ಮಂಗಳೂರಿನಲ್ಲಿ ಚಿತ್ರೀಕರಣ ಸಾಗಲಿದೆ.
ಕಬ್ಜ ಚಿತ್ರದಲ್ಲಿ 80ರ ದಶಕದ ಭೂಗತ ಜಗತ್ತಿನ ಡಾನ್ ಕಥೆ ಹೇಳ್ತಿದ್ದಾರೆ ಆರ್. ಚಂದ್ರು.. ಬೇರೆ ಭಾಷೆಗಳಿಂದ ಏಳು ಮಂದಿ ಖಳನಟರು ಚಿತ್ರಕ್ಕಾಗಿ ಬರ್ತಾರೆ ಅನ್ನಲಾಗ್ತಿದೆ.
ಕನ್ನಡ ನಟ ಪ್ರಕಾಶ್ ರೈ, ತೆಲುಗಿನ ಜಗಪತಿ ಬಾಬು, ಬಾಲಿವುಡ್ನ ನಾನಾ ಪಾಟೇಕರ್, ಜಯ ಪ್ರಕಾಶ್ ರೆಡ್ಡಿ, ಪ್ರದೀಪ್ ರಾವತ್, ತಮಿಳಿನ ಸಮುದ್ರ ಖನಿ, ಮನೋಜ್ ಬಾಜ್ಪೆ ಹೀಗೆ ಜನಪ್ರಿಯ ಖಳನಟರನ್ನ ಚಿತ್ರಕ್ಕಾಗಿ ಆಯ್ಕೆ ಮಾಡ್ತಿದೆ ಚಿತ್ರತಂಡ. ಇವರೆಲ್ಲಾ ವಿಲನ್ಗಳಾಗಿಯೇ ನಟಿಸ್ತಾರಾ..? ಒಂದೇ ಸಿನಿಮಾದಲ್ಲಿ ಎಲ್ಲರೂ ಇರ್ತಾರಾ ಅನ್ನೋದನ್ನ ಕಾದು ನೋಡ್ಬೇಕು. ಒಟ್ನಲ್ಲಿ ಇಂತಹ ಖಡಕ್ ವಿಲನ್ಗಳ ಎದುರು ಡಾನ್ ಉಪ್ಪಿ ಆರ್ಭಟ ಪ್ರೇಕ್ಷಕರಿಗೆ ಥ್ರಿಲ್ ಕೊಡಲಿದೆ.
ಚಿತ್ರಕ್ಕಾಗಿ 80 ದಶಕದ ಕಾಲಘಟ್ಟವನ್ನ ಕಟ್ಟಿ ಕೊಡೊ ಚಾಲೆಂಜ್ ಚಿತ್ರತಂಡದ ಮುಂದಿದೆ. ಅಂದಿನ ಕಾಲದ ಡಾನ್ ಪಾತ್ರಕ್ಕಾಗಿ ಉಪೇಂದ್ರ ಸಹ ತಯಾರಿ ನಡೆಸ್ತಿದ್ದಾರೆ. ಅಂದಿನ ಡಾನ್ಗಳ ಬಗ್ಗೆ ಅಧ್ಯಯನ ನಡೆಸಿ, ದೇಹ ದಂಡಿಸಿ, ಮೀಸೆ, ಗಡ್ಡ ಬಿಟ್ಟು ಪಾತ್ರಕ್ಕಾಗಿ ಸಿದ್ಧವಾಗ್ತಿದ್ದಾರೆ ಉಪೇಂದ್ರ. ನವೆಂಬರ್ 10ಕ್ಕೆ ಫೋಟೋಶೂಟ್ ಮಾಡಿ, ಕಬ್ಜ ಡಾನ್ ಅವತಾರದ ಝಲಕ್ ಅನ್ನ ತೋರಿಸಲಿದ್ದಾರೆ ಆರ್. ಚಂದ್ರು.
ಒಂದು ಯೂನಿವರ್ಸಲ್ ಸಬ್ಜೆಕ್ಟ್ ಅನ್ನ ಏಳು ಭಾಷೆಗಳಲ್ಲಿ ಪರಿಣಾಮಕಾರಿಯಾಗಿ ಕಟ್ಟಿ ಕೊಟ್ಟು ಗೆಲ್ಲುವ ಸಾಹಸಕ್ಕೆ ಆರ್. ಚಂದ್ರು- ಉಪೇಂದ್ರ ಜೋಡಿ ಕೈ ಹಾಕಿದೆ. ಎಲ್ಲಾ ಅಂದುಕೊಂಡಂತೆ ಆದ್ರೆ, ಮುಂದಿನ ವರ್ಷಾಂತ್ಯಕ್ಕೆ ಉಪೇಂದ್ರ ಬಾಕ್ಸಾಫೀಸ್ ಕಬ್ಜ ಮಾಡೋಕ್ಕೆ ಬರ್ತಿದ್ದಾರೆ.