Wednesday, May 18, 2022

'ಸಿನಿ ರಸಿಕರಿಗೆ ಕಾಮಿಡಿ ಟಾನಿಕ್​​ ಕುಡಿಸಲು ಈ ಶುಕ್ರವಾರ ಬ್ರಹ್ಮಚಾರಿ ಸಿದ್ಧ'

Must read

ಈ ವಾರ ಕನ್ನಡ ಸಿನಿಪ್ರಿಯರಿಗೆ ಮನರಂಜನೆಯ ಹಬ್ಬದೂಟ ಉಣಬಡಿಸಲು ಬ್ರಹ್ಮಚಾರಿ ಬರುತ್ತಿದ್ದಾನೆ. ಈಗಾಗಲೇ ಟ್ರೇಲರ್​ ಮತ್ತು ಹಾಡುಗಳ ಮೂಲಕ ಚಿತ್ರದ ನಿರೀಕ್ಷೆ ಹೆಚ್ಚಿಸಿದ್ದು, ಈ ಸಿನಿಮಾದಲ್ಲಿ ಒಂದು ಗಂಭೀರ ವಿಷಯವನ್ನು ತಮಾಷೆಯಾಗಿ ಚಿತ್ರರಸಿಕರಿಗೆ ತೆರೆಯ ಮೇಲೆ ರಂಜಿಸುವ ಪ್ರಯತ್ನವನ್ನು ಚಿತ್ರತಂಡ ಮಾಡಿದೆ.

ಅಭಿನಯ ಚತುರ ನಿನಾಸಂ ಸತೀಶ್​ ಅಭಿನಯದ ಬ್ರಹ್ಮಚಾರಿ ಸಿನಿಮಾವು ಇದೇ ನವೆಂಬರ್​ 29, ಶುಕ್ರವಾರ ರಾಜ್ಯಾದ್ಯಂತ ಒಟ್ಟು 300ಕ್ಕೂ ಹೆಚ್ಚು ಚಿತ್ರಮಂದಿರದಲ್ಲಿ ಬಿಡುಗಡೆ ಆಗುತ್ತಿದೆ. ಕೆಜಿಎಫ್, ಪೈಲ್ವಾನ್ ಸಿನಿಮಾಗಳನ್ನು ವಿತರಣೆ ಮಾಡಿದ್ದ ಕೆಆರ್​​ಜಿ ಸ್ಟುಡಿಯೋಸ್​ನ ಕಾರ್ತಿಕ್ ಗೌಡ, ಈ ಚಿತ್ರದ ವಿತರಣೆ ಹಕ್ಕನ್ನು ಖರೀದಿಸಿದ್ದು, ಸಿನಿಮಾಗೆ ಸೆನ್ಸಾರ್​ ಮಂಡಳಿಯಿಂದ ಯು/ಎ ಸರ್ಟಿಫಿಕೇಟ್​ ಲಭಿಸಿದೆ.

ಚಿತ್ರದಲ್ಲಿ ನಾಯಕ ನಟನಾಗಿ ಇತ್ತೀಚೆಗೆ ಯಶಸ್ವಿ ಸಿನಿಮಾ ಕೊಟ್ಟ ಅಯೋಗ್ಯ ಖ್ಯಾತಿಯ ನಿನಾಸಂ ಸತೀಶ್ ಕಾಣಿಸಿಕೊಂಡಿದ್ದು ಇವರೊಟ್ಟಿಗೆ ನಾಯಕಿ ಆಗಿ ಅಧಿತಿ ಪ್ರಭುದೇವ ಅಭಿನಯಿಸಿದ್ದಾರೆ. ಕಾಮಿಡಿ ಮತ್ತು ಕೌಟುಂಬಿಕ ಕಥಾಹಂದರ ಹೊಂದಿರುವ ಪಕ್ಕಾ ಫ್ಯಾಮಿಲಿ ಎಂಟ್ರಟೈನ್​ಮೆಂಟ್​ ಸಿನಿಮಾ ಇದಾಗಿದೆ. ಹಂಡ್ರೆಡ್​ ಪರ್ಸೆಂಟ್​​ ವರ್ಜಿನ್​ ಅನ್ನೋ ಟ್ಯಾಗ್​​ಲೈನ್​ ಇರೋ ಸಿನಿಮಾದಲ್ಲಿ ಬ್ರಹ್ಮಚಾರಿ ಸತೀಶ್​ ಏನೆಲ್ಲಾ ಪರಿಪಾಟಲು ಪಡುತ್ತಾರೆ ಅನ್ನೋದನ್ನು ತೆರೆ ಮೇಲೆ ನೋಡಬೇಕು.

ಈ ಹಿಂದೆ ಬಾಂಬೆ ಮಿಠಾಯಿ ಮತ್ತು ಡಬಲ್​ ಇಂಜಿನ್​ ಸಿನಿಮಾಗಳಿಗೆ ಆ್ಯಕ್ಷನ್​ ಕಟ್​ ಹೇಳಿದ್ದ ನಿರ್ದೇಶಕ ಚಂದ್ರಮೋಹನ್​, ಬ್ರಹ್ಮಚಾರಿ ಚಿತ್ರಕ್ಕೂ ಆ್ಯಕ್ಷನ್​ ಕಟ್​ ಹೇಳಿದ್ದು ಜೊತೆಗೆ ಚಿತ್ರಕಥೆ ಮತ್ತು ಸಂಭಾಷಣೆಯನ್ನು ಅವರೇ ಬರೆದಿದ್ದಾರೆ. ಚಿತ್ರದ ಮೂರು ಹಾಡುಗಳಿಗೆ ಧರ್ಮವಿಶ್​ ಸಂಗೀತ ಸಂಯೋಜನೆ ಮಾಡಿದ್ದರೆ, ರವಿ. ವಿ ಛಾಯಾಗ್ರಹಣವಿದೆ. ಇನ್ನೂ ಉದಯ್​ ಕೆ ಮೆಹ್ತಾ ಅವರು ಈ ಚಿತ್ರಕ್ಕೆ ಬಂಡವಾಳ ಹೂಡಿಕೆ ಮಾಡಿದ್ದಾರೆ.

ಶಿವರಾಜ್​ ಕೆ.ಆರ್ ಪೇಟೆ, ಅಚ್ಯುತ್​ ಕುಮಾರ್​, ಗಿರಿಜಾ ಲೋಕೇಶ್​, ಪದ್ಮಜಾ ರಾವ್, ​ಅಶೋಕ್​, ಅಕ್ಷತಾ ಸೇರಿದಂತೆ ದೊಡ್ಡ ತಾರಾಗಣ ಚಿತ್ರದಲ್ಲಿದೆ. ಒಟ್ಟಾರೆ ಮನೆಮಂದಿಯಲ್ಲ ಕುಳಿತು ನೋಡುವಂತಹ ಪಕ್ಕಾ ಫ್ಯಾಮಿಲಿ ಎಂಟ್ರಟ್ರೈನ್​​​​ಮೆಂಟ್ ಸಿನಿಮಾ ಅಂತ ಬ್ರಹ್ಮಚಾರಿ ಚಿತ್ರತಂಡ ಹೇಳಿಕೊಂಡಿದೆ. ಈ ಸಿನಿಮಾಕ್ಕೆ ಭರ್ಜರಿ ಯಶಸ್ವಿ ಆಗಲಿ ಎಂಬುದು ನಮ್ಮ ಟಿವಿ5 ಕನ್ನಡದ ಆಶಯ.

Also read:  ಮಧ್ಯರಾತ್ರಿಯಿಂದಲೇ 21 ದಿನಗಳ ಕಾಲ ಇಡೀ ಭಾರತವೇ ಲಾಕ್​ಡೌನ್ ​- ಪಿಎಂ ಮೋದಿ

Latest article