ಟೈಟಲ್ ಮೂಲಕವೇ ಹೊಸ ನಿರೀಕ್ಷೆ ಮೂಡಿಸಿದ್ದ ಚಿತ್ರ ಕಿಸ್. ಟ್ರೇಲರ್ ಮತ್ತು ಹಾಡುಗಳಿಂದ ಚಿತ್ರಪ್ರೇಮಿಗಳಿಗೆ ಒಂದು ಸಾರಿ ಕಿಸ್ ಚಿತ್ರವನ್ನು ನೋಡಲೇಬೇಕು ಅನ್ನೋ ಕುತೂಹಲ ಹುಟ್ಟಿಸಿತ್ತು. ಅದ್ರಲ್ಲೂ ಯಂಗ್ಸ್ಟರ್ಸ್, ಕಾಲೇಜ್ ಸ್ಟೂಡೆಂಟ್ಸ್ ಬಹಳ ಕಾತುರದಿಂದ ಕಾಯ್ತಿದ್ದಂತಹ ಸಿನಿಮಾ. ಹಾಗಾದ್ರೆ ರಾಜ್ಯಾದ್ಯಂತ ತೆರೆಕಂಡಿರೋ ಕಿಸ್ ಹೇಗಿದೆ..? ಚಿತ್ರದ ಕುರಿತಾದ ಕಂಪ್ಲೀಟ್ ರಿವ್ಯೂ ಇಲ್ಲಿದೆ ನೋಡಿ.
ಕಿಸ್.. ಟೈಟಲ್ ಫಿಕ್ಸ್ ಆದಾಗಿಂದ್ಲೂ ರಿಲೀಸ್ವರೆಗೂ ಒಂದಲ್ಲ ಒಂದು ರೀತಿ ಸುದ್ದಿ ಮಾಡ್ಕೊಂಡು ಬಂದಂಹ ಸಿನಿಮಾ. ಸತತ 2 ವರೆ ವರ್ಷಗಳಿಂದ ಕಿಸ್ ಬಿಗ್ ಸ್ಕ್ರೀನ್ಗೆ ಬರುತ್ತೆ ಅಂತ ಕಾಯ್ತಿದ್ದೋರು ಫೈನಲಿ ಕಿಸ್ ಸಿನಿಮಾ ನೋಡಿ ಕಣ್ತುಂಬಿಕೊಂಡಿದ್ದಾರೆ. ಲೇಟಾದ್ರೂ ಲೇಟೆಸ್ಟಾಗಿ ಎಂಟ್ರಿ ಕೊಟ್ಟಿದೆ ಎಪಿ ಅರ್ಜುನ್ ಡ್ರೀಮ್ ಪ್ರಾಜೆಕ್ಟ್ ಕಿಸ್.
ಕಿಸ್ ಸ್ಟೋರಿಲೈನ್
ಕಿಸ್.. ತುಂಟ ತುಟಿಗಳ ಆಟೋಗ್ರಾಫ್ ಅಂತ ಟ್ಯಾಗ್ಲೈನ್ ಇಟ್ಟಿದ್ದು, ಅದಕ್ಕೆ ತಕ್ಕಂತೆ ಕ್ಯೂಟ್ ಲವ್ ಸ್ಟೋರಿ, ಲವರ್ಸ್ ನಡುವಿನ ತುಂಟತನ, ತರ್ಲೆ,ಕಿತ್ತಾಟ, ಡುಯ್ಯೆಟ್, ಪ್ಯಾಥೋ ಎಲ್ಲವೂ ಚಿತ್ರದಲ್ಲಿದೆ. ಚಿತ್ರದ ನಾಯಕ ಅರ್ಜುನ್, ಅಗರ್ಭ ಶ್ರೀಮಂತನ ಮಗ, ನಾಯಕಿ ನಂದಿನಿ ಕಾಲೇಜು ಓದ್ತಿರೋ ಹುಡುಗಿ. ಒಂದು ಸಣ್ಣ ಕಿರಿಕ್ನಿಂದ ಇಬ್ಬರ ಭೇಟಿಯಾಗುತ್ತೆ. ಆ ಕಿರಿಕ್ ಪ್ರತಿಫಲವಾಗಿ 72 ದಿನಕಾಲ ಅರ್ಜುನ್ ಅಸಿಸ್ಟೆಂಟ್ ಆಗಿ, ಕೆಲಸ ಮಾಡೋ ಪರಿಸ್ಥಿತಿ ನಾಯಕಿ ನಂದಿನಿಗೆ ಬರುತ್ತೆ.
ಹಾಗಾದ್ರೆ 72 ದಿನಗಳ ಕಾಲ ನಾಯಕಿ ನಂದಿನಿ, ಅರ್ಜುನ್ ಅಸಿಸ್ಟೆಂಟ್ ಆಗಿ ಕೆಲಸ ಮಾಡ್ತಾಳಾ..? ಆ ಜರ್ನಿಯಲ್ಲಿ ಎನೆಲ್ಲಾ ಆಗುತ್ತೆ..? ಇವರಿಬ್ಬರ ನಡುವೆ ಪ್ರೀತಿ ಆಗುತ್ತಾ..? ಆ ಪ್ರೀತಿ ಸಕ್ಸಸ್ ಆಗುತ್ತಾ ಅನ್ನೋದೇ ಕಿಸ್ ಕಥಾಹಂದರ.
ಆರ್ಟಿಸ್ಟ್ ಪರ್ಫಾಮೆನ್ಸ್
ಚಿತ್ರದ ನಾಯಕ ಅರ್ಜುನ್ ಪಾತ್ರದಲ್ಲಿ ಮಿಂಚಿರೋ ವಿರಾಟ್ ಮೊದಲ ಸಿನಿಮಾದಲ್ಲೇ ಸಿನಿಪ್ರಿಯರ ಗಮನ ಸೆಳೆದಿದ್ದಾರೆ. ಆ್ಯಕ್ಟಿಂಗ್, ಡಾನ್ಸ್, ಫೈಟ್, ಡೈಲಾಗ್ ಡೆಲಿವರಿ ಎಲ್ಲದ್ರಲ್ಲೂ 100 ಪಸೆಂಟ್ ಎಫರ್ಟ್ ಹಾಕಿ ಪರ್ಫಾರ್ಮ್ ಮಾಡಿದ್ದಾರೆ. ಸ್ಟೈಲಿಶ್ ಲುಕ್ನಲ್ಲಿ ವಿರಾಟ್ ಮಿಂಚಿದ್ದು, ಕಾಲೇಜು ಹುಡುಗ-ಹುಡುಗಿಯರಿಗೆ ಇಷ್ಟವಾಗೋ ಹಾಗಿದೆ.
ಇನ್ನು ನಾಯಕಿ ನಂದಿನಿಯಾಗಿ, ಶ್ರೀಲೀಲಾ ಮಿಂಚಿದ್ದು, ಬೋಲ್ಡ್ ಅಂಡ್ ಬ್ಯೂಟಿಫುಲ್ ಆಗಿ ಕಾಣಿಸಿಕೊಂಡಿದ್ದಾರೆ. ಮೊದಲ ಸಿನಿಮಾದಲ್ಲೇ ಸಾಕಷ್ಟು ಎಫರ್ಟ್ ಹಾಕಿ ಅಭಿನಯಿಸಿದ್ದಾರೆ. ನೋಡುಗರಿಗೆ ಶ್ರೀಲೀಲಾ ಗ್ಲಾಮರ್ & ಆ್ಯಕ್ಟಿಂಗ್ ಇಷ್ಟವಾಗಿಬಿಡುತ್ತೆ.
ಇನ್ನು ಚಿತ್ರದಲ್ಲಿ ಉಳಿದಂತೆ ಕಾಮಿಡಿ ಸ್ಟಾರ್ಗಳಾದ ಸಾಧುಕೋಕಿಲ, ಚಿಕ್ಕಣ್ಣ ಪೋಷಕ ಪಾತ್ರದಲ್ಲಿ ಅವಿನಾಶ್, ದತ್ತಣ್ಣ ಹೀಗೆ ಸಾಕಷ್ಟು ಕಲಾವಿದರಿದ್ದು, ಪಾತ್ರಕ್ಕೆ ತಕ್ಕಂತೆ ಅದ್ಭುತ ಅಭಿನಯ ನೀಡಿದ್ದಾರೆ.
ಕಿಸ್ ಪ್ಲಸ್ ಪಾಯಿಂಟ್ಸ್
⦁ ಮೇಕಿಂಗ್
⦁ ಲೋಕೇಷನ್ಸ್
⦁ ಸಾಂಗ್ಸ್ & ಸಿನಿಮಾಟೋಗ್ರಫಿ
⦁ ನಾಯಕ – ನಾಯಕಿ ಜೋಡಿ
ಕಿಸ್ ಮೈನಸ್ ಪಾಯಿಂಟ್ಸ್
ಕಿಸ್ ಸಿನಿಮಾ ಒಂದು ಕ್ಯೂಟ್ ಲವ್ ಸ್ಟೋರಿಯಾಗಿದ್ದು, ಚಿತ್ರದ ಕಥೆಯಲ್ಲಿ ಇನ್ನಷ್ಟು ಗಟ್ಟಿತನವಿರಬೇಕಿತ್ತು. ದ್ವಿತೀಯಾರ್ಧ ಕೊಂಚ ಲ್ಯಾಗ್ ಅನ್ನಿಸೋದು ಹೌದು. ಇದೆಲ್ಲವನ್ನ ಹೊರತು ಪಡಿಸಿ ಒಮ್ಮೆ ಸಿನಿಮಾ ನೋಡಲು ಅಡ್ಡಿಯಿಲ್ಲ.
TV5 ರೇಟಿಂಗ್: 3/5
ಫೈನಲ್ ಸ್ಟೇಟ್ಮೆಂಟ್
ಕಿಸ್ .. ಒಂದು ಕ್ಯೂಟ್ ಲವ್ ಸ್ಟೋರಿ. ಹೊಸ ಪ್ರತಿಭೆಗಳು ಈ ಮೂಲಕ ಸ್ಯಾಂಡಲ್ವುಡ್ಗೆ ಎಂಟ್ರಿಕೊಟ್ಟಿದ್ದು, ಹೊಸ ಕನಸುಗಳನ್ನ ಹೊತ್ತು ಬಂದಿದ್ದಾರೆ. ಎಪಿ ಅರ್ಜುನ್ ಈ ಹೊಸ ಜೋಡಿಯನ್ನ ಅಂದವಾಗಿ ತೆರೆಮೇಲೆ ತೋರಿಸುವಲ್ಲಿ ಗೆದ್ದಿದ್ದಾರೆ. ಸಣ್ಣ-ಪುಟ್ಟ ಮೈನಸ್ ಪಾಯಿಂಟ್ಸ್ನ್ನ ಸೈಡಿಗಿಟ್ಟು ಒಮ್ಮೆ ಸಿನಿಮಾ ನೋಡಿದ್ರೆ ಮನರಂಜನೆ ಸಿಗೋದ್ರಲ್ಲಿ ಡೌಟೇ ಇಲ್ಲ.
ಅರ್ಚನಾಶರ್ಮಾ, ಎಂಟರ್ಟೈನ್ಮೆಂಟ್ ಬ್ಯುರೋ,ಟಿವಿ5