Wednesday, May 18, 2022

ಬಾಕ್ಸಿಂಗ್​ ರಿಂಗ್​ಗೆ ವಿನಯ್​ ರಾಜ್​ಕುಮಾರ್ ಎಂಟ್ರಿ

Must read

ಅನಂತು ವರ್ಸಸ್​​ ನುಸ್ರತ್​ ಸಿನಿಮಾ ನಂತರ ವಿನಯ್​ ರಾಜ್​ಕುಮಾರ್​​ ಅಭಿನಯದ ಸಿನಿಮಾ ಟೆನ್. ಕರಮ್​ ಚಾವ್ಲಾ ಆ್ಯಕ್ಷನ್​ ಕಟ್​ ಹೇಳಿರೋ ಈ ಸ್ಪೋರ್ಟ್ಸ್​​ ಡ್ರಾಮಾದಲ್ಲಿ ಅಣ್ಣಾವ್ರ ಮೊಮ್ಮಗ ಬಾಕ್ಸರ್​ ಅವತಾರದಲ್ಲಿ ಅಖಾಡಕ್ಕಳಿದಿದ್ದಾರೆ. ಭರವಸೆ ಮೂಡಿಸಿರೋ ಟೆನ್​ ಸಿನಿಮಾದ ಟೀಸರ್​.

ರಾಘವೇಂದ್ರ ರಾಜ್​ಕುಮಾರ್​​ ಪುತ್ರ ವಿನಯ್​ ರಾಜ್​​ಕುಮಾರ್​ ಒಂದಕ್ಕಿಂತ ಒಂದು ವಿಭಿನ್ನ ಸಿನಿಮಾಗಳಲ್ಲಿ ನಟಿಸ್ತಾ ಬರ್ತಿದ್ದು, ಇದೀಗ ಬಾಕ್ಸರ್​ ಅವತಾರದಲ್ಲಿ ಪ್ರೇಕ್ಷಕರನ್ನ ರಂಜಿಸೋಕ್ಕೆ ಸಿದ್ಧರಾಗಿದ್ದಾರೆ. ವಿನಯ್​ ಅಭಿನಯದ ನಾಲ್ಕನೇ ಸಿನಿಮಾ ಟೆನ್​. ಕರಮ್​ ಚಾವ್ಲಾ ಈ ಚಿತ್ರಕ್ಕೆ ಆ್ಯಕ್ಷನ್​ ಕಟ್​ ಹೇಳಿದ್ಧಾರೆ.

ಪುಷ್ಕರ್​ ಮಲ್ಲಿಕಾರ್ಜುನಯ್ಯ ನಿರ್ಮಾಣದ ಟೆನ್​ ಚಿತ್ರದಲ್ಲಿ ಆಶಿಕಾ ರಂಗನಾಥ್​ ಸಹೋದರಿ ಅನುಷಾ ರಂಗನಾಥ್​ ನಾಯಕಿಯಾಗಿ ಮಿಂಚಿದ್ದಾರೆ. ವಿನಯ್​ ಬಾಕ್ಸರ್​​ ಪಾತ್ರಕ್ಕಾಗಿ ದೇಹವನ್ನ ಹುರಿಗೊಳಿಸಿ, ಖಡಕ್​ ಲುಕ್​ನಲ್ಲಿ ದರ್ಶನ ಕೊಟ್ಟಿದ್ಧಾರೆ. ಟೀಸರ್​ ನೋಡಿದ್ರೆ, ಬಾಕ್ಸರ್​​ ಒಬ್ಬನ ಏಳುಬೀಳಿನ ಕಥೆಯನ್ನ ಚಿತ್ರದಲ್ಲಿ ಹೇಳ್ತಿರೋದು ಗೊತ್ತಾಗ್ತಿದೆ.

ಗೋಪಾಲ ಕೃಷ್ಣ ದೇಶ್​ಪಾಂಡೆ ಚಿತ್ರದಲ್ಲಿ ಬಾಕ್ಸಿಂಗ್​ ಕೋಚ್​ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. 35 ಸೆಕೆಂಡ್​ಗಳ ಟೆನ್​ ಸಿನಿಮಾ ಟೀಸರ್ ಮೊದಲ ನೋಟದಲ್ಲೇ ಸಿನಿಮಾ ಮೇಲೆ ಭರವಸೆ ಮೂಡುವಂತೆ ಮಾಡಿದೆ. ಕ್ಲೀನ್​ ಶೇವ್​, ಕುರುಚಲು ಗಡ್ಡ, ದಟ್ಟವಾದ ಗಡ್ಡ ಹೀಗೆ ಬೇರೆ ಬೇರೆ ಶೇಡ್​ಗಳಲ್ಲಿ ವಿನಯ್​ ರಾಜ್​ಕುಮಾರ್​ ದರ್ಶನ ಕೊಟ್ಟಿದ್ದಾರೆ.

ಬಹುತೇಕ ಶೂಟಿಂಗ್​ ಮುಗಿಸಿರೋ ಟೆನ್​ ಚಿತ್ರತಂಡ ಟೀಸರ್​ ರಿಲೀಸ್​ ಮಾಡಿ ಗಮನ ಸೆಳೆದಿದೆ. ಚಿತ್ರಮಂದಿರಗಳೆಲ್ಲಾ ಬಂದ್​ ಆಗಿದ್ದು, ಯಾವಾಗ ಓಪನ್​ ಆಗುತ್ತೆ ಅನ್ನೋದು ಗೊತ್ತಿಲ್ಲ. ಸೆಪ್ಟೆಂಬರ್​ ವೇಳೆಗೆ ವಿನಯ್​​ ತೆರೆಮೇಲೆ ಬಾಕ್ಸಿಂಗ್​​​ ಪಂಚ್​ ಕೊಡಲಿದ್ದಾರೆ.

Latest article