Tuesday, May 17, 2022

ನಾಳೆ ರಾಜ್ಯಾದ್ಯಂತ ನಾಲ್ಕು ಸಿನಿಮಾಗಳು ರಿಲೀಸ್, ನೀವು ನೋಡಲೇ ಬೇಕಾದ ಚಿತ್ರ ಯಾವುದು ಗೊತ್ತಾ..?

Must read

ಸ್ಯಾಂಡಲ್​​ವುಡ್​ನಲ್ಲಿ ನಾಳೆ ಒಂದಲ್ಲ ಎರಡಲ್ಲ ಬರೊಬ್ಬರಿ 4 ಸಿನಿಮಾಗಳು ತೆರೆಗೆ ಬರೋಕ್ಕೆ ಸಜ್ಜಾಗಿವೆ. 4 ಸಿನಿಮಾಗಳು ಒಂದಕ್ಕಿಂದ ಒಂದು ವಿಭಿನ್ನವಾಗಿದ್ದು, ಈಗಾಗ್ಲೇ ಟ್ರೇಲರ್​ ಮತ್ತು ಸಾಂಗ್ಸ್ ಮೂಲಕ ಗಮನ ಸೆಳೆದಿವೆ.

ಈ ವಾರ ತೆರೆಗೆ ಬರೋಕ್ಕೆ ಸಜ್ಜಾಗಿರೋ 4 ಸಿನಿಮಾಗಳ ಸಾಲಿನಲ್ಲಿ ಹೆಚ್ಚು ಸುದ್ದಿ ಮಾಡ್ತಿರೋ ಸಿನಿಮಾ ಗೋಲ್ಡನ್​ ಸ್ಟಾರ್ ಅಭಿನಯದ ಗೀತಾ ಚಿತ್ರ. ಗೋಕಾಕ್​ ಚಳುವಳಿ ಕುರಿತಾದ ಕಥೆ ಜೊತೆಗೆ ಲವ್​ ಸ್ಟೋರಿಯನ್ನು ಬ್ಲೆಂಡ್​ ಮಾಡಿ ತೆರೆಗೆ ತರ್ತಿರೋ ವಿಭಿನ್ನ ಸಿನಿಮಾ ಇದು. ಗಣಿ ಸಿನಿಕರಿಯರ್​ನಲ್ಲಿ ಸಖತ್ ಡಿಫ್ರೆಂಟ್​ ಸಿನಿಮಾ ಇದಾಗಿದ್ದು,ವಿಜಯ್​ ನಾಗೇಂದ್ರ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ.

ಗೋಲ್ಡನ್​ ಸ್ಟಾರ್​ಗೆ ಜೋಡಿಯಾಗಿ ಚಿತ್ರದಲ್ಲಿ ಮೂವರು ನಾಯಕಿಯರಿದ್ದು,ಅನುಪ್ ರುಬೆನ್ಸ್​​ ಮ್ಯೂಸಿಕ್​ ಚಿತ್ರಕ್ಕಿದೆ. ವಿಶೇಷ ಎಂದರೇ ಗೀತಾ ಚಿತ್ರದ ಮೂಲಕ ಅಣ್ಣಾವರ ಮತ್ತು ಕರಾಟೆಕಿಂಗ್​ ಶಂಕರಣ್ಣನ ನೆನಪುಗಳನ್ನು ಮೆಲುಕು ಹಾಕ್ಬಹುದಾಗಿದೆ.

ಇನ್ನು ಗೀತಾ ಚಿತ್ರದ ಜೊತೆಗೆ ಕ್ಯೂರಿಯಾಸಿಟಿ ಹುಟ್ಟಿಸಿರೋ ಮತ್ತೊಂದು ಸಿನಿಮಾ ಕಿಸ್. ಔಟ್ ಅಂಡ್ ಔಟ್ ಕಮರ್ಷಿಯಲ್​ ಲವ್ ಸ್ಟೋರಿ ಇದಾಗಿದ್ದು, ಮೊದಲ ಬಾರಿಗೆ ಎಪಿ ಅರ್ಜುನ್ ನಿರ್ದೇಶನದ ಜೊತೆ ಸಿನಿಮಾ ನಿರ್ಮಾಣ ಕೂಡ ಮಾಡಿದ್ದಾರೆ.

ಫಸ್ಟ್ ಟೈಮ್​ ನಾಯಕನಾಗಿ ವಿರಾಟ್ ಮತ್ತು ನಾಯಕಿಯಾಗಿ ಶ್ರೀಲೀಲಾ ಅಭಿನಯಿಸಿದ್ದು, ಈಗಾಗ್ಲೇ ಚಿತ್ರದ ಹಾಡುಗಳು ಸಖತ್​ ವೈರಲ್​ ಆಗಿದೆ. ಸ್ಯಾಂಡಲ್​ವುಡ್​ ಸ್ಟಾರ್ಸ್​ ಕೂಡ ಕಿಸ್​ ಟ್ರೇಲರ್ ಮತ್ತು ಸಾಂಗ್ಸ್​​ ನೋಡಿ ಮೆಚ್ಚಿಕೊಂಡಿದ್ದಾರೆ.

ಆಟಕ್ಕುಂಟು ಲೆಕ್ಕಕ್ಕಿಲ್ಲ. ಇದೊಂದು ಸೈಕಲಾಜಿಕಲ್​ ಥ್ರಿಲ್ಲರ್​ ಸಿನಿಮಾ ಆಗಿದ್ದು, ರಾಷ್ಟ್ರಪ್ರಶಸ್ತಿ ವಿಜೇತ ಸಂಚಾರಿ ವಿಜಯ್ ಲೀಡ್​ರೋಲ್ನಲ್ಲಿ ಮಿಂಚಿದ್ದಾರೆ. ಇನ್ನು ಮಯೂರಿ ಮತ್ತು ದುನಿಯಾ ರಶ್ಮಿ ನಾಯಕಿಯರಾಗಿ ಬಣ್ಣ ಹಚ್ಚಿದ್ದಾರೆ. ರಾಮ್​ .ಜೆ ಚಂದ್ರ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದು, ಈಗಾಗ್ಲೇ ಆಟಕ್ಕುಂಟು ಲೆಕ್ಕಕ್ಕಿಲ್ಲ ಟ್ರೇಲರ್​ ಸಿನಿಮಾ ಬಗ್ಗೆ ಸಾಕಷ್ಟು ಕುತೂಹಲ ಮೂಡಿಸಿದೆ.

ಇನ್ನು ಈ ಮೂರು ಸಿನಿಮಾಗಳ ಜೊತೆಗೆ ಮತ್ತೊಂದು ಹಾರರ್ ಸಿನಿಮಾ ತೆರೆಕಾಣ್ತಿದ್ದು, ಅದೇ ನವರಾತ್ರಿ. ಚಿತ್ರದಲ್ಲಿ ದೇವರು ಮತ್ತು ದೆವ್ವ ಈ ಎರಡು ಶಕ್ತಿಗಳ ಬಗ್ಗೆ ಚರ್ಚೆ ಮಾಡಲಾಗಿದ್ದು, ಹಾರರ್ ಜೊತೆಗೆ ಕಾಮಿಡಿ ,ಲವ್ ಸ್ಟೋರಿ ಕೂಡ ಸಿನಿಮಾದಲ್ಲಿದೆ.

Also read:  ಮಾಜಿ ಸಚಿವ ಡಿಕೆ ಶಿವಕುಮಾರ್​ ಅಪೋಲೋ ಆಸ್ಪತ್ರೆ ದಾಖಲು..!

ತ್ರಿವಿಕ್ರಮ್ ಮತ್ತು ಒರಟ ಐ ಲವ್​ ಯೂ ಖ್ಯಾತಿಯ ಹೃದಯ ಲೀಡ್​ ರೋಲ್ನಲ್ಲಿ ಮಿಂಚಿದ್ದು, ಹಾಸ್ಯ ನಟ ಶಿವಮಂಜು ಕಾಮಿಡಿ ಕಿಕ್​ ಚಿತ್ರದಲ್ಲಿದೆ. ಲಕ್ಷ್ಮೀಕಾಂತ್​ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದು, ಸಮನ್ಯಾ ರೆಡ್ಡಿ ಮತ್ತು ವಂಶಿರೆಡ್ಡಿ ಚಿತ್ರಕ್ಕೆ ಬಂಡವಾಳ ಹಾಕಿದ್ದಾರೆ.

Latest article