ಮೆಗಾಸ್ಟಾರ್ ಚಿರಂಜೀವಿ 65ನೇ ವರ್ಷದ ಹುಟ್ಟುಹಬ್ಬಕ್ಕೆ ದಿನಗಣನೆ ಶುರುವಾಗಿದೆ. ಪ್ರತಿವರ್ಷ ಅಭಿಮಾನಿಗಳು ಬಹಳ ಅದ್ಧೂರಿಯಾಗಿ ನೆಚ್ಚಿನ ನಟನ ಹುಟ್ಟುಹಬ್ಬ ಆಚರಿಸುತ್ತಿದ್ದರು. ಆದರೆ, ಈ ವರ್ಷ ಕೊರೊನಾ ಅದಕ್ಕೆ ಬ್ರೇಕ್ ಹಾಕಿದೆ. ಆದರೆ, ಅಭಿಮಾನಿಗಳ ಸಂಭ್ರಮಕ್ಕೆ ಬ್ರೇಕ್ ಹಾಕೋರೇ ಇಲ್ಲ. ಈ ವರ್ಷ ಬಹಳ ವಿಭಿನ್ನವಾಗಿ ಮೆಗಾ ಸೆಲೆಬ್ರೇಷನ್ಗೆ ಪ್ಲಾನ್ ಮಾಡಿದ್ದಾರೆ.
ಮೆಗಾಸ್ಟಾರ್ ಚಿರಂಜೀವಿ. ಡ್ಯಾನ್ಸ್ ಐಕಾನ್. ಸ್ಟೈಲ್ ಕಿಂಗ್. ಮಾಸ್ ಪ್ರೇಕ್ಷಕರ ಫೇವರಿಟ್ ಆ್ಯಕ್ಟರ್. 80-90ರ ದಶಕದಲ್ಲಿ ಟಾಲಿವುಡ್ನಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡಿದ ಹೀರೋ. ಒಂದ್ಕಾಲದಲ್ಲಿ ಬಾಲಿವುಡ್ ಬಿಗ್ ಬಿನ ಮೀರಿಸಿದ ಸೌತ್ ಸೂಪರ್ ಸ್ಟಾರ್. ಇವತ್ತಿಗೂ ಯಂಗ್ ಹೀರೋಗಳಿಗೆ ಟಫ್ ಕಾಂಪಿಟೇಷನ್ ಕೊಡ್ತಿರೋ ಸ್ಟಾರ್ ಈ ಮೆಗಾ ಸ್ಟಾರ್.
ಎನ್ಟಿಆರ್ ಬಿಟ್ರೆ, ಟಾಲಿವುಡ್ನಲ್ಲಿ ದೊಡ್ಡಮಟ್ಟದಲ್ಲಿ ಕ್ರೇಜ್ ಸೃಷ್ಟಿಸಿದ ನಟ ಚಿರಂಜೀವಿ. ಬ್ಲಾಕ್ಬಸ್ಟರ್ ಸಿನಿಮಾಗಳಿಂದ ಬಾಕ್ಸಾಫೀಸ್ ಶೇಕ್ ಮಾಡ್ತಾ, ತೆಲುಗು ಚಿತ್ರರಂಗದ ಅನಭಿಷಿಕ್ತ ದೊರೆಯಾಗಿ ಮೆರೆಯುತ್ತಿರುವ ನಟ ಚಿರಂಜೀವಿ. ಮೆಗಾಸ್ಟಾರ್ ಚಿರಂಜೀವಿಗೆ ಫ್ಯಾನ್ ಫಾಲೋಯಿಂಗ್ ಹೇಗಿದೆ ಅನ್ನೋದನ್ನ ಬಿಡಿಸಿ ಹೇಳೋದೇ ಬೇಡ. ಇನ್ನು ಚಿರು ಬರ್ತ್ಡೇ ಅಂದ್ರೆ, ಅಭಿಮಾನಿಗಳಿಗೂ ದೊಡ್ಡ ಹಬ್ಬ.
ಆಗಸ್ಟ್ 22, ಮೆಗಾಸ್ಟಾರ್ ಹುಟ್ಟುಹಬ್ಬ. ಅಭಿಮಾನಿಗಳ ಪಾಲಿಗೆ ಅಂದೇ ಯುಗಾದಿ. ಅಂದೇ ದೀಪಾವಳಿ. ಪ್ರತಿವರ್ಷ ಅಭಿಮಾನಿಗಳ ಬಹಳ ಅದ್ಧೂರಿಯಾಗಿ ನೆಚ್ಚಿನ ನಟನ ಹುಟ್ಟುಹಬ್ಬ ಆಚರಿಸುತ್ತಿದ್ದರು. ರಕ್ತದಾನ ಸೇರಿದಂತೆ ಸಾಮಾಜಿಕ ಕಾರ್ಯಕ್ರಮಗಳು ಮೂಲಕ ಆ ದಿನವನ್ನ ವಿಶೇಷವಾಗಿಸುತ್ತಿದ್ದರು. ಹೈದರಾಬಾದ್ ಶಿಲ್ಪ ಕಲಾವೇದಿಕೆಯಲ್ಲಿ ಅದ್ಧೂರಿ ಕಾರ್ಯಕ್ರಮ ನಡೆಸಲಾಗ್ತಿತ್ತು. ಈ ಕಾರ್ಯಕ್ರಮದಲ್ಲಿ ಲಕ್ಷಾಂತರ ಫ್ಯಾನ್ಸ್ ಜೊತೆಗೆ ಮೆಗಾ ಫ್ಯಾಮಿಲಿ ಸ್ಟಾರ್ ಭಾಗಿಯಾಗ್ತಿದ್ರು. ಇನ್ನು ಚಿರು ಕೂಡ ಬಾಲಿವುಡ್ ಸೇರಿದಂತೆ ಎಲ್ಲಾ ಇಂಡಸ್ಟ್ರಿಗಳಲ್ಲಿರೋ ಸ್ನೇಹಿತರನ್ನ ಕರೆದು ಪಾರ್ಟಿ ಕೊಡುತ್ತಿದರು. ಆದರೆ, ಈ ವರ್ಷ ಅದಕ್ಕೆಲ್ಲಾ ಬ್ರೇಕ್ ಬಿದ್ದಿದೆ.
ಕೊರೊನಾ ಹಾವಳಿ ಹಿನ್ನಲೆಯಲ್ಲಿ ಮೆಗಾಸ್ಟಾರ್ ಚಿರಂಜೀವಿ ಹುಟ್ಟುಹಬ್ಬವನ್ನ ಅಭಿಮಾನಿಗಳೆಲ್ಲಾ ಒಂದೆಡೆ ಸೇರಿ ಅದ್ಧೂರಿಯಾಗಿ ಆಚರಿಸೋಕ್ಕೆ ಸಾಧ್ಯವಾಗ್ತಿಲ್ಲ. ಆದರೆ, ಅಭಿಮಾನಿಗಳು ಸೋಷಿಯಲ್ ಮೀಡಿಯಾದಲ್ಲೇ ಮೆಗಾ ಬರ್ತ್ಡೇ ಸೆಲೆಬ್ರೇಷನ್ಗೆ ಪ್ಲಾನ್ ಮಾಡಿದ್ದಾರೆ. ಒಂದರ್ಥದಲ್ಲಿ ಈಗಾಗಲೇ ಸೋಷಿಯಲ್ ಮೀಡಿಯಾದಲ್ಲಿ ಚಿರಂಜೀವಿ ಬರ್ತ್ಡೇ ಸೆಲೆಬ್ರೇಷನ್ ಶುರುವಾಗಿದೆ.
ಕೊರೊನಾ ಹಾವಳಿ ಹಿನ್ನಲೆಯಲ್ಲಿ ಎಲ್ಲಾ ಸೆಲೆಬ್ರೇಷನ್ ಸೋಷಿಯಲ್ ಮೀಡಿಯಾಗೆ ಸೀಮಿತವಾಗ್ತಿದೆ. ಸ್ಪೆಷಲ್ ಡಿಪಿಗಳನ್ನ ಡಿಸೈನ್ ಮಾಡಿ ಅದನ್ನ ಇಡೀ ದಿನ ಟ್ವಿಟ್ಟರ್ ಟ್ರೆಂಡ್ನಲ್ಲಿ ಇರುವಂತೆ ನೋಡಿಕೊಳ್ಳೋದು, ಕಾಮನ್ ಆಗ್ಬಿಟ್ಟಿದೆ. ಮೆಗಾಸ್ಟಾರ್ ಹುಟ್ಟುಹಬ್ಬಕ್ಕೂ ಇದೇ ರೀತಿ ಪ್ಲಾನ್ ಮಾಡಲಾಗ್ತಿದೆ. ಚಿರಂಜೀವಿ ಹುಟ್ಟುಹಬ್ಬಕ್ಕೆ ಸ್ಪೆಷಲ್ ಕಾಮನ್ ಮೋಷನ್ ಪೋಸ್ಟರ್ ರೆಡಿ ಮಾಡುತ್ತಿದ್ದಾರೆ ಫ್ಯಾನ್ಸ್. ಈ ಪೋಸ್ಟರ್ನ ಭಾರತೀಯ ಚಿತ್ರರಂಗದ 65 ಜನ ಸೆಲೆಬ್ರೆಟಿಗಳು ಲಾಂಚ್ ಮಾಡ್ತಿರೋದು ವಿಶೇಷ.
ಚಿರಂಜೀವಿಗೆ ಅಭಿಮಾನಿಗಳು ಮಾತ್ರವಲ್ಲ. ಎಲ್ಲಾ ಇಂಡಸ್ಟ್ರಿಗಳಲ್ಲೂ ಸ್ನೇಹಿತರಿದ್ದಾರೆ. ಅದಕ್ಕೆ ಬಾಲಿವುಡ್ನಲ್ಲೂ ಸಹ. ಚಿರಂಜೀವಿ 65ನೇ ವರ್ಷ ಹುಟ್ಟುಹಬ್ಬದ ಕಾಮನ್ ಮೋಷನ್ ಪೋಸ್ಟರ್ನ 65 ಜನ ಸೆಲೆಬ್ರಿಟಿಗಳಿಂದ ಲಾಂಚ್ ಮಾಡಿಸಲಾಗುತ್ತಿದೆ. ಆ ಮೂಲಕ ನೆಚ್ಚಿನ ನಟನಿಗೆ ಸ್ಪೆಷಲ್ ಟ್ರೀಟ್ ಕೊಡೋಕ್ಕೆ ಪ್ಲಾನ್ ಮಾಡಿದ್ದಾರೆ. ರಾಧಿಕಾ ಶರತ್ಕುಮಾರ್, ಮಮ್ಮುಟಿ, ವೆಂಕಟೇಶ್ ಹೀಗೆ 65 ಜನ ನಟನಟಿಯರು ಚಿರು ಫ್ಯಾನ್ಸ್ ಜೊತೆ ಕೈ ಜೋಡಿಸಿದ್ದಾರೆ.
ಸ್ಯಾಂಡಲ್ವುಡ್ನಲ್ಲಿ ಶಿವಣ್ಣ, ಗೋಲ್ಡನ್ ಸ್ಟಾರ್ ಗಣೇಶ್, ರಶ್ಮಿಕಾ ಮಂದಣ್ಣ ಸೇರಿದಂತೆ ಸಾಕಷ್ಟು ಜನ ಸಾಥ್ ಕೊಡ್ತಿದ್ದಾರೆ. ಈಗಾಗಲೇ ಈ ಬಗ್ಗೆ ಸ್ಪೆಷಲ್ ಟೀಸರ್ ರೆಡಿ ಮಾಡಿ ಫ್ಯಾನ್ಸ್ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡ್ತಿದ್ದಾರೆ.
ಇನ್ನು ಮೆಗಾಸ್ಟಾರ್ ಬರ್ತ್ಡೇ ಸ್ಪೆಷಲ್ ರ‍್ಯಾಪ್‌ ಸಾಂಗ್ ಕೂಡ ರೆಡಿಯಾಗ್ತಿದೆ. ಈಗಾಗಲೇ ಆ ಸಾಂಗ್ ಟೀಸರ್ ರಿಲೀಸ್ ಆಗಿದೆ. ಮಕ್ಕಳು ಚಿರಂಜೀವಿ ಮುಖವಾಡ ಹಾಕಿಕೊಂಡು ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಸಾಂಗ್ ಮೇಕಿಂಗ್ ಅದ್ಧೂರಿಯಾಗಿದ್ದು, ಚಿರು ಹುಟ್ಟುಹಬ್ಬಕ್ಕೆ ಸ್ಪೆಷಲ್ ಗಿಫ್ಟ್ ಅನ್ನಬಹುದು.
ನೆಚ್ಚಿನ ನಟನ ಹುಟ್ಟುಹಬ್ಬವನ್ನ ಇಷ್ಟು ಸ್ಪೆಷಲ್ ಮಾಡೋಕ್ಕೆ ಪ್ಲಾನ್ ಮಾಡಿದ್ದಾರೆ ಫ್ಯಾನ್ಸ್. ಅಂತಹ ಫ್ಯಾನ್ಸ್ಗೆ ಚಿರಂಜೀವಿ ಕಡೆಯಿಂದಲೂ ಬಿಗ್ ಸರ್ಪ್ರೈಸ್ಗಳು ಕಾದಿದೆ. ಸೈರಾ ನರಸಿಂಹ ರೆಡ್ಡಿ ಸಿನಿಮಾ ನಂತರ ಚಿರು ಆಚಾರ್ಯ ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ. ಕೊರಟಾಲ ಶಿವ ನಿರ್ದೇಶನದ ಈ ಸಿನಿಮಾ ಭಾರೀ ನಿರೀಕ್ಷೆ ಮೂಡಿಸಿದೆ. ಈ ಚಿತ್ರದ ಫಸ್ಟ್ ಲುಕ್ ಚಿರು ಬರ್ತ್ ಡೇ ಸ್ಪೆಷಲ್ಲಾಗಿ ರಿವೀಲ್ ಆಗಲಿದೆ.
ಚಿರು ಮಲಯಾಳಂನ ಲೂಸಿಫರ್ ರೀಮೇಕ್ನಲ್ಲಿ ನಟಿಸಲು ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಡೈರೆಕ್ಟರ್ ಬಾಬಿ ಆ್ಯಕ್ಷನ್ ಕಟ್ನಲ್ಲೂ ಚಿರು ನಟಿಸೋದು ಪಕ್ಕಾ ಆಗಿದೆ. ಈ ಎರಡು ಸಿನಿಮಾಗಳನ್ನ ಅಫೀಷಿಯಲ್ಲಾಗಿ ಆಗಸ್ಟ್ 22ರಂದು ಅನೌನ್ಸ್ ಮಾಡಲಿದ್ದಾರೆ. ಒಟ್ನಲ್ಲಿ ಈ ವರ್ಷ ಮೆಗಾಸ್ಟಾರ್ ಹುಟ್ಟುಹಬ್ಬ ವಿಭಿನ್ನವಾಗಿ ಮತ್ತು ಅಷ್ಟೇ ವಿಶೇಷವಾಗಿ ಇರಲಿದೆ.