Wednesday, May 18, 2022

'ಕಿಸ್' ನೋಡಿ ಅದ್ಧೂರಿ ಚಿತ್ರದ ದಿನಗಳನ್ನ ನೆನೆದ ಭರ್ಜರಿ ಹುಡ್ಗ..!

Must read

ಬೆಂಗಳೂರು: ಕಿಸ್ ಇದೊಂದು ಸಿನಿಮಾ ಮಾತ್ರ ಅಲ್ಲ, ಪ್ರೇಮಿಗಳ ಪ್ರಪಂಚ. ಮತ್ತೊಂದು ಪ್ರೇಮಲೋಕ. ಪರಿಶುದ್ಧ ಪ್ರೇಮಕಥೆಯ ಉತ್ಸವ. ತುಂಟ ತುಟಿಗಳ ಆಟೋಗ್ರಾಫ್ ಆದ್ರೂ. ಇಡೀ ಕುಟುಂಬ ನೋಡಬಹುದಾದಂತಹ ಪರಿಶುದ್ಧ ಪ್ರೇಮ ದೃಶ್ಯಕಾವ್ಯ. ಅಂತಹ ಯೂತ್​ಫುಲ್ ಕಿಸ್​ಗೆ ಆ್ಯಕ್ಷನ್​ ಪ್ರಿನ್ಸ್ ಮುತ್ತಿಕ್ಕಿದ್ದಾರೆ.

ಕಿಸ್ ಹೈಸ್ಕೂಲ್ ಹುಡ್ಗರಿಂದ ಹಿಡಿದು ಕಾಲೇಜ್ ಹುಡ್ಗರ ವರೆಗೆ, ಅಷ್ಟೇ ಯಾಕೆ ಮನರಂಜನೆ ಬಯಸೋ ಪ್ರತಿಯೊಬ್ಬ ಸಿನಿಪ್ರಿಯನ ಬಾಯಲ್ಲೂ ಜೈಕಾರ ಹೊಡೆಸಿಕೊಳ್ತಿರೋ ತುಂಟ ತುಟಿಗಳ ಆಟೋಗ್ರಾಫ್. ಕಳೆದ ವಾರ ತೆರೆಕಂಡ ಸ್ಟೈಲಿಶ್ ಡೈರೆಕ್ಟರ್ ಎಪಿ ಅರ್ಜುನ್​ರ ಕಿಸ್​ಗೆ ಇದೀಗ ಹ್ಯಾಟ್ರಿಕ್ ಆ್ಯಕ್ಷನ್​ ಪ್ರಿನ್ಸ್ ಧ್ರುವ ಸರ್ಜಾ ಮುತ್ತಿಕ್ಕಿದ್ದಾರೆ.

ಶ್ರೀಲೀಲಾ ಹಾಗೂ ವಿರಾಟ್ ನಟನೆಯ ಸ್ಯಾಂಡಲ್​ವುಡ್​ನ ಕ್ಯೂಟ್ ಟ್ರೆಂಡಿ ಆನ್ ಸ್ಕ್ರೀನ್ ಜೋಡಿಯಾಗಿದ್ದು, ಔಟ್ ಲುಕ್​ನಷ್ಟೇ ಮುದ್ದಾಗಿ ನಟಿಸಿರುವ ಈ ಜೋಡಿ ಅಕ್ಷರಶಃ ದೊಡ್ಡ ಪರದೆ ಮೇಲೆ ಮೋಡಿ ಮಾಡುತ್ತಿದೆ. ಬರೀ ಯೂತ್ಸ್ ಅಷ್ಟೇ ಅಲ್ಲ, ಇಡೀ ಕುಟುಂಬ ಕೂತು ನೋಡುವಂತಹ ಪರಿಶುದ್ಧವಾದಂತಹ ಪ್ರೇಮಕಥಾನಕ ಹೊಂದಿದೆ.

ಜೆಪಿ ನಗರದ ಸಿದ್ಧಲಿಂಗೇಶ್ವರ ಥಿಯೇಟರ್​ನಲ್ಲಿ ಕಿಸ್ ಸಿನಿಮಾ ನೋಡಿದ ಧ್ರುವ ಸರ್ಜಾ ಡೈರೆಕ್ಟರ್ ಅರ್ಜುನ್ ಹಾಗೂ ಶ್ರೀಲೀಲಾ-ವಿರಾಟ್​ರನ್ನ ಹಾಡಿ ಹೊಗಳಿದ್ದಾರೆ. ಅದ್ಧೂರಿ ದಿನಗಳನ್ನ ನೆನೆದ ಧ್ರುವ, ಅಂದು ಇದೇ ನಿರ್ದೇಶಕರು ನನ್ನನ್ನ ಇಂಟ್ರಡ್ಯೂಸ್ ಮಾಡಿದಾಗ ನಾನೊಬ್ಬ ಹೊಸಬ. ಇಂದು ಇವರೂ ಹೊಸಬರೇ. ಆದ್ರೆ ಹೊಸ ಪ್ರತಿಭೆಗಳನ್ನ ಇಟ್ಟುಕೊಂಡು ಅತ್ಯದ್ಭುತ ಸಿನಿಮಾ ಮಾಡಿದ್ದಾರೆ ಅಂತ ಕಿಸ್​ಗೆ ಫುಲ್ ಮಾರ್ಕ್ಸ್ ಕೊಟ್ಟಿದ್ದಾರೆ.

ಚಿಕ್ಕಣ್ಣನ ಕಾಮಿಡಿ ಟ್ರ್ಯಾಕ್​ನ ಹೈಲೆಟ್ ಮಾಡಿ ಹೇಳಿದ ಬಹದ್ದೂರ್ ಗಂಡು, ಶ್ರೀಲೀಲಾ- ವಿರಾಟ್ ಟಾಮ್ ಌಂಡ್ ಜೆರ್ರಿ ಸೀಕ್ವೆನ್ಸ್​ಗಳಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ರು. ಅದರಲ್ಲೂ ನೀನೆ ಮೊದಲು ಹಾಡಿಗೆ ಧ್ರುವ ಸರ್ಜಾ ಕ್ಲೀನ್ ಬೋಲ್ಡ್ ಆಗಿಬಿಟ್ಟಿದ್ದಾರೆ.

ಅದೇನೇ ಇರಲಿ, ದೊಡ್ಡ ಸ್ಟಾರ್​ಗಳ ಡೇಟ್ಸ್ ರೆಡಿ ಇದ್ದರು ಹೊಸಬರ ಜೊತೆ ಸಿನಿಮಾ ಮಾಡಿ ಗೆದ್ದಿರುವ ಎಪಿ ಅರ್ಜುನ್​ಗೆ ಇಡೀ ಚಿತ್ರರಂಗ ಶಹಬ್ಬಾಶ್​ ಅಂತಿದೆ. ನಿರ್ಮಾಪಕನಾಗಿಯೂ ಸಕ್ಸಸ್ ಆಗುತ್ತಿರುವ ಅರ್ಜುನ್​ಗೆ ಅಂಬಾರಿ ಮೇಲೆ ಹೊರುವಷ್ಟು ಬಾಕ್ಸಾಫೀಸ್ ಕಲೆಕ್ಷನ್ ಆಗಲಿ ಅಂತ ಹಾರೈಸೋಣ.

Also read:  ಬಸ್​ ನಿಲ್ದಾಣದಲ್ಲಿಯೇ ಸಾರಿಗೆ ನಿಯಂತ್ರಣಾಧಿಕಾರಿ ಆತ್ಮಹತ್ಯೆಗೆ ಶರಣು

ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಎಂಟ್ರಟೈನ್ಮೆಂಟ್ ಹೆಡ್, ಟಿವಿ5

Latest article