Thursday, May 19, 2022

ಆ ಕಾಲದ ನಾಯಕಿಯರ ಜೊತೆ ಮೆಗಾಸ್ಟಾರ್​ ಬಿಂದಾಸ್​ ಸ್ಟೆಪ್ಸ್

Must read

ಪ್ರತಿ ವರ್ಷ ‘ಎಯ್ಟೀಸ್ ರೀ ಯೂನಿಯನ್’ ಹೆಸರಿನಲ್ಲಿ 80ರ ದಶಕದ ಸೌತ್​ ನಟ-ನಟಿಯರೆಲ್ಲಾ ಒಂದೆಡೆ ಸೇರಿ, ಪಾರ್ಟಿ ಮಾಡ್ತಾರೆ. ಕಳೆದ ವರ್ಷ ನಡೆದ ಪಾರ್ಟಿಯಲ್ಲಿ ಚಿರಂಜೀವಿ, ಆ ಕಾಲದ ನಾಯಕಿಯರ ಜೊತೆ ಮಸ್ತ್​ ಮಸ್ತ್​​ ಸ್ಟೆಪ್ಸ್​ ಹಾಕಿರೋ ವೀಡಿಯೋ ಈಗ ರಿವೀಲ್​ ಆಗಿದೆ.

ಮೆಗಾಸ್ಟಾರ್​ ಅಂದ್ರೆ ಡ್ಯಾನ್ಸ್​​. ಡ್ಯಾನ್ಸ್​ ಅಂದ್ರೆ ಮೆಗಾಸ್ಟಾರ್. ಸೌತ್​ ಸಿನಿದುನಿಯಾದಲ್ಲಿ ಎಷ್ಟೇ ಜನ ಹೀರೋಗಳು ಬಂದರು, ಹೋದರು, ಚಿರು​​ ಡ್ಯಾನ್ಸ್​ ಮತ್ತು ಆ ಡ್ಯಾನ್ಸ್​​ನಲ್ಲಿರೋ ಜೋಶ್​ನ ಬೀಟ್​ ಮಾಡೋಕ್ಕೆ ಸಾಧ್ಯವಿಲ್ಲ. ವಯಸ್ಸು 60 ದಾಟಿದರು, ಚಿರು ಡ್ಯಾನ್ಸ್​​ಗೆ ಇನ್ನು 20ರ ಹರೆಯ.

ಕಳೆದ ಹತ್ತು ವರ್ಷಗಳಿಂದ 80ರ ದಶಕದ ನಟನಟಿಯರು ಒಂದೆಡೆ ಸೇರಿ ಪಾರ್ಟಿ ಮಾಡಿ ಎಂಜಾಯ್​ ಮಾಡ್ತಾ ಬರ್ತಿದ್ದಾರೆ. ಕಳೆದ ವರ್ಷ ಚಿರಂಜೀವಿ ಹೊಸ ಮನೆಯಲ್ಲಿ ಪಾರ್ಟಿ ಮಾಡಿದರು. ಕೆಲ ಫೋಟೋಗಳು ಬಿಟ್ರೆ, ಅದಕ್ಕೆ ಸಂಬಂಧಿಸಿದ ವೀಡಿಯೋ ರಿವೀಲ್​ ಆಗಿರಲಿಲ್ಲ. ಇದೀಗ ಸ್ವತಃ ಚಿರು ಬೊಂಬಾಟ್​ ವಿಡಿಯೋ ಶೇರ್​ ಮಾಡಿದ್ದಾರೆ.

ಸುಹಾಸಿನಿ ಜೊತೆ ರಾಕ್ಷಸುಡು ಚಿತ್ರದ ಹಾಡಿಗೆ ಹೆಜ್ಜೆ ಹಾಕಿರೋ ಚಿರು, ರಾಧ ಜೊತೆ ಮರಣ ಮೃದಗಂ ಚಿತ್ರದ ಹಾಡಿಗೆ ಕುಣಿದು ರಂಗೇರಿಸಿದ್ದಾರೆ. ಖುಷ್ಬು ಜೊತೆ ಬಂಗಾರು ಕೋಡಿ ಪೆಟ್ಟ ಹಾಡಿದೆ ಮೆಗಾಸ್ಟಾರ್​​ ಹೆಜ್ಜೆ ಹಾಕೋಕ್ಕೆ ಶುರು ಮಾಡ್ತಿದಂತೆ, ಜಯಪ್ರದಾ ಮತ್ತು ಜಯಸುಧ ಸಾಥ್​ ಕೊಡ್ತಾರೆ.

ಸುಮಲತಾ ಅಂಬರೀಶ್​, ವಿಕ್ಟರಿ ವೆಂಕಟೇಶ್, ಸರಿತಾ, ನಧಿಯಾ, ನಾಗಾರ್ಜುನ, ರಮೇಶ್​ ಅರವಿಂದ್, ರಾಧಿಕಾ, ಜಾಕಿಶ್ರಾಫ್​​​ ಸೇರಿದಂತೆ 80ರ ದಶಕದ ಸ್ಟಾರ್​ ನಟನಟಿಯರೆಲ್ಲಾ ಡ್ಯಾನ್ಸ್​ ನೋಡಿ ಎಂಜಾಯ್​ ಮಾಡಿರೋದನ್ನು ನೋಡಬಹುದು.

Latest article