Thursday, May 19, 2022

3 ಲಕ್ಷ ರೂ. ಸಾಲ ಪಡೆದು ವಂಚನೆ: ಕೊಣಾಜೆ ಗ್ರಾ.ಪಂ ಅಧ್ಯಕ್ಷೆಗೆ ಬಂಧನದ ವಾರೆಂಟ್​

Must read

ಮಂಗಳೂರು: ಮಹಿಳೆಯೊಬ್ಬರಿಂದ 3 ಲಕ್ಷ ರೂಪಾಯಿ ಸಾಲ ಪಡೆದು ಮರುಪಾವತಿಸದೇ ವಂಚಿಸಿರುವ ಮಂಗಳೂರು ಹೊರವಲಯದ ಕೊಣಾಜೆ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ವಿರುದ್ಧ 5ನೇ ಜೆಎಂಎಫ್ ನ್ಯಾಯಾಲಯದಿಂದ ಬಂಧನದ ವಾರೆಂಟ್​ ಜಾರಿಯಾಗಿದೆ.

ಗ್ರಾ.ಪಂ. ಅಧ್ಯಕ್ಷೆ ಚಂಚಲಾಕ್ಷಿಯವರು ಸ್ನೇಹಿತೆ ಶೈನಿ ಎಂಬುವವರಿಂದ 3 ಲಕ್ಷ ರೂಪಾಯಿ ಸಾಲ ಪಡೆದಿದ್ದರು. ಬಳಿಕ ಸಾಲ ಮರುಪಾವತಿಸದೇ ವಂಚಿಸಿದ್ದರು. 2019ರಲ್ಲಿ ಶೈನಿಯವರು ನ್ಯಾಯಾಲಯದ​ ಮೊರೆ ಹೋಗಿದ್ದರು. ಕೋರ್ಟ್​ ವಿಚಾರಣೆಗೆ ಕರೆದರೂ ಅಧ್ಯಕ್ಷೆ ಚಂಚಲಾಕ್ಷಿ ಹಾಜರಾಗಿರಲಿಲ್ಲ. ನಂತರ ಕೋರ್ಟ್​ನಿಂದ ಸಮನ್ಸ್​ ಜಾರಿಯಾದರೂ ಕ್ಯಾರೇ ಎಂದಿರಲಿಲ್ಲ.

ಹೀಗಾಗಿ, 5ನೇ ಜೆಎಂಎಫ್ ನ್ಯಾಯಾಲಯದಿಂದ ಬಂಧನದ ವಾರೆಂಟ್​ ಜಾರಿಯಾಗಿದ್ದು, ಆರೋಪಿ ಬಂಧಿಸಿ ಕರೆ ತರುವಂತೆ ಕೊಣಾಜೆ ಪೋಲಿಸರಿಗೆ ಸೂಚಿಸಲಾಗಿದೆ.

 

Latest article