Tuesday, November 29, 2022
Home Politics

Politics

ಕೈ ಟಗರಿನ ನಡೆ ಕೋಲಾರದ ಕಡೆಗೆ!? ಮುಂಬರುವ ಚುನಾವಣೆಗೆ ಕ್ಷೇತ್ರವೇ ಫೈನಲ್ ಆಗಿಲ್ಲ ನಿಲ್ಲೋದು ವರುಣಾನೋ,ಕೋಲಾರವೋ,ಬಾದಾಮಿಯೋ ಗೊತ್ತಿಲ್ಲ ಆದ್ರೂ ಗೆಲ್ಲಲು ಬೇಕಾದ ತಂತ್ರಗಳ ಕಡೆ ಮಾಜಿ ಸಿಎಂ ಸಿದ್ದರಾಮಯ್ಯ ಕಸರತ್ತು ನಡೆಸಿದ್ದಾರೆ. ಕೋಲಾರದಲ್ಲೇ ನಿಲ್ಲೋಕೆ ಕ್ಷೇತ್ರ ಗಟ್ಟಿ ಮಾಡಿಕೊಳ್ತಿದ್ದಾರೆ ಎಂಬ ಅನುಮಾನಕ್ಕೆ ಗ್ರಾಸವಾಗಿದೆ. ವರುಣಾ ಜೊತೆ ಕೋಲಾರದಲ್ಲೂ ಗೆಲ್ಲುವ ತಂತ್ರಗಾರಿಕೆಗೆ ಹೆಚ್ಚು ಒತ್ತು ನೀಡಿದ್ರಾ ಎಂಬ ಪ್ರಶ್ನೆ ಕಾಡುತ್ತಿದೆ. ಈಗಾಗಲೇ ಕೋಲಾರ ರೌಂಡ್ಸ್ ಹೊಡೆದು ಬಂದಿರುವ ಕೈ ನ ಟಗರು ಅಭೂತ ಪೂರ್ವ ಜನ ಬೆಂಬಲ ಕಂಡು ಸಂತೋಷ ವ್ಯಕ್ತಪಡಿಸಿದ್ದಾರೆ. ಇತ್ತ ಪ್ರತಿಪಕ್ಷ ನಾಯಕರು ಟಗರಿನ ಈ ನಡೆಯನ್ನು ಕಂಡು ದಂಗಾಗಿದ್ದಾರೆ ಎನ್ನಲಾಗಿದೆ. ಮಾಜಿ ಸಿ.ಎಂ ಒಂದೇ ಕಲ್ಲಿನಲ್ಲಿ ಎರಡು ಹಕ್ಕಿಯನ್ನು ಹೊಡೆದಿದ್ದಾರೆಯೇ, ಏಕಾಏಕಿ ದಿವಂಗತ ಐಎಎಸ್ ಅಧಿಕಾರಿ ಡಿ.ಕೆ.ರವಿ ಪತ್ನಿ ಕುಸುಮಾರವರ ಜ್ಙಾನಭಾರತಿ ಬಳಿಯಿರುವ ನಿವಾಸಕ್ಕೆ ನೆನ್ನೆ ಭೇಟಿ ನೀಡಿದ್ದಾರೆ ಎನ್ನಲಾಗಿದೆ. ಮಾಜಿ ಸಿಎಂ ಭೇಟಿಯ ಹಿಂದೆ ಮತದಾರರ ಮನ ಸೆಳೆಯುವ ಉದ್ದೇಶ ಎನಾದರೂ ಇದೆಯೇ ಎಂಬ ಚರ್ಚೆ ಉದ್ಭವವಾಗುತ್ತಿದೆ.