Wednesday, May 18, 2022

ವಿಕ್ಟೋರಿಯ ಆಸ್ಪತ್ರೆಯ ಕರ್ಮಕಾಂಡ: ಶವದ ಪಕ್ಕದಲ್ಲೇ ರೋಗಿಗೆ ಚಿಕಿತ್ಸೆ..?

Must read

ಬೆಂಗಳೂರು: ನಗರದ ವಿಕ್ಟೋರಿಯ ಆಸ್ಪತ್ರೆಯ ಸ್ಥಿತಿ ನೋಡಿದರೆ ಎಂತವರಿಗಾದರೂ ಒಮ್ಮೆ ಎದೆ ಝಲ್​ ಎನಿಸುತ್ತದೆ.

ವಿಕ್ಟೋರಿಯ ಆಸ್ಪತ್ರೆಯಲ್ಲಿ ಐಸಿಯು ಬೆಡ್​ಗಳ ಕೊರತೆಯಾಗಿದ್ದು, ಆಸ್ಪತ್ರೆಯಲ್ಲಿ ಶವದ ಪಕ್ಕವೇ ಮತ್ತೋರ್ವ ರೋಗಿಗೆ ಚಿಕಿತ್ಸೆ ನೀಡುತ್ತಿರುವ ಆರೋಪ ಕೇಳಿ ಬಂದಿದೆ.

ಆಸ್ಪತ್ರೆಯಲ್ಲಿ ಸೂಕ್ತ ವ್ಯವಸ್ಥೆ ಇಲ್ಲದೇ ಬಡ ರೋಗಿಗಳು ಪರದಾಡುತ್ತಿದ್ದು, ಸಾವಿನ ಸಂಖ್ಯೆ ಹೆಚ್ಚಾಗುತ್ತಿರುವ ಕಾರಣ ನನಗೆ ಈ ಆಸ್ಪತ್ರೆ ಬೇಡ ಎಂದು ರೋಗಿಗಳು ತಾವಾಗಿಯೇ ಆಸ್ಪತ್ರೆಯಿಂದ ಹೊರ ನಡೆಯುತ್ತಿದ್ದಾರೆ. ಇನ್ನೂ ಕೆಲವರು ಐಸಿಯು ಬೆಡ್​ ಸಿಗದೇ ತಮ್ಮ ಊರುಗಳಿಗೆ ಮರಳುತ್ತಿದ್ದಾರೆ.

ಇನ್ನು ಆಸ್ಪತ್ರೆಯಿಂದ ಹೊರ ಬರಲು ಸ್ಟ್ರೆಚರ್ ಸಿಗದೇ ಗಂಭೀರ ಸ್ಥಿತಿಯಲ್ಲಿದ್ದ ರೋಗಿಯೊಬ್ಬರು ಮೆಟ್ಟಿಲುಗಳ ಮೇಲೆ ತೆವಳುತ್ತಾ ಹೊರ ಬಂದ ದೃಶ್ಯ ಕಂಡುಬಂದಿದೆ.

ಒಟ್ಟಾರೆ ಬಡವರ ಪಾಲಿಗೆ ಸಂಜೀವಿನಿಯಾಗ ಬೇಕಾದ ಸರ್ಕಾರಿ ಆಸ್ಪತ್ರೆಗಳೇ ಈ ರೀತಿ ಅವ್ಯಸ್ಥೆಯಿಂದ ಕೂಡಿದ್ದು, ಆರೋಗ್ಯ ಸಚಿವರು ಇತ್ತ ಗಮನ ಹರಿಸ ಬೇಕಾಗಿದೆ.

Latest article