Thursday, May 19, 2022

ಸರ್ಕಾರಿ ಉದ್ಯೋಗಿಯಾಗಿ ಅಕ್ರಮ ಆಸ್ತಿ ಮಾಡಿದ್ರೆ ಆರೋಪಿ ಜೊತೆ ಕುಟುಂಬಸ್ಥರಿಗೂ ಜೈಲು ಫಿಕ್ಸ್​​​..!

Must read

ಬೆಂಗಳೂರು: ಸರ್ಕಾರಿ ಕೆಲಸದಲ್ಲಿ ಇದ್ದುಕೊಂಡು ಅಕ್ರಮ ಆಸ್ತಿ ಮಾಡಿರುವ ಆರೋಪದ ಮೇಲೆ ನಿಮ್ಸಾನ್ಸ್​​ ನಿವೃತ್ತ ಹಿರಿಯ ವೈದ್ಯಾಧಿಕಾರಿ ಕೆ.ಮಿಲನ್ ಹಾಗೂ ಅವರ ಕುಟುಂಬಸ್ಥರಿಗೆ ಸಿಬಿಐ ವಿಶೇಷ ನ್ಯಾಯಾಲಯ ಶಿಕ್ಷೆ ಪ್ರಕಟ ಮಾಡಿದೆ.

ಮಿಲನ್ ಹಾಗೂ ಮೂವರು ಸಹೋದರಿಯರು ಹಾಗೂ ತಾಯಿಗೆ ಒಂದು ವರ್ಷ ಶಿಕ್ಷೆಯೊಂದಿಗೆ 25 ಸಾವಿರ ದಂಡ ಪಾವತಿಸುವಂತೆ ಕೋರ್ಟ್​ ತಿಳಿಸಿದೆ.

1/04/ 2002ರರಿಂದ 25/01/ 2013 ಕರ್ತವ್ಯದಲ್ಲಿದ್ದ ಮಿಲನ್ 2014ರ ಫೆಬ್ರವರಿಯಲ್ಲಿ ಅಮಾನತಾದರು.
2008ರಲ್ಲಿ ಮಿಲನ್ ವಿರುದ್ಧ ದೂರು ದಾಖಲಾಗಿದ್ದು, ವಿವೇಕನಗರದ ಮಿಲನ್ ಮನೆ ಮೇಲೆ ಸಿಬಿಐ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ಈ ವೇಳೆ ಒಂದು ಕೋಟಿ ಮೌಲ್ಯದ ಅಕ್ರಮ ಆಸ್ತಿ ಪತ್ತೆಯಾಗಿತ್ತು. ಆಸ್ತಿ ಅಕ್ರಮವಲ್ಲ, ವ್ಯವಹಾರದಿಂದ ಸಂಪಾದನೆ ಮಾಡಿರೋದು ಎಂದಿದ್ದ ಮಿಲನ್ ಕುಟುಂಬಸ್ಥರು ವ್ಯವಹಾರದ ಸರಿಯಾದ ಲೆಕ್ಕ ತೋರಿಸಲು ವಿಫಲವಾಗಿದ್ದರು. ಅಲ್ಲದೇ ದಾಳಿ ವೇಳೆ ಸಿಕ್ಕಿದ 92 ಲಕ್ಷ ರೂಪಾಯಿಗೂ ಕೂಡ ಲೆಕ್ಕ ನೀಡಿರಲಿಲ್ಲ.

ಈ ಬಗ್ಗೆ ವಿಚಾರಣೆ ನಡೆಸಿದ ಸಿಬಿಐ ವಿಶೇಷ ನ್ಯಾಯಾಲಯ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಮಿಲನ್ ಸೇರಿ ಕುಟುಂಬದ ನಾಲ್ವರಿಗೆ ಒಂದು ವರ್ಷ ಜೈಲು ಹಾಗೂ 25 ಸಾವಿರ ದಂಡ ವಿಧಿಸಿ ಆದೇಶ ಹೊರಡಿಸಿದೆ.

Latest article