Wednesday, June 29, 2022

ಇಲಿ ಕಾರಿನ ವೈಯರ್ ಕಚ್ಚಿದ್ದಕ್ಕೆ 5 ಲಕ್ಷ ಪರಿಹಾರ ಕೇಳಿದ ಮಹಾಶಯ: ಠಾಣೆ ಮೆಟ್ಟಿಲೇರಿದ ಪ್ರಕರಣ

Must read

ಬೆಂಗಳೂರು: ಇನೋವಾ ಕಾರಿನ ವೈಯರ್​ ಅನ್ನು ಇಲಿ ಕತ್ತರಿಸಿದ್ದಕ್ಕೆ ವ್ಯಕ್ತಿಯೋರ್ವ 5 ಲಕ್ಷ ಪರಿಹಾರಕ್ಕೆ ಬೇಡಿಕೆಯಿಟ್ಟಿರುವ ಘಟನೆ ಆರ್.ಟಿ ನಗರದ ಕಂಫರ್ಟ್‌ ಎನ್​ಕ್ಲೇವ್‌ ಅಪಾರ್ಟ್​ಮೆಂಟ್​ನಲ್ಲಿ ನಡೆದಿದೆ.

ಲಕ್ಷ್ಮೀ ನಾರಾಯಣ್ ಎಂಬ ವ್ಯಕ್ತಿಯ ಇನೋವಾ ಕಾರಿನ ವೈಯರ್​ ಅನ್ನು ಇಲಿಯೊಂದು ಕಚ್ಚಿ ತುಂಡು ಮಾಡಿತ್ತು. ಅದಕ್ಕೆ 5 ಲಕ್ಷ ಪರಿಹಾರ ನೀಡುವಂತೆ ಲಕ್ಷ್ಮೀ ನಾರಾಯಣ್ ಅಪಾರ್ಟ್​ಮೆಂಟ್​ ಅಸೋಸಿಯೇಶನ್‌ ಅಧ್ಯಕ್ಷರಿಗೆ ತಿಳಿಸಿದ್ದ. ಪರಿಹಾರ ನೀಡಲು ಒಪ್ಪದಿದ್ದಾಗ ಅಪಾರ್ಟ್​ಮೆಂಟ್​ ಮುಂದೆ ನಿತ್ಯ ಕಸ ಸುರಿದು ರಂಪಾಟ ಮಾಡುತ್ತಿದ್ದ. ಜೊತೆಗೆ ಕೊಲೆ ಬೆದರಿಕೆ ಹಾಕಿದ್ದ.

ಕೊಲೆ ಬೆದರಿಕೆಯಿಂದ ಬೇಸತ್ತ ಅಪಾರ್ಟ್​ಮೆಂಟ್​ ನಿವಾಸಿಗಳು, ಲಕ್ಷ್ಮೀ ನಾರಾಯಣ್ ವಿರುದ್ಧ ಆರ್​.ಟಿ.ನಗರ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಕಾರು ಮಾಲೀಕನ ರಂಪಾಟ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

Latest article