Thursday, May 19, 2022

ಪೊಲೀಸರ ಡ್ರಗ್ಸ್​​ ದಂಧೆ ಕೇಸ್​: ನಾಲ್ಕೇ ದಿನದಲ್ಲಿ ಜಾಮೀನು ಪಡೆದು ಹೊರ ಬಂದ ​​ಕಾನ್ಸ್ಟೇಬಲ್​​ಗಳು

Must read

ಬೆಂಗಳೂರು: ಡ್ರಗ್ಸ್​ ದಂಧೆಯಲ್ಲಿ ಪೊಲೀಸರೇ ಭಾಗಿಯಾದ ಪ್ರಕರಣ ದಿನಕ್ಕೊಂದು ತಿರುವು ಪಡೆಯುತ್ತಿದೆ.

ಪ್ರಕರಣದ ಆರೋಪಿಗಳಾದ ಸಂತೋಷ್ ಮತ್ತು ಶಿವಕುಮಾರ್ ವಿರುದ್ಧ ಕೋರಮಂಗಲ ಇನ್ಸ್​​ಪೆಕ್ಟರ್​​ ಬಿ.ಕೆ ರವಿ ಮೊದಲೇ ಡಿಸಿಪಿಗೆ ವರದಿ ನೀಡಿದ್ದರು ಎನ್ನಲಾಗಿದೆ. ಆದರೆ ಯಾವುದೇ ಕ್ರಮ ತೆಗೆದುಕೊಳ್ಳದ ಡಿಸಿಪಿ‌ ಶ್ರೀನಾಥ್ ಜೋಷಿ ಆರೋಪಿಗಳನ್ನೇ ಸಿಎಂ ನಿವಾಸದ ಭದ್ರತೆಗೆ ನಿಯೋಜನೆ ಮಾಡಿದ್ದರು. ಈ ಹಿನ್ನೆಲೆಯಲ್ಲಿ ನಗರ ಪೊಲೀಸ್​ ಆಯುಕ್ತ ಕಮಲ್​ ಪಂತ್​ ಈಗಾಗಲೇ ಶೋಕಾಸ್ ನೋಟಿಸ್​ ನೀಡಿದ್ದು, ವರದಿ ನೀಡುವಂತೆ ಆದೇಶಿಸಿದ್ದಾರೆ.

ಇನ್ನು ಡ್ರಗ್ಸ್​ ಪ್ರಕರಣ ಸಂಬಂಧ ಅರೆಸ್ಟ್​ ಆಗಿದ್ದ ಪೊಲೀಸ್​ ಸಿಬ್ಬಂದಿ ನಾಲ್ಕೇ ದಿನದಲ್ಲಿ ಜಾಮೀನು ಪಡೆದು ಹೊರ ಬಂದಿದ್ದಾರೆ.  ಕಾನ್ಸ್ಟೇಬಲ್​ಗಳಿಗೆ ಬಿಡುಗಡೆಯಾಗಲು ಅನುಕೂಲಕರ ಕಾಯ್ದೆ ದಾಖಲಿಸಿರುವ ಅಶ್ವತ್ ಗೌಡ ಮಾರಾಟ ಮಾಡಿದರೂ ಕೂಡ ಡ್ರಗ್ಸ್ ಸೇವನೆ ಎಂದು ಎಫ್​ಐಆರ್​ ದಾಖಲಿಸಿದ್ದಾರೆ ಎನ್ನಲಾಗಿದೆ.

ಹೀಗಾಗಿ ಸರಿಯಾದ ತನಿಖೆ ನಡೆಸದೇ ಆರೋಪಿ ಪೊಲೀಸರಿಗೆ ಜಾಮೀನಿಗೆ ದಾರಿ‌‌ ಮಾಡಿಕೊಟ್ಟ ಕಾರಣ ಸದ್ಯ ಅಶ್ವತ್ ಗೌಡ ಅವರನ್ನು ಕರ್ತವ್ಯದಿಂದ ಅಮಾನತುಗೊಳಿಸಲಾಗಿದೆ.

Latest article