Tuesday, October 26, 2021

ಪಿಎಂ ಕೇರ್ಸ್​ ಫಂಡ್​ನಲ್ಲಿ ಮೋಸ ನಡೆಯಿತಾ? ಮಾತಾಡಿ ಪ್ಲೀಸ್​..! – ARE WE STUPID..?

Must read

ದೇಶದಲ್ಲಿ ಕೋವಿಡ್​ ಕೊಟ್ಟ ಕಷ್ಟಗಳು ಸಾಲದೆಂಬಂತೆ ಬೆಲೆ ಏರಿಕೆ ಕಷ್ಟಗಳಿಂದಲೂ ಜನ ಹೈರಾಣಾಗಿದ್ದಾರೆ.

ಪೆಟ್ರೋಲ್​, ಡೀಸೆಲ್​ ಅಡುಗೆ ಅನಿಲ, ಅಡುಗೆ ಎಣ್ಣೆ , ದಿನಸಿ ಪದಾರ್ಥಗಳ ಬೆಲೆ ಎರಡು ಮೂರು ಪಟ್ಟು ಹೆಚ್ಚಾಗಿದೆ. ಮನುಷ್ಯನಿಗೆ ತಾನು ದುಡಿಯುತ್ತಿರುವ ಹಣ ಅವತ್ತಿನ ಊಟಕ್ಕಾದರೆ ಅದೇ ಹೆಚ್ಚು ಎನ್ನುವಂತಾಗಿದೆ. ಇಂತಹ ಸನ್ನಿವೇಶದಲ್ಲಿಯೂ ಇದೇ ಪಿಎಂ ಕೇರ್ಸ್​ ಫಂಡ್​ಗೆ ಅನೇಕರು ದಾನವಾಗಿ ಹಣ ಕೊಟ್ಟಿದ್ದಾರೆ. ದೇಶದ ಪ್ರಧಾನಿಗಳು ಇದನ್ನ ಕೋವಿಡ್​ ವಿರುದ್ಧದ ಹೋರಾಟಕ್ಕೆ ಬಳಸುತ್ತಾರೆ ಎಂಬ ನಂಬಿಕೆಯಿಂದ. ಆದರೆ ಆದದ್ದೇನು? ಈ ಪಿಎಂ ಕೇರ್ಸ್​ ಫಂಡ್​ ಅಸಲಿಗೆ ಸರ್ಕಾರದ ನಿಧಿಯೇ ಅಲ್ಲ! ಇದೊಂದು ಖಾಸಗಿ ಟ್ರಸ್ಟ್​. ಈ ಖಾಸಗಿ ಟ್ರಸ್ಟ್ ನಿಂದ ಜನಗಳಿಗೆ ಯಾವ ರೀತಿ ನೆರವನ್ನ ನಿರೀಕ್ಷಿಸಬಹುದು. ಈ ಕಡೆ ಬೆಲೆಯೇರಿಕೆ ಕಾರಣದಿಂದಲೂ ಅಪಾರ ಪ್ರಮಾಣದ ಟ್ಯಾಕ್ಸ್​ ಹಣ ಸರ್ಕಾರದ ಬೊಕ್ಕಸ ಸೇರುತ್ತಿದೆ. ಅಲ್ಲಿಯೂ ತೆರಿಗೆ ಕಟ್ಟಿ ಕಟ್ಟಿ ದೇಶದ ಜನ ಹೈರಾಣಾಗಿದ್ದಾರೆ. ಈ ಕಡೆ ದಾನ ಕೊಟ್ಟ ಹಣದಿಂದಲೂ ಬಿಡಿಗಾಸಿನ ನೆರವಿಲ್ಲದೇ ಕುಗ್ಗಿ ಹೋಗಿದ್ದಾನೆ.

ದೇಶದ ಪ್ರಧಾನ ಮಂತ್ರಿಗಳ ಈ ನಡೆ ನಿಜಕ್ಕೂ ಆಘಾತಕಾರಿಯಲ್ಲವೇ? ಜನಗಳ ದಾನದ ಹಣವನ್ನ , ಜನಗಳ ಕಷ್ಟಗಳಿಗೆ ಬಳಸದೇ ತಮ್ಮ ಖಾಸಗಿ ಉದ್ದೇಶಕ್ಕೆ ವರ್ಗಾಯಿಸಿಕೊಂಡರೆ ಯಾರಾದರೂ ಮೆಚ್ಚುವ ಕೆಲಸವೇ ಇದು. ಇಂತಹ ಪ್ರಕರಣವನ್ನ ದೇಶ ಎಂದಾದರೂ ಕಂಡಿತ್ತಾ? ಕೇಳಿತ್ತಾ? ನೀವೇ ಹೇಳಿ. ಸ್ವಾಮಿ ಪ್ರಧಾನಿಯವರೇ ಈ ದೇಶ ನಿಮಗೆ ಏನು ಕಡಿಮೆ ಮಾಡಿತ್ತು? ಜನಪ್ರತಿನಿಧಿಗಳ ಜನಪ್ರತಿನಿಧಿ ನೀವು. ದೇಶದ ಹೆಮ್ಮೆಯ ಪ್ರಧಾನ ಮಂತ್ರಿ ಹುದ್ದೆಯನ್ನ ನೀವು ಅಲಂಕರಿಸಿದ್ದೀರಿ. ಅದಕ್ಕಿರುವ ತೂಕ ಮತ್ತು ಘನತೆ ವರ್ಣಿಸಲು ಸಾಧ್ಯವಿಲ್ಲ. ಇಂತಹ ಹುದ್ದೆಯಲ್ಲಿದ್ದು ಇದೇ ಪಿಎಂ ಕೇರ್ಸ್​ ಫಂಡ್​ ಅನ್ನ ಸರ್ಕಾರದ ನಿಧಿಯಾಗಿಯೇ ಸಂಗ್ರಹಿಸಬಹುದಿತ್ತಲ್ಲ. ಅದು ಬಿಟ್ಟು ಪ್ರಧಾನಿ ಹುದ್ದೆಯಲ್ಲಿದ್ದುಕೊಂಡೇ ಸರ್ಕಾರದ ಮತ್ತು ದೇಶದ ಹೆಸರು ಹೇಳಿ ಖಾಸಗಿಯಾಗಿ ಒಂದು ಟ್ರಸ್ಟ್​ ಹೇಗೆ ಮತ್ತು ಏಕೆ ಸ್ಥಾಪಿಸಿಕೊಂಡಿರಿ? ಇದಕ್ಕೆ ನಿಮಗೆ ಪ್ರಶ್ನೆ ಕೇಳಬಾರದೇ? ಮತ್ತು ಉತ್ತರ ನಿರೀಕ್ಷಿಸಬಾರದೇ? ದೇವದುರ್ಲಭ ಜನಪ್ರೀತಿ ಮತ್ತು ಆಶೀರ್ವಾದ ನಿಮಗೆ ಸಿಕ್ಕಿರಲಿಲ್ಲವೇ? ನಿಮ್ಮ ಒಂದು ಮಾತಿಗೆ ಓಗೊಟ್ಟು ದೇಶದ ಜನ ಅಪಾರವಾಗಿ ದಾನ ಕೊಡಲಿಲ್ಲವೇ? ಆ ಹಣವೆಲ್ಲಾ ಖಾಸಗಿ ತಿಜೋರಿ ಸೇರಿಸಿಕೊಂಡಿದ್ದೀರಲ್ಲಾ ? ಇದು ಸರಿಯೇ?

Also read:  9 ವರ್ಷಗಳಾದ್ರೂ ಮುಗಿಯದ ಎತ್ತಿನಹೊಳೆ ಯೋಜನೆ..! ₹12,900 ಕೋಟಿಯಿಂದ ₹26 ಸಾವಿರ ಕೋಟಿಗೆ ವೆಚ್ಚ ಹೆಚ್ಚಳ..!

ದೇಶದ ಸುಪ್ರೀಂ ಕೋರ್ಟ್​ ಇದೇ ವಿಚಾರಕ್ಕೆ ಒಂದು ಸು ಮೋಟೋ ಕೇಸ್​ ದಾಖಲಿಸಿಕೊಂಡು ಒಂದು ತನಿಖೆ ನಡೆಸಲು ಮನಸು ಮಾಡಬಾರದೇ? ದೇಶದ ಜನಗಳ ದುಡ್ಡು ಖಾಸಗಿ ಟ್ರಸ್ಟ್​ಗೆ ಹೋಗಿದ್ದರೆ ಅದು ಹಗರಣವಲ್ಲವೇ? ಕನಿಷ್ಠ ಮೋಸವಲ್ಲವೇ? ಆಕ್ಸಿಜನ್​, ವ್ಯಾಕ್ಸಿನ್​, ಸಾವಿನ ಪರಿಹಾರ, ಅನಾಥ ಮಕ್ಕಳ ಶಿಕ್ಷಣ ಎಲ್ಲ ವಿಷಯದಲ್ಲಿಯೂ ಸುಪ್ರೀಂ ಕೋರ್ಟ್​ನ ಮಧ್ಯಸ್ಥಿಕೆಯಿಂದಲೇ ನ್ಯಾಯ ಸಿಕ್ಕಿದೆ. ಪಿಎಂ ಕೇರ್ಸ್​ ಫಂಡ್​ ವಿಷಯದಲ್ಲೂ ನ್ಯಾಯ ನಿಮ್ಮಿಂದ ಸಿಗಲಿ.

More articles

Latest article