Monday, January 30, 2023

ದಳಪತಿಗಳಿಂದ ‘ಕನ್ನಡ’ ಅಸ್ತ್ರ

Must read

ಮುಂದಿನ ವಿಧಾನಸಭಾ ಚುನಾವಣೆಗೆ ದಳಪತಿಗಳು ಈಗಿನಿಂದಲೇ ಭರ್ಜರಿ ಸಿದ್ಧತೆ ನಡೆಸುತ್ತಿದ್ದಾರೆ. ಈ ಸಂಬಂಧ ಮುಂದಿನ ಚುನಾವಣೆಗೆ ಕನ್ನಡದ ಮೂಲಕ ಮನೆ ಮನ ತಲುಪಲು ‘ದಳ’ ನಾಯಕರ ಪ್ಲಾನ್ ಮಾಡಿಕೊಂಡಿದ್ದಾರೆ. ಕನ್ನಡಿಗರನ್ನ ಸೆಳೆಯಲು ಜೆಡಿಎಸ್​ನಿಂದ ವಿನೂತನ ಕಾರ್ಯಕ್ರಮ ಮಾಡಲು ಮುಂದಾಗಿದ್ದಾರೆ. ಬಿಜೆಪಿಯ ಹರ್​ ಘರ್​ ತಿರಂಗದಂತೆ ಜೆಡಿಎಸ್​ನಿಂದ ಕನ್ನಡ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗುತ್ತದೆ. ಈ ಅಭಿಯಾನಕ್ಕೆ ನವೆಂಬರ್​ 1ರಿಂದ ರಾಜ್ಯಾದ್ಯಂತ ಚಾಲನೆ ನೀಡಲಾಗುವುದು.

ಹರ್ ಘರ್ ತಿರಂಗಾ ಮೂಲಕ ಬಿಜೆಪಿ ಜನರನ್ನ ಸೆಳೆದಿತ್ತು. ಇದೀಗ ಜೆಡಿಎಸ್​ ಕೂಡ ಬಿಜೆಪಿ ಹಾದಿಯನ್ನೇ ಹಿಡಿದಿದ್ದು, ಕನ್ನಡ ಅಸ್ತ್ರದ ಮೂಲಕ ಜನರ ಮನ ಗೆಲ್ಲುಲು ಪ್ರಯತ್ನಿಸುತ್ತಿದೆ. ಮನೆ ಮನೆಗೆ ಹೋಗಿ ಕನ್ನಡ ಬಾವುಟ ನೀಡುವ ಮೂಲಕ ಅಭಿಯಾನ ಪ್ರಾರಂಭಿಸಲು ಜೆಡಿಎಸ್​ ಪ್ಲಾನ್ ಮಾಡಿಕೊಂಡಿದೆ. ಮನೆ ಮೇಲೆ ಕನ್ನಟ ಬಾವುಟ ಹಾರಿಸುವಂತೆ ವಿನೂತನ ಅಭಿಯಾನಕ್ಕೆ ಕನ್ನಡ ಸಂಘಟನೆಗಳು , ಸಂಘ ಸಂಸ್ಥೆಗಳು ಕೂಡ ಸಾಥ್​ ನೀಡಲಿವೆ. ಈಗಾಗಲೇ ಕನ್ನಡ ಸಂಘಟನೆಗಳೊಂದಿಗೆ ಮಾತುಕಥೆ‌ ನಡೆಸುವ ದಳಪತಿಗಳು ಕನ್ನಡದ ಮೂಲಕವೇ ಹೆಚ್ಚು ಜನರನ್ನು ತಲುಪಲು‌ ಪ್ಲಾನ್ ಮಾಡಿಕೊಂಡಿದೆ. ಇನ್ನು ಜೆಡಿಎಸ್​ನ ಹೊಸ ಅಭಿಯಾನದ ಚಿತ್ರಣ ಕಣ್ಮುಂದೆ ಬರಲು ದಿನಗಣನೆ ಶುರುವಾಗಿದೆ.

Latest article