Tuesday, May 17, 2022

ಈ ಸಲ ಕಪ್​ ನಮ್ದೇ ಜೋಶ್​ನಲ್ಲಿರುವ ಆರ್​ಸಿಬಿಗೆ ಇಂದು ಮಾಡು ಇಲ್ಲವೇ ಮಡಿ ಪಂದ್ಯ​

Must read

ಪ್ಲೇ ಆಫ್ ಮೈಲುಗಲ್ಲು ತಲುಪಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಇಂದು ಮೊದಲ ಎಲಿಮಿನೇಟರ್ ಪಂದ್ಯದಲ್ಲಿ ಕೆಕೆಆರ್​ ತಂಡವನ್ನು ಎದುರಿಸಲು ಸಜ್ಜಾಗಿದೆ. ಈ ಬಾರಿ 3ನೇ ತಂಡವಾಗಿ ಪ್ಲೇ ಆಫ್ ಪ್ರವೇಶ ಪಡೆದಿರುವ ಆರ್​ಸಿಬಿ “ಈ ಸಲ ಕಪ್ ನಮ್ದೇ” ಎಂಬ ಜೋಶ್​ನಲ್ಲಿದೆ. ಕಳೆದ ಪಂದ್ಯದಲ್ಲಿ ಡೆಲ್ಲಿ ವಿರುದ್ಧ ಕೊನೇ ಕ್ಷಣದವರೆಗೂ ಹೋರಾಡಿ ರೋಚಕ ಗೆಲುವು ಸಾಧಿಸಿದ ಆರ್​ಸಿಬಿ ತಂಡ ಇಂದು ಎಲಿಮಿನೇಟರ್​ನಲ್ಲಿ ಗೆಲ್ಲುವ ತವಕದಲ್ಲಿದೆ.

ಬ್ಯಾಟಿಂಗ್,​ ಬೌಲಿಂಗ್ ಆರ್​ಸಿಬಿ ಇಂದಿನ ಪಂದ್ಯದಲ್ಲಿ ಗೆದ್ದರೆ ಮಾತ್ರ ಮುಂದಿನ ಸೆಮಿ ಫೈನಲ್ ಪಂದ್ಯಕ್ಕೆ ಅವಕಾಶ ಪಡೆಯಲಿದೆ. ಆರ್​ಸಿಬಿ ಫೈನಲ್​ ಪ್ರವೇಶಿಸುವ ಕ್ಷಣಕ್ಕಾಗಿ ಅಭಿಮಾನಿಗಳು ಕೂಡ ಕಾತುರದಿಂದ ಕಾಯುತ್ತಿದ್ದಾರೆ. ಇದೆಲ್ಲವೂ ಇಂದಿನ ಪಂದ್ಯದಲ್ಲಿ ನಿರ್ಧಾರವಾಗಲಿದ್ದು, ಕೆಕೆಆರ್​ ಕೂಡ ಅಷ್ಟೇ ಬಲಿಷ್ಟವಾದ ತಂಡವಾದ್ದರಿಂದ ಬಹಳ ಚಾಣಕ್ಷತೆಯಿಂದ ಆಟ ಮುಂದುವರೆಸಲು ಬೆಂಗಳೂರು ಬಳಗ ಕಾತುರದಿಂದ ಕಾತುರದಲ್ಲಿದೆ. ಇವತ್ತಿನ ಪಂದ್ಯ ಸಂಜೆ 7.30ಕ್ಕೆ ಶಾರ್ಜಾದಲ್ಲಿ ಕೆಕೆಆರ್ ತಂಡದ ಮಾರ್ಗನ್​, ಆರ್​​ಸಿಬಿ ತಂಡದ ಕೊಹ್ಲಿ ನಾಯಕತ್ವದಲ್ಲಿ ಪಂದ್ಯ ನಡೆಲಿದೆ. ಎರಡೂ ತಂಡಗಳು ಕೂಡ ಜಿದ್ದಾಜಿದ್ದಿಗೆ ಸಜ್ಜಾಗಿ ನಿಂತಿವೆ. ಇವತ್ತಿನ ಎರಡೂ ತಂಡಗಳಿಗೂ ಅಗ್ನಿ ಪರೀಕ್ಷೆಯಾಗಿದೆ.

Latest article