Top

'ಫ್ಯಾಂಟಮ್' ಇನ್ಮುಂದೆ 'ವಿಕ್ರಾಂತ್​ ರೋಣ'

ಬದಲಾಯ್ತು ‘ಫ್ಯಾಂಟಮ್’ ಚಿತ್ರದ ಟೈಟಲ್​

ಫ್ಯಾಂಟಮ್ ಇನ್ಮುಂದೆ ವಿಕ್ರಾಂತ್​ ರೋಣ
X

ಕಿಚ್ಚ ಸುದೀಪ್​ ಅಭಿನಯದ ಬಿಗ್​ ಬಜೆಟ್ ಸಿನಿಮಾ ಫ್ಯಾಂಟಂ ಈಗ ವಿಕ್ರಾಂತ್​​ ರೋಣ ಆಗಿ ಬದಲಾಗಿದೆ. ಹಿಂದೆಂದೂ ಯಾವ ಕನ್ನಡ ಸಿನಿಮಾ ಕೂಡ ಮಾಡಿರದ ಹಾಗೇ ಟೈಟಲ್​ ಲಾಂಚ್​ ಮಾಡೋಕ್ಕೆ ಹೊರ್ಟಿದೆ ಚಿತ್ರತಂಡ.

ಫ್ಯಾಂಟಂ ಸ್ಯಾಂಡಲ್​ವುಡ್​ ಸಿನಿ ಇಂಡ್ರಸ್ಟ್ರಿಯ ಪೋಸ್ಟ್ ಎಕ್ಸ್​ಪೆಕ್ಡೆಡ್ ಸಿನಿಮಾ. ಪಾತ್ರ ಪರಿಚಯದಿಂದಲೇ ಕುತೂಹಲ ಸೃಷ್ಟಿಸಿದ್ದ ಫ್ಯಾಂಟಂ ಚಿತ್ರತಂಡ, ಜ.21ರಂದು ಒಂದು ಮಹತ್ವದ ಘೋಷಣೆ ಮಾಡುವುದಾಗಿ ಹೇಳಿಕೊಂಡಿತ್ತು. ಇದೀಗ ಪ್ಯಾಟಂ ಚಿತ್ರತಂಡ ಬಿಗ್ ಅನೌನ್ಸ್​ಮೆಂಟ್ ಮಾಡಿದೆ. ​ಚಿತ್ರದ ಟೈಟಲ್ ಅನ್ನೇ ಬದಲಾಯಿಸಿದೆ. ಫ್ಯಾಂಟಮ್ ಬದಲು ಚಿತ್ರದಲ್ಲಿ ಸುದೀಪ್‌ ಪಾತ್ರಕ್ಕಿರುವ ವಿಕ್ರಾಂತ್​ ರೋಣ ಹೆಸರನ್ನೇ ಟೈಟಲ್ ಆಗಿ ಘೋಷಣೆ ಮಾಡಿದೆ.

ಇನ್ನು ಸ್ಯಾಂಡಲ್​​​​​​ವುಡ್​ನಲ್ಲಿ ಕಿಚ್ಚ ಸುದೀಪ್ ಆರಡಿ ಕಟೌಟ್ ಅಂತಾನೇ ಫೇಮಸ್. ಇದೀಗ ಈ ಆರಡಿ ಕಟೌಟ್​ ವಿಶ್ವದ ಅತಿ ಎತ್ತರದ ಕಟ್ಟಡದಲ್ಲಿ ರಾರಾಜಿಸಲಿದೆ. ಈ ಮೂಲಕ ಬುರ್ಜ್​ ಕಲೀಫಾದಲ್ಲಿ ಕಟೌಟ್​​ ನಿಲ್ಲಿಸಿದ ಮೊದಲ ನಟ ಎಂಬ ಹೆಗ್ಗಳಿಕೆ ಕಿಚ್ಚನದಾಗುತ್ತದೆ ಹಾಗೂ​ ವಿಕ್ರಾಂತ್ ರೋಣ ಎಂದು ಬದಲಾಗಿರುವ ಶೀರ್ಷಿಕೆಯನ್ನು ದೊಡ್ಡಮಟ್ಟದಲ್ಲಿ ಅನಾವರಣ ಮಾಡುವುದಕ್ಕೆ ತಂಡ ಸಿದ್ಧತೆ ಮಾಡಿಕೊಂಡಿದೆ. ಜನವರಿ 31ರಂದು ದುಬೈನ ಬುರ್ಜ್‌ ಖಲೀಫಾದಲ್ಲಿ ವಿಕ್ರಾಂತ್ ರೋಣ ಟೈಟಲ್ ಅನಾವರಣ ಆಗಲಿದೆ.

ಬುರ್ಜ್ ಖಲೀಫಾ ವಿಶ್ವದ ಅತೀ ಎತ್ತರದ ಕಟ್ಟಡ. ಈ ಕಟ್ಟಡದಲ್ಲಿ ಟೈಟಲ್ ಲಾಂಚ್​​ ಮಾಡಿಕೊಳ್ಳುತ್ತಿರುವ ಕನ್ನಡದ ಮೊದಲ ಸಿನಿಮಾ ಅನ್ನೋ ಖ್ಯಾತಿಗೆ ವಿಕ್ರಾಂತ್ ರೋಣ ಪಾತ್ರವಾಗಿದೆ. ಇನ್ನು ಟೈಟಲ್ ಲಾಂಚ್ ಜೊತೆಗೆ ಚಿತ್ರದ 3 ನಿಮಿಷ ಒಂದು ಸ್ನೀಕ್ ಪೀಕ್ ವಿಡಿಯೋವನ್ನು ಸಹ ರಿಲೀಸ್ ಮಾಡುವುದಕ್ಕೆ ತಂಡ ಪ್ಲ್ಯಾನ್ ಮಾಡಿಕೊಂಡಿದೆ. ಇದು ಸಿನಿ ಪ್ರೇಮಿಗಳ ನಿರೀಕ್ಷೆ ಹೆಚ್ಚಿಸಿದೆ.

ಕನ್ನಡ ಚಿತ್ರವೊಂದು ಸ್ನೀಕ್​ ಪೀಕ್ ರಿಲೀಸ್ ಮಾಡ್ತಾ ಇರೋದು ಇದೇ ಮೊದಲು. ಹೀಗಾಗಿ ಸಹಜವಾಗಿಯೇ ಇದರ ಬಗ್ಗೆ ನಿರೀಕ್ಷೆ ಹೆಚ್ಚಾಗಿದೆ. ಸ್ನೀಕ್​ಪೀಕ್​ನಲ್ಲಿ ಏನೆಲ್ಲಾ ಇರಬಹುದು ಅನ್ನೋ ಲೆಕ್ಕಾಚಾರ ಶುರುವಾಗಿದೆ. ವಿಕ್ರಾಂತ್ ರೋಣ ಚಿತ್ರಕ್ಕಾಗಿ ಹೈದರಾಬಾದ್‌ನ ಅನ್ನಪೂರ್ಣ ಸ್ಟುಡಿಯೋಸ್‌ನಲ್ಲಿ ದೊಡ್ಡ ಸೆಟ್‌ಗಳನ್ನು ಹಾಕಲಾಗಿತ್ತು. ಬಹುಶಃ ಅದೆಲ್ಲ ಹೇಗಿರಲಿದೆ ಎಂಬ ಸಣ್ಣ ಹಿಂಟ್ ಅನ್ನು ಸ್ನೀಕ್ ಪೀಕ್ ವಿಡಿಯೋದಲ್ಲಿ ತೋರಿಸಬಹುದು ಎನ್ನಲಾಗುತ್ತಿದೆ.

ಇನ್ನು, ಈ ಹಿಂದೆ ಬುರ್ಜ್ ಖಲೀಫಾದಲ್ಲಿ ಹಾಲಿವುಡ್‌ನ ಸಿನಿಮಾಗಳಾದ 'ವಂಡರ್‌ ವುಮನ್‌- 1984', 'ಮಾರ್ವೆಲ್‌' ಸೇರಿದಂತೆ ಕೆಲ ಸಿನಿಮಾಗಳ ಟೀಸರ್‌ ಮತ್ತು ಟ್ರೇಲರ್‌ಗಳು ಪ್ರದರ್ಶನವಾಗಿದ್ದವು. ಇವುಗಳ ಸಾಲಿಗೆ ಈಗ ಕನ್ನಡದ ಸಿನಿಮಾ ಸಹ ಸೇರಿಕೊಳ್ಳಲಿದೆ.

ಕಿಚ್ಚ ಸುದೀಪ್​​​​​​​​​ ಸಿನಿಯಾನಕ್ಕೆ 25 ವರ್ಷ ತುಂಬಿದೆ. ಸುದೀಪ್ ಸಿನಿಯಾನದ ಬೆಳ್ಳಿ ಹಬ್ಬದ ಸಂಭ್ರಮ ಕೂಡ ಬುರ್ಜ್​ ಖಲೀಫಾದಲ್ಲೇ ನಡೆಯಲಿದೆ. ಇದಕ್ಕಾಗಿ ಭರ್ಜರಿ ಸಿದ್ಧತೆ ಮಾಡಿಕೊಳ್ಳಲಾಗಿದೆ.

Next Story

RELATED STORIES