ಗೆಳೆಯರ ಜೊತೆ ಜಾಲಿ ಬೈಕ್ ರೈಡ್ ಮಾಡಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
3 ದಿನಗಳ ಕಾಲ ಮಡಿಕೇರಿ ಟ್ರಿಪ್ ಮಾಡಲಿರೋ ದಚ್ಚ
ಬೆಂಗಳೂರು: ಸ್ಯಾಂಡಲ್ವುಡ್ ಚಾಲೆಂಜಿಂಗ್ ಸ್ಟಾರ್ ದರ್ಶನ್, ಲಾಕ್ಡೌನ್ ಆದಾಗಿನಿಂದ ಈವರೆಗೂ ಪರ್ಸನಲ್ ಲೈಫ್ ಎಂಜಾಯ್ ಮಾಡ್ತಾ ಕಾಲ ಕಳಿತಿದ್ದಾರೆ. ಸ್ನೇಹಿತರ ಜೊತೆ ಹೆಚ್ಚು ಟೈಂ ಸ್ಪೆಂಡ್ ಮಾಡ್ತಿದ್ದಾರೆ. ಇದೀಗ ಸ್ನೇಹಿತರ ಜೊತೆ ಜಾಲಿಯಾಗಿ ಬೈಕ್ ರೈಡ್ ಹೊರ್ಟಿದ್ದಾರೆ ದಚ್ಚು.
ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಲಾಕ್ಡೌನ್ ಆದಾಗಿನಿಂದ ಈವರೆಗೂ ಪರ್ಸನಲ್ ಲೈಫ್ನಲ್ಲಿ ಸಖತ್ ಬ್ಯುಸಿಯಾಗಿದ್ದಾರೆ. ಇನ್ನು ಕೂಡ ಶೂಟಿಂಗ್ ಅಖಾಡಕ್ಕೆ ಇಳಿಯದ ದಚ್ಚು, ಫ್ರೆಂಡ್ಸ್, ಫ್ಯಾಮಿಲಿ ಜೊತೆ ಹಾಯಾಗಿ ಸಮಯ ಕಳಿತಿದ್ದಾರೆ.
ಲಾಕ್ಡೌನ್ ಸಮಯದಲ್ಲಿ ಮೈಸೂರಿನ ಫಾರ್ಮ್ ಹೌಸ್ನಲ್ಲಿಯೇ ಸ್ನೇಹಿತರ ಜೊತೆ ಕಾಲ ಕಳೆದಿದ್ರು ದಚ್ಚು. ಸಾಕು ಪ್ರಾಣೀಗಳ ಆರೈಕೆ ಮಾಡ್ತಾ, ಟ್ರ್ಯಾಕ್ಟರ್ ಏರಿ ಮೈಸೂರು ರಸ್ತೆಯಲ್ಲಿ ಸುತ್ತಾಡುತ್ತಾ ಆರಾಮಾಗಿ ಇದ್ರು. ಆ ನಂತರ ಬೆಂಗಳೂರಿಗೆ ಬಂದ ದಚ್ಚು ಕೆಲ ದಿನಗಳ ನಂತರ ಮತ್ತೆ ಮೈಸೂರಿನತ್ತ ಮುಖ ಮಾಡಿದ್ದಾರೆ. ಅದು ಫ್ರೆಂಡ್ ಜೊತೆ ಬೈಕ್ನಲ್ಲಿ ಮೈಸೂರು ಸೇರಿದ್ದಾರೆ.
ಬೆಂಗಳೂರಿನ ಆರ್ಆರ್ ನಗರದ ದಚ್ಚು ಮನೆಯಿಂದ, ಸುಮಾರು 10ಕ್ಕೂ ಹೆಚ್ಚು ಬೈಕ್ಗಳನ್ನೇರಿ ಜಾಲಿ ರೈಡ್ ಹೊರ್ಟಿದ್ದಾರೆ ದಚ್ಚ ಮತ್ತು ಫ್ರೆಂಡ್ಸ್. ಇನ್ನು ದರ್ಶನ್ಗೆ ನಟರಾದ ಚಿಕ್ಕಣ್ಣ, ಯಶಸ್ ಸೂರ್ಯ, ಧಮ ಕೀರ್ತಿರಾಜ್, ನಿರ್ಮಾಪಕ ಉಮಾಪತಿ ಶ್ರೀನಿವಾಸ್ ಸಾಥ್ ಕೊಟ್ಟಿದ್ದಾರೆ. ಮೊದಲಿಗೆ ಬೆಂಗಳೂರಿನಿಂದ ಮೈಸೂರಿನ ಫಾರ್ಮ್ಹೌಸ್ಗೆ ಪ್ರಯಾಣ ಬೆಳೆಸಿದ್ದಾರೆ. ಅಲ್ಲಿಂದ 3 ದಿನಗಳ ಕಾಲ ಮಡಿಕೇರಿ ಸುತ್ತಮುತ್ತ ರೈಡ್ ಹೋಗುತ್ತಿದ್ದಾರೆ.
ಮೊದಲಿನಿಂದಲೂ ದರ್ಶನ್ಗೆ ಕುದುರೆ ಸವಾರಿ, ಬೈಕ್ ರೈಡಿಂಗ್, ಕಾರ್ ಡ್ರೈವಿಂಗ್ ಅಂದ್ರೆ ಕ್ರೇಜ್ ಇದ್ದೇ ಇದೆ. ಈ ಹಿಂದೆ ಸಾಕಷ್ಟು ಸಲ ಬೈಕ್ ರೈಡಿಂಗ್ ಹೋಗಿರೋದು ಇದೆ. ಅದೇ ರೀತಿ ಇದೀಗ ಇಂಡಸ್ಟ್ರಿ ಫ್ರೆಂಡ್ಸ್ ಹಾಗೂ ಪರ್ಸನಲ್ ಫ್ರೆಂಡ್ಸ್ ಜೊತೆ ಬೈಕ್ ಸವಾರಿ ಹೊರ್ಟಿದ್ದಾರೆ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
