ಕಾಲಿವುಡ್​ನಲ್ಲಿ ದರ್ಬಾರ್ ಮಾಡ್ತಿದೆ ಮದಯಾನೈ

ಸ್ಯಾಂಡಲ್​ವುಡ್​ ಮತ್ತು ಟಾಲಿವುಡ್​ನಲ್ಲಿ ಘರ್ಜಿಸಿ ಘೀಳಿಟ್ಟ ಮದಗಜ ಈಗ ತಮಿಳಿನಲ್ಲಿ ರೋರ್​ ಮಾಡ್ತಿದೆ. ಟೀಸರ್ ರಿಲೀಸ್​ ಆದ 2 ದಿನಕ್ಕೆ ಮದಯಾನೈ ಟಾಕ್​ ಆಫ್​​ದ ಕಾಲಿವುಡ್​ ಆಗಿದೆ. ಹಾಗಾದ್ರೆ ಮದಗಜ ಮದಯಾನೈ ಆಗಿ ಹೇಗೆ ಅಬ್ಬರಿಸ್ತಿದೆ.

ಸ್ಯಾಂಡಲ್​ವುಡ್​ನ ಮೋಸ್ಟ್ ಎಕ್ಸ್​ಪೆಕ್ಡೆಡ್​ ಸಿನಿಮಾ ಮದಗಜ, ಶುರುವಿನಿಂದ, ಟೀಸರ್ ರಿಲೀಸ್​ವರೆಗೂ ಒಂದಲ್ಲ ಒಂದು ರೀತಿ ಸೌಂಡ್ ಮಾಡ್ತಾನೇ ಬಂದಿದೆ. ಕನ್ನಡದ ಮದಗಜ ಟೀಸರ್ ರಿಲೀಸ್​ ಆದ 24 ಗಂಟೆಯಲ್ಲಿಯೇ ಮಿಲಿಯನ್​​​ಗಟ್ಟಲೆ ವೀವ್ಸ್​ ಸಾಧಿಸಿತ್ತು. ರೋರಿಂಗ್ ಸ್ಟಾರ್ ಆರ್ಭಟಕ್ಕೆ ಸ್ಯಾಂಡಲ್​​​ವುಡ್​​ನ ಹಳೆ ರೆಕಾರ್ಡ್​ಗಳು ಧೂಳಿಪಟವಾಗಿದೆ. ಚಂದನವನದಲ್ಲಿ ಮದಗಜ ಟೀಸರ್​ ಸೆನ್ಸೇಷನ್ ಕ್ರಿಯೆಟ್ ಮಾಡಿದೆ. ಸದ್ಯ 40 ಲಕ್ಷ ಮಂದಿ ಮದಗಜ ಟೀಸರ್ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಹೊಸ ವರ್ಷದ ಪ್ರಯುಕ್ತ ತೆಲುಗಿನಲ್ಲೂ ಮದಗಜ ಫಸ್ಟ್​ಲುಕ್ ಟೀಸರ್ ರಿಲೀಸ್ ಆಗಿತ್ತು ಆಂಧ್ರ, ತೆಲಂಗಾಣದಲ್ಲೂ ಮದಗಜನ ರಣಘರ್ಜನೆಯ ಬಗ್ಗೆ ಗೊತ್ತೇಯಿದೆ. ತೆಲುಗಿನಲ್ಲಿ ಫಸ್ಟ್​​ಲುಕ್​​ ಟೀಸರ್​ ಬಿಡುಗಡೆಯಾದ 24 ಗಂಟೆಯಲ್ಲೇ ಮಿಲಿಯನ್​ಗಟ್ಟಲೇ ವೀವ್ಸ್ ಪಡೆದುಕೊಂಡಿತ್ತು. ಸೋಶಿಯಲ್ ಮೀಡಿಯಾದಲ್ಲಿ ಮದಗಜ ಬಿರುಗಾಳಿಯೇ ಎದ್ದಿತ್ತು. ತೆಲುಗು ಟೀಸರ್​ಗೂ ಶ್ರೀಮುರುಳಿಯೇ ಧ್ವನಿ ನೀಡಿದ್ದು. ಮುರಳಿ ಕಂಚಿನ ಕಂಠಕ್ಕೆ ತೆಲುಗು ಫ್ಯಾನ್ಸ್ ಫಿದಾ ಆಗಿದ್ದಾರೆ.

ಸದ್ಯ ಟಾಲಿವುಡ್​ನಲ್ಲಿ ಶ್ರೀ ಮುರುಳಿ ಹವಾ ಶುರುವಾಗಿದೆ. ಮದಗಜ ತೆಲುಗು ಟೀಸರ್​ಗೆ ಮೆಚ್ಚುಗೆಯ ಮಹಾಪೂರವೇ ಹರಿದುಬಂದಿದೆ. ಅಭಿಮಾನಿಗಳಂತೂ ಟೀಸರ್ ನೋಡಿಯೇ ಥ್ರಿಲ್ ಆಗಿದ್ದಾರೆ. ಟಾಲಿವುಡ್​ನಲ್ಲಿ ಪ್ರತಿಯೊಂದು ವಿಚಾರದಲ್ಲೂ ಪ್ರೇಕ್ಷಕರನ್ನು ಅಟ್ರ್ಯಾಕ್ಟ್ ಮಾಡುವಲ್ಲಿ ಮದಗಜ ಟೀಸರ್ ಯಶಸ್ವಿಯಾಗಿದೆ. ತೆಲುಗು ಮಂದಿ ಮದಗಜನನ್ನು ಮುಕ್ತ ಕಂಠದಿಂದ ಕೊಂಡಾಡಿದ್ದಾರೆ. ತೆಲುಗಿನಲ್ಲೂ ಸದ್ಯ ಟೀಸರ್ 13 ಲಕ್ಷ ಮಂದಿಯ ಮನಗೆದ್ದು ಮುನ್ನುಗುತ್ತಿದೆ.

ಸ್ಯಾಂಡಲ್​ವುಡ್​, ಟಾಲಿವುಡ್​ ನಂತರ ಸದ್ಯ ಕಾಲಿವುಡ್​ನಲ್ಲಿ ಮದಗಜ ಚಿತ್ರದ ಟೀಸರ್​ ರಿಲೀಸ್​ ಆಗಿದೆ. ತಮಿಳೀನಲ್ಲಿ ಮದಯಾನೈ ಅಂತ ಟೈಟಲ್​ ಫಿಕ್ಸ್​ ಆಗಿದ್ದು, ಇದೇ 18 ರಂದು ಅಂದ್ರೆ 2 ದಿನಗಳ ಹಿಂದಷ್ಟೇ , ಆನಂದ್​ ಆಡಿಯೋ ಯೂಟ್ಯೂಬ್​ ಚಾನಲ್​ನಲ್ಲಿ ತಮಿಳು ಟೀಸರ್ ಬಿಡುಗಡೆಯಾಗಿದೆ.

ತೆಲುಗು ಟೀಸರ್​ಗೆ ಸ್ವತಃ ವಾಯ್ಸ್​ ನೀಡಿದ್ದ ಇದೀಗ ತಮಿಳು ಟೀಸರ್ಗೂ ದನಿಯಾಗಿದ್ದಾರೆ. ತಮಿಳು ಡೈಲಾಗ್ಸ್​​ ಶ್ರೀಮುರಳಿ ದನಿಯಲ್ಲಿ ಸಖತ್​ ಆಗಿ ಮೂಡಿಬಂದಿದ್ದು, ಕಾಲಿವುಡ್​ ಸಿನಿಪ್ರೇಮಿಗಳು ರೋರಿಂಗ್​ ಸ್ಟಾರ್ ಪಂಚಿಂಗ್​ ಡೈಲಾಗ್​ಗೆ ಫಿದಾ ಆಗಿದ್ದಾರೆ. ಸದ್ಯ ತಮಿಳು ಟೀಸರ್ ಆರು ಲಕ್ಷ ವೀವ್ಸ್​ ಪಡೆದುಕೊಂಡಿದೆ.