Top

ಗೆಳೆಯರ ಜೊತೆ ಜಾಲಿ ಬೈಕ್​ ರೈಡ್​​ ಮಾಡಿದ 'ಸಾರಥಿ'

ಇದೀಗ ಇಂಡಸ್ಟ್ರಿ ಫ್ರೆಂಡ್ಸ್​ ಹಾಗೂ ಪರ್ಸನಲ್​ ಫ್ರೆಂಡ್ಸ್​ ಜೊತೆ ಮತ್ತೊಮ್ಮೆ ರೋಡ್ ಟ್ರಿಪ್​ ಹೊರ್ಟಿದ್ದಾರೆ

ಗೆಳೆಯರ ಜೊತೆ ಜಾಲಿ ಬೈಕ್​ ರೈಡ್​​ ಮಾಡಿದ ಸಾರಥಿ
X

ಚಾಲೆಂಜಿಂಗ್​​ ಸ್ಟಾರ್ ದರ್ಶನ್​, ರೀಸೆಂಟಾಗಿ ಮಡಿಕೇರಿಗೆ ಬೈಕ್​ ರೈಡ್​ ಹೋಗಿದ್ದು ಗೊತ್ತೇಯಿದೆ. ಆದ್ರೀಗ ಮತ್ತೊಮ್ಮೆ ಬೈಕ್​ ಏರಿ ರೋಡ್ ಟ್ರಿಪ್​ ಹೊರ್ಟಿದ್ದಾರೆ. ಈ ಬಾರಿ ಕೇರಳದ ಕಡೆ ಪಯಣ ಬೆಳೆಸಿದ್ದಾರೆ.

ಮೊದಲಿನಿಂದಲೂ ಚಾಲೆಂಜಿಂಗ್​ ಸ್ಟಾರ್​ಗೆ ಕುದುರೆ ಸವಾರಿ, ಬೈಕ್​ ರೈಡಿಂಗ್, ಕಾರ್ ಡ್ರೈವಿಂಗ್​ ಅಂದ್ರೆ ಕ್ರೇಜ್​. ಈ ಹಿಂದೆ ಸಾಕಷ್ಟು ಸಲ ಬೈಕ್​ ರೈಡಿಂಗ್​ ಹೋಗಿರೋದು ಇದೆ. ಅದೇ ರೀತಿ ಇದೀಗ ಇಂಡಸ್ಟ್ರಿ ಫ್ರೆಂಡ್ಸ್​ ಹಾಗೂ ಪರ್ಸನಲ್​ ಫ್ರೆಂಡ್ಸ್​ ಜೊತೆ ಮತ್ತೊಮ್ಮೆ ರೋಡ್ ಟ್ರಿಪ್​ ಹೊರ್ಟಿದ್ದಾರೆ.

ಸದ್ಯ ದಚ್ಚು ಅಂಡ್​ ಗ್ಯಾಂಗ್​ ವೈಯ್ನಾಡಿನಲ್ಲಿ ಬೀಡು ಬಿಟ್ಟಿದ್ದು, 3 ದಿನಗಳ ಕಾಲ ಕೇರಳ ಟ್ರಿಪ್​ ಮಾಡೋ ಪ್ಲಾನ್​ನಲ್ಲಿದ್ದಾರೆ. ನಿನ್ನೆ ಬೆಳಿಗ್ಗೆ ತಮ್ಮ ಆರ್.ಆರ್ ನಗರದ ನಿವಾಸದಿಂದ ಸುಮಾರು 10ಕ್ಕೂ ಹೆಚ್ಚು ಬೈಕ್​ಗಳು ಪ್ರಯಾಣ ಶುರುಮಾಡಿ, ಮೈಸೂರಿನ ತಮ್ಮ ಫಾರ್ಮ್​ಗೆ ಭೇಟಿ ನೀಡಿ, ನಂತರ ಕೇರಳ ಕಡೆ ಹೊರ್ಟಿದ್ದಾರೆ. ಇನ್ನು ಚಾಲೆಂಜಿಂಗ್​ ಸ್ಟಾರ್​ಗೆ ಪ್ರಜ್ವಲ್​ ದೇವರಾಜ್, ಚಿಕ್ಕಣ್ಣ, ಯಶಸ್​ ಸೂರ್ಯ, ನಿರ್ಮಾಪಕ ಉಮಾಪತಿ ಶ್ರೀನಿವಾಸ್​, ಇನ್ನು ಕೆಲ ಸ್ನೇಹಿತರು ಜೊತೆಯಾಗಿದ್ದಾರೆ.

ಚಾಲೆಂಜಿಂಗ್​ ಸ್ಟಾರ್ ರೋಡ್ ಟ್ರಿಪ್​ ಇದೇ ಮೊದಲೇನಲ್ಲ..ಇದೇ ಸೇಮ್​ ಗ್ಯಾಂಗ್​ ಜೊತೆ ರೀಸೆಂಟಾಗಿ ಮಡಿಕೇರಿಗೂ ಹೋಗಿದರು. ಈ ಟ್ರಿಪ್​ ಕೂಡ 3 ದಿನಗಳದ್ದೇ ಆಗಿತ್ತು. ಆಗಲೂ ಹೀಗೆ ಆನ್​ ದ ವೇ ಮೈಸೂರಿನ ಫಾರ್ಮ್​ಹೌಸ್​ಗೆ ಭೇಟಿ ನೀಡಿ,ಅಲ್ಲಿಂದ ಮಡಿಕೇರಿ ರೀಚ್ ಆಗಿದರು.

ಮಡಿಕೇರಿಯಲ್ಲಿನ ರೆಸಾರ್ಟ್​ವೊಂದರಲ್ಲಿ ದಚ್ಚು ಅಂಡ್ ಗ್ಯಾಂಗ್​ ಬೀಡು ಬಿಟ್ಟಿದರು. ರೆಸಾರ್ಟ್​ನಲ್ಲಿ ಕ್ರಿಕೆಟ್​ ಆಡುವ ಮೂಲಕ ಟ್ರಿಪ್​ನ್ನ ಸಖತ್​ ಎಂಜಾಯ್​ ಮಾಡಿದರು. ದಚ್ಚು ಗ್ಯಾಂಗ್​ ಕ್ರಿಕೆಟ್ ಆಡ್ತಿರೋ ವಿಡಿಯೋ ಕೂಡ ವೈರಲ್​ ಆಗಿತ್ತು.

ಇದೀಗ ಮತ್ತೊಮ್ಮೆ ಇಂಡಸ್ಟ್ರಿ ಫ್ರೆಂಡ್ಸ್​ ಹಾಗೂ ಪರ್ಸನಲ್​ ಫ್ರೆಂಡ್ಸ್​ ಜೊತೆ ಬೈಕ್​ ಸವಾರಿ ಹೊರ್ಟಿದ್ದಾರೆ. ಸ್ನೇಹಿತರ ಜೊತೆ ಕ್ವಾಲಿಟಿ ಟೈಮ್​ ಸ್ಪೆಂಡ್ ಮಾಡುತ್ತಿದ್ದಾರೆ.

Next Story

RELATED STORIES