Top

ಕಿರುಕುಳದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ ಯುವತಿ:​​ ಆರೋಪಿ ಬಂಧನ

ಯುವತಿಯ ದಿಟ್ಟ ನಡೆಗೆ ಮಂಗಳೂರು ನಗರ ಪೊಲೀಸ್​ ಕಮೀಷನ್​ ಶಶಿಕುಮಾರ್ ಎನ್​ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ

ಕಿರುಕುಳದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ ಯುವತಿ:​​ ಆರೋಪಿ ಬಂಧನ
X

ದಕ್ಷಿಣಕನ್ನಡ: ಯುವತಿಯೊಬ್ಬಳಿಗೆ ಬಸ್​ನಲ್ಲಿ ಕಿರುಕುಳ ನೀಡಿದ್ದ ಆರೋಪಿ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ (ಇನ್​ಸ್ಟಾಗ್ರಾಮ್)​ ಪೋಸ್ಟ್​ ಮಾಡಿದ ಹಿನ್ನೆಲೆ ಮಂಗಳೂರು ಪೊಲೀಸರು ಆತನನ್ನು ಬಂಧಿಸಿದ್ದಾರೆ.

ಕಾಸರಗೋಡು ನಿವಾಸಿ ಹುಸೇನ್ (41) ಎಂಬಾತ ಬಂಧಿತವಾಗಿರುವ ಆರೋಪಿಯಾಗಿದ್ದಾನೆ.

ಯುವತಿ ಜನವರಿ 14ರಂದು ಮಂಗಳೂರಿನ ದೇರಳಕಟ್ಟೆಯ ಖಾಸಗಿ ಬಸ್​​ನಲ್ಲಿ ಪ್ರಯಾಣಿಸುತ್ತಿದ್ದ ಸಂದರ್ಭದಲ್ಲಿ ಈ ಈ ಘಟನೆ ನಡೆದಿದೆ. ಆಕೆ ಕುಳಿತಿದ್ದ ಸೀಟ್​ನಲ್ಲಿಯೇ ಆರೋಪಿಯೂ ಕುಳಿತುಕೊಂಡು ದೈಹಿಕ ಕಿರುಕುಳ ನೀಡಿದ್ದಾನೆ.

ಈ ಸಂದರ್ಭದಲ್ಲಿ ಯುವತಿ ವಿರೋಧ ವ್ಯಕ್ತಪಡಿಸಿದ ಮೇಲೆ ಬಸ್​ನಿಂದ ಇಳಿದಿದ್ದಾನೆ. ನಂತರ ಮತ್ತೊಂದು ಬಸ್​ನಲ್ಲಿ ಯುವತಿಯನ್ನು ಹಿಂಬಾಲಿಸಿಕೊಂಡು ಬಂದು ಮತ್ತೆ ಅದೇ ರೀತಿ ಕಿರುಕುಳ ನೀಡಿದ್ದಾನೆ. ಈ ಅನುಚಿತ ವರ್ತನೆಗೆ ಬೇಸತ್ತು ಆರೋಪಿ ಫೋಟೋ ತೆಗೆದು ವೈರಲ್ ಮಾಡೋದಾಗಿ ಎಚ್ಚರಿಸಿದ್ದಾರೆ. ಇಷ್ಟಾದ್ರೂ ಆತ ಪೋಟೋಗೆ ಪೋಸ್​​ ಕೊಟ್ಟಿದ್ದಾರೆ. ಇಷ್ಟೆಲ್ಲಾ ಘಟನೆ ಜನರ ಎದುರೇ ನಡೆದಿದೆ ಆದರೂ ಸಹ ಯಾರೊಬ್ಬರು ಪ್ರಶ್ನೆ ಮಾಡಿಲ್ಲ, ಬಸ್​ ಡ್ರೈವರ್, ಕಂಡಕ್ಟರ್​ ​ಬಳಿ ಈ ವಿಷಯವನ್ನು ಹೇಳಿದರೂ ಸಹ ಯಾವುದೇ ಸಹಾಯ ಸಿಕ್ಕಿಲ್ಲ ಎಂದು ನೊಂದ ಯುವತಿ ಸಾಮಾಜಿಕ ಜಾಲತಾಣದಲ್ಲಿ ವಿವರಣೆ ಸಮೇತ ಹಂಚಿಕೊಂಡಿದ್ದಾರೆ.

ಪೊಲೀಸರು ಆ ಯುವತಿ ಪ್ರಯಾಣಿಸುತ್ತಿದ್ದ ಬಸ್ ಡ್ರೈವರ್ ಮತ್ತು ಕಂಡಕ್ಟರ್​ಗೂ ಸಮನ್ಸ್ ನೀಡಿ ವಿಚಾರಣೆಗೆ ಒಳಪಡಿಸಿದ್ದಾರೆ. ಸದ್ಯ ನಿನ್ನೆ ಮಂಗಳೂರು ಪೊಲೀಸರು ಯುವತಿ ಫೋಸ್ಟ್ ಮಾಡಿರುವ ಆಧಾರದ ಮೇಲೆ ಆರೋಪಿ ಹುಸೈನ್​ನನ್ನು ಬಂಧಿಸಲಾಗಿದೆ.

ಯುವತಿಯ ದಿಟ್ಟ ನಡೆಗೆ ಮಂಗಳೂರು ನಗರ ಪೊಲೀಸ್​ ಕಮೀಷನ್​ ಶಶಿಕುಮಾರ್ ಎನ್​ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

Next Story

RELATED STORIES