ಹಾರ್ದಿಕ್​ ಪಾಂಡ್ಯ ಪುತ್ರನೊಟ್ಟಿಗೆ ಮೊದಲ ಬಾರಿಗೆ ವಿಮಾನಯಾನ: ಪೋಟೋ ವೈರಲ್​

ಮಹಾರಾಷ್ಟ್ರ: ಭಾರತ ತಂಡದ ಆಲ್​ರೌಂಡರ್ ಹಾರ್ದಿಕ್ ಪಾಂಡ್ಯ ಅವರು ತಮ್ಮ ಮಗ ಅಗಸ್ತ್ಯ ಪಾಂಡ್ಯ ಅವರೊಟ್ಟಿಗೆ ಚೊಚ್ಚಲ ಬಾರಿಗೆ ವಿಮಾನಯಾನ ಮಾಡಿದ್ದು, ಈ ವಿಷಯವನ್ನು ಸೀನಿಯರ್ ಪಾಂಡ್ಯ ಅವರು ಸಾಮಾಜಿಕ ಜಾಲತಾಣದಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ.

ಇಂದು ತಮ್ಮ ಅಧಿಕೃತ ಟ್ವಿಟರ್​ ಖಾತೆಯಲ್ಲಿ ಶೇರ್​ ಮಾಡಿರುವ ಅವರು, 'ನನ್ನ ಹುಡುಗನ ಚೊಚ್ಚಲ ವಿಮಾನಯಾನ' ಎಂದು ಬರೆದುಕೊಂಡಿದ್ದಾರೆ. ಭಾರತ ವಸರ್ಸ್​ ಇಂಗ್ಲೆಂಡ್‌ ನಡುವೆ ನಡೆಯಲಿರುವ ಪ್ರಥಮ ಟೆಸ್ಟ್ ಪಂದ್ಯಕ್ಕಾಗಿ ಚೆನ್ನೈ ನತ್ತ ಪಾಂಡ್ಯ ಮತ್ತು ಅವರ ಕುಟುಂಬ ಪ್ರಯಾಣಿಸುತ್ತಿದೆ.

My boy's first flight ❤️ pic.twitter.com/RMX9dMIyoe

— hardik pandya (@hardikpandya7) January 28, 2021

ಫೆ. 5ರಿಂದ ಆರಂಭಗೊಳ್ಳಲಿರುವ ಮೊದಲನೇ ಟೆಸ್ಟ್‌ಗೂ ಮುನ್ನ ಭಾರತದ ಆಟಗಾರರು ಆರು ದಿನಗಳ ಕಾಲ ಕ್ವಾರಂಟೈನ್​ನಲ್ಲಿ ಇರಲಿದ್ದಾರೆ. ಕ್ರಿಕೆಟಿಗರ ಜೊತೆ ಅವರ ಕುಟುಂಬಸ್ಥರೂ ಪ್ರಯಾಣಿಸಲು ಅವಕಾಶವಿರುವುದರಿಂದ ಪಾಂಡ್ಯ ಕುಟುಂಬವೂ ಜೊತೆಯಲ್ಲಿ ಚೆನ್ನೈಗೆ ಪ್ರಯಣ ಬೆಳೆಸಿದ್ದಾರೆ.

ಕಳೆದ ವರ್ಷ ಆಗಸ್ಟ್‌ ತಿಂಗಳಲ್ಲಿ ಹಾರ್ದಿಕ್ ಪಾಂಡ್ಯ ಅವರ ಪತ್ನಿ ನತಾಶಾ ಸ್ಟ್ಯಾಂಕೋವಿಕ್ ಅವರು ಚೊಚ್ಚಲ ಮಗುವಿಗೆ ಜನ್ಮ ನೀಡಿದ್ದರು.