Top

ಮುಂಬೈ ಇಂಡಿಯನ್ಸ್​​​ಗೆ ಗೆಲುವಿನ ತವಕ, ಕೆಕೆಆರ್​ಗೆ ಮೊದಲ ಪಂದ್ಯದ ಪುಳಕ

ಮೊದಲ ಪಂದ್ಯದಲ್ಲಿ ಸೋಲು ಅನುಭವಿಸಿರುವ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್‌ ತಂಡ ಇಂದು ಕೋಲ್ಕತ್ತ ನೈಟ್ ರೈಡರ್ಸ್‌ ತಂಡದ ಜೊತೆ ಮುಖಾಮುಖಿ.

ಮುಂಬೈ ಇಂಡಿಯನ್ಸ್​​​ಗೆ ಗೆಲುವಿನ ತವಕ, ಕೆಕೆಆರ್​ಗೆ ಮೊದಲ ಪಂದ್ಯದ ಪುಳಕ
X

ದಿನೇಶ್ ಕಾರ್ತಿಕ್​ (ಕೆಕೆಆರ್)​ ಮತ್ತು ರೋಹಿತ್​ ಶರ್ಮಾ (ಎಂಐ)

ದುಬೈ: ಈ ಬಾರಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಮೊದಲ ಪಂದ್ಯದಲ್ಲಿ ಸೋಲು ಅನುಭವಿಸಿರುವ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್‌ ತಂಡ ಇಂದು ಕೋಲ್ಕತ್ತ ನೈಟ್ ರೈಡರ್ಸ್‌ ತಂಡದ ಜೊತೆ ಮುಖಾಮುಖಿ ಆಗಲಿದೆ.

ಆಶ್ಚರ್ಯವಾದರು ಸತ್ಯ, 2013 ಐಪಿಎಲ್​ ಆವೃತಿಯಿಂದ ಇಲ್ಲಿಯತನಕ ಮುಂಬೈ ಇಂಡಿಯನ್ಸ್​​ ತಂಡವು ಟೂರ್ನಿಯಲ್ಲಿ ತನ್ನ ಮೊದಲ ಪಂದ್ಯವನ್ನು ಗೆದ್ದಿಲ್ಲ. ಸದ್ಯ ಸೋಲನ್ನು ಭೇದಿಸಿ, ಇಂದಿನ ಪಂದ್ಯದಲ್ಲಿ ಪುಟಿದೇಳುವ ಉತ್ಸಾಹದಲ್ಲಿ ರೋಹಿತ್ ಬಳಗವಿದೆ. ಕೆಕೆಆರ್ ಮತ್ತು ಮುಂಬೈ ನಡುವಿನ ಪಂದ್ಯ ರನ್​ ಹೊಳೆಯನ್ನೇ ಹರಿಸುವ ಸ್ಪೋಟಕ ಶೈಲಿಯ ಬ್ಯಾಟ್ಸ್‌ಮನ್‌ಗಳ ಇದ್ದು ಕ್ರಿಕೆಟ್​ ಪ್ರೇಮಿಗಳಿಗೆ ಹೆಚ್ಚು ಮನರಂಜನೆ ಸಿಗುವ ಸಾಧ್ಯತೆಗಳಿವೆ.


ಕೆಕೆಆರ್‌ನಲ್ಲಿರುವ ಯುವ ಬ್ಯಾಟ್ಸ್‌ಮನ್ ಶುಭಮನ್ ಗಿಲ್, ವಿಂಡೀಸ್​ನ ಆಲ್​ರೌಂಡರ್​ ಆ್ಯಂಡ್ರೆ ರಸೆಲ್ ಕಳೆದ ವರ್ಷ ನೀಡಿದ್ದ ಪ್ರದರ್ಶನವನ್ನು ಕ್ರಿಕೆಟ್​ ಅಭಿಮಾನಿಗಳು ಮರೆಯಲು ಸಾಧ್ಯವಿದೆಯೇ(?) ಸದ್ಯ ಈ ವರ್ಷವೂ ಅವರಿಂದ ಅದೇ ಆಟ ಹೊರಹೊಮ್ಮುವ ನಿರೀಕ್ಷೆ ಇದೆ. ಕೆಕೆಆರ್​ ತಂಡದ ನಾಯಕ ದಿನೇಶ್ ಕಾರ್ತಿಕ್ ಕೂಡ ತಮ್ಮ ಬ್ಯಾಟಿಂಗ್ ಸಾಮರ್ಥ್ಯವನ್ನು ಪ್ರದರ್ಶನ ಮಾಡಲು ಸಜ್ಜಾಗಿದ್ದಾರೆ. ಅಂತೆಯೇ, ನಿತೀಶ್ ರಾಣಾ, ರಾಹುಲ್ ತ್ರಿಪಾಠಿ ಆಟಗಾರರು ಸಹ ಮುಂಬೈ ಇಂಡಿಯನ್ಸ್​ ತಂಡಕ್ಕೆ ಸವಾಲ್​ ಹಾಕುವ ತವಕದಲ್ಲಿದ್ದಾರೆ. ಆಲ್‌ರೌಂಡರ್ ಸುನೀಲ್ ನಾರಾಯಣ್, ಮಧ್ಯಮವೇಗಿ ಕನ್ನಡಿಗ ಪ್ರಸಿದ್ಧ ಕೃಷ್ಣ, ಪ್ಯಾಟ್ ಕಮಿನ್ಸ್‌ ಎದುರಾಳಿ ಬ್ಯಾಟಿಂಗ್‌ ಪಡೆಗೆ ಮಣ್ಣುಮುಕ್ಕಿಸಲು ಸಿದ್ಧತೆಯಲ್ಲಿದ್ದಾರೆ.

ಮುಂಬೈ ಇಂಡಿಯನ್ಸ್‌ ತಂಡದ ನಾಯಕ ರೋಹಿತ್ ಶರ್ಮಾ ಈ ಬಾರಿ ಬ್ಯಾಟಿಂಗ್​ನಲ್ಲಿ ಲಯ ಕಂಡುಕೊಂಡರೆ ರನ್​ಗಳನ್ನು ಗಳಿಕೆಗೆ ಬರವಿಲ್ಲ. ಇನ್ನು ಉಳಿದಂತೆ ಇಶಾನ್ ಕಿಶನ್, ಹಾರ್ದಿಕ್ ಪಾಂಡ್ಯ, ಸೌರಭ್ ತಿವಾರಿ, ಕ್ವಿಂಟನ್ ಡಿ ಕಾಕ್, ಕೀರನ್ ಪೊಲಾರ್ಡ್ ಮತ್ತು ಸೂರ್ಯ ಕುಮಾರ್ ಯಾದವ್​ ಬ್ಯಾಟ್​ಗಳಿಂದ ರನ್​ ಹೊಳೆ ಹರಿಸಬಲ್ಲ ಶಕ್ತಿ ಹೊಂದಿದ್ದಾರೆ. ಇಂಡಿಯನ್ಸ್​​ ತಂಡ ಬೌಲಿಂಗ್‌ನಲ್ಲಿ ಹೆಚ್ಚು ಸುಧಾರಣೆ ಆಗಬೇಕಾದ ಅನಿರ್ವಾಯವಿದೆ. ಜಸ್‌ಪ್ರೀತ್ ಬೂಮ್ರಾ, ಟ್ರೆಂಟ್ ಬೌಲ್ಟ್‌, ಸ್ಪಿನ್ನರ್ ಕೃಣಾಲ್ ಪಾಂಡ್ಯ ಅವರು ಪಂದ್ಯದ ಗತಿಯನ್ನು ಬದಲಾಯಿಸುವ ಸಾಮಾರ್ಥ್ಯ ಹೊಂದಿದ್ದಾರೆ.

Next Story

RELATED STORIES