Top

ಯುವರತ್ನನ ಚಾಲೆಂಜ್ ಸೀಕ್ವರಿಸಿದ ಸ್ಯಾಂಡಲ್​ವುಡ್​ ಸೆಲೆಬ್ರೆಟೀಸ್

ನೀನಾನೆ ನಾ, ಊರಿಗೊಬ್ಬ ರಾಜ ಹಾಡುಗಳು ಸೌಂಡ್ ಮಾಡ್ತಿರುವಾಗಲೇ ಯುವರತ್ನ ಚಿತ್ರದ ಮತ್ತೊಂದು ಸಾಂಗ್​​ ಸಿನಿಪ್ರಿಯರ ಗಮನ ಸೆಳೆದಿದೆ

ಯುವರತ್ನನ ಚಾಲೆಂಜ್ ಸೀಕ್ವರಿಸಿದ ಸ್ಯಾಂಡಲ್​ವುಡ್​ ಸೆಲೆಬ್ರೆಟೀಸ್
X

ಪವರ್​ಸ್ಟಾರ್ ಪುನೀತ್​ ರಾಜ್​ಕುಮಾರ್, ಸದ್ಯ ಸ್ಯಾಂಡಲ್​ವುಡ್​ನ ಸೆಲೆಬ್ರೆಟಿಗಳಿಗೆಲ್ಲಾ ಚಾಲೆಂಜ್​ವೊಂದನ್ನ ಕೊಟ್ಟಿದ್ದಾರೆ. ಗ್ರೀನ್​ ಇಂಡಿಯಾ ಚಾಲೆಂಜ್​ ಆಯ್ತು. ಫಿಟ್​​ನೆಸ್​ ಚಾಲೆಂಜ್​ ಆಯ್ತು.

ಟೀಸರ್, ಸಾಂಗ್ಸ್​ ಮೂಲಕವೇ ಸಖತ್​ ಸೌಂಡ್​ ಮಾಡುತ್ತಿರೋ ಯುವರತ್ನ ಸಿನಿಮಾ, ಇದೇ ಏಪ್ರಿಲ್​ 1ರಂದು ಥಿಯೇಟರ್ ಅಂಗಳದಲ್ಲಿ ಸದ್ದು ಮಾಡಲಿದೆ. ಈಗಾಗಲೇ ಪವರ್ ಆಫ್​ ಯೂತ್, ನೀನಾನೆ ನಾ, ಊರಿಗೊಬ್ಬ ರಾಜ ಹಾಡುಗಳು ಸೌಂಡ್ ಮಾಡ್ತಿರುವಾಗಲೇ ಯುವರತ್ನ ಚಿತ್ರದ ಮತ್ತೊಂದು ಸಾಂಗ್​​ ಸಿನಿಪ್ರಿಯರ ಗಮನ ಸೆಳೆದಿದೆ. ಅದೇ ಪಾಠಾಶಾಲಾ ಸಾಂಗ್.

ಈ ಹಿಂದೆ ಪವರ್​ಸ್ಟಾರ್ ಅಭಿನಯದ ರಾಜಕುಮಾರ ಚಿತ್ರದ ಬೊಂಬೆ ಹೇಳುತೈತೆ ಹಾಡಿನಲ್ಲಿ ಜೀವನದ ಮೌಲ್ಯಗಳನ್ನ ತೋರಿಸಲಾಗಿತ್ತು. ಇದೀಗ ಶಿಕ್ಷಣ ಮತ್ತು ಗುರುವಿನ ಬಗ್ಗೆ ರೆಡಿಯಾಗಿರೋ ಹಾಡು ಪಾಠಾಶಾಲಾ. ಈ ಹಾಡಿಗೂ ಸ್ವತಃ ನಿರ್ದೇಶಕ ಸಂತೋಷ್​ ಆನಂದ್​ ರಾಮ್​​ ಸಾಹಿತ್ಯ ಬರೆದಿದ್ದು, ವಿಜಯ್​ ಪ್ರಕಾಶ್​ ಹಾಡಿದ್ದಾರೆ. ಎಸ್​ಎಸ್​ ತಮನ್​ ಮ್ಯೂಸಿಕ್​ ಈ ಹಾಡಿಗಿದೆ.

ಪಾಠಶಾಲಾ ಸಾಂಗ್​​ ದಿನದಿಂದ ದಿನಕ್ಕೆ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ. ಇದೀಗ ಯುವರತ್ನ ಟೀಂ ಕಡೆಯಿಂದ, ಈ ಹಾಡಿಗೆ ಸಂಬಂಧಫಟ್ಟಂತೆ ಮೈ ಗುರು ಚಾಲೆಂಜ್​ ಶುರುವಾಗಿದೆ. ಪ್ರತಿಯೊಬ್ಬರ ಜೀವನದಲ್ಲೂ ಒಬ್ಬರು ಗುರು ಅಂತ ಇದ್ದೇ ಇರ್ತಾರೆ. ಅವರ ಹೆಸರನ್ನ, ಪೋಟೋ ಸಮೇತ ಸೊಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಳ್ಳುವುದೇ ಈ ಚಾಲೆಂಜ್. ಮೊದಲಿಗೆ ಪವರ್ಸ್ಟಾರ್ ಪುನೀತ್​ ರಾಜ್​ಕುಮಾರ್ ತಮ್ಮ ಶಿಕ್ಷಕಿಯೊಬ್ಬರ ಫೋಟೋ ಹಂಚಿಕೊಂಡಿದ್ದು,ಶ್ರೀಮುರಳಿ, ರಕ್ಷಿತ್ ಶೆಟ್ಟಿಯನ್ನ ನಾಮಿನೇಟ್ ಮಾಡಿದ್ದಾರೆ.

ಸದ್ಯ ಈ ಚಾಲೆಂಜ್​ ಸೆಲೆಬ್ರೆಟಿಗಳಿಂದ ಸೆಲೆಬ್ರೆಟಿಗಳಿಗೆ ನಾಮಿನೇಟ್ ಆಗ್ತಾನೇ ಇದೆ. ಸದ್ಯ ಹೊಂಬಾಳೆ ಫಿಲ್ಮ್​ನ ಕಾರ್ತಿಕ್​ ಗೌಡ, ನಿರ್ದೇಶಕ ಸಂತೋಷ್​ ಆನಂದ್​ರಾಮ್, ಧ್ರುವಾ ಸರ್ಜಾ, ಪವರ್​ ಒಡೆಯರ್ ಹೀಗೆ ಸಾಕಷ್ಟು ಸೆಲೆಬ್ರೆಟಿಗಳು ಚಾಲೆಂಜ್ ಅಕ್ಸೆಪ್ಟ್ ಮಾಡಿದ್ದು, ತಮ್ಮ ಜೀವನದ ಗುರುಗಳ ಫೋಟೋ ಶೇರ್ ಮಾಡಿದ್ದಾರೆ.

ಸದ್ಯ ಯುವರತ್ನ ಸಿನಿಮಾ ಬಗ್ಗೆ ಕುತೂಹಲ ಹೆಚ್ಚಾಗಿದ್ದು, ಅಪ್ಪು ಅಭಿಮಾನಿಗಳು ಸಿನಿಮಾಗಾಗಿ ಕಾತುರದಿಂದ ಕಾಯ್ತಿದ್ದಾರೆ. ಏಪ್ರಿಲ್​ 1ಕ್ಕೆ ಹಬ್ಬ ಮಾಡೋಕ್ಕೆ ರೆಡಿಯಾಗಿದ್ದಾರೆ.

Next Story

RELATED STORIES