Top

ಏಳು ತಿಂಗಳ ಲಾಕ್​​ಡೌನ್​ ಬಳಿಕ ತೆರೆಯಿತು ಥಿಯೇಟರ್​ ಬಾಗಿಲು

ಇದೀಗ 3 ತಿಂಗಳ ನಂತ್ರ ಸಿಕ್ತು ವನವಾಸದಿಂದ ಸಂಪೂರ್ಣ ಮುಕ್ತಿ.!

ಏಳು ತಿಂಗಳ ಲಾಕ್​​ಡೌನ್​ ಬಳಿಕ ತೆರೆಯಿತು ಥಿಯೇಟರ್​ ಬಾಗಿಲು
X

ಬೆಂಗಳೂರು: ಅಂತೂ ಇಂತೂ ಥಿಯೇಟರ್ಗೆ ಸಿಕ್ತು ಸಂಪೂರ್ಣ ಮುಕ್ತಿ. ಥಿಯೇಟರ್ ಓಪನ್​ ಆದ್ರೂಇಷ್ಟು ದಿನ ಕೇವಲ 50 ಪರ್ಸೆಂಟ್​​ ಪ್ರೇಕ್ಷಕರಿಗೆ ಮಾತ್ರ ಅವಕಾಶ ಇತ್ತು. ಆದರೆ ಈಗ 100 ಪರ್ಸೆಂಟ್ ಥಿಯೇಟರ್​ ಫುಲ್​ ಆಗೋ ಟೈಮ್​ ಬಂದಿದೆ. ಈ ವಿಚಾರ ರಿಲೀಸ್​ ಡೇಟ್ ಅನೌನ್ಸ್​ ಮಾಡಿರೋ ಅಷ್ಟು ಚಿತ್ರತಂಡಗಳಿಗೆ ಖುಷಿ ಕೊಟ್ಟಿದೆ.

ಒಂದಲ್ಲಾ ಎರಡಲ್ಲಾ ಬರೋಬ್ಬರಿ 7 ತಿಂಗಳು ಮನರಂಜನೆಯ ಹಾಟ್​ಸ್ಪಾಟ್​ ಅಂತ ಕರೆಯುತ್ತಿದ್ದ ಥಿಯೇಟರ್​ಗಳು ಬಾಗಿಲು ಹಾಕಿದ್ವು. 7 ತಿಂಗಳ ಕಾಲ ಥಿಯೇಟರ್​ಗಳ ಬಾಗಿಲು ಮುಚ್ಚಿದ್ದು ಇತಿಹಾಸದಲ್ಲಿ ಇದೇ ಮೊದಲು. ಕೊರೊನಾ ಆರ್ಭಟಕ್ಕೆ ಕ್ಲೋಸ್​ ಆಗಿದ್ದ ಚಿತ್ರಮಂದಿರಗಳು ಅಕ್ಟೋಬರ್​ನಲ್ಲಿ ಓಪನ್​​ ಆಗಿದ್ದು ಗೊತ್ತೇಯಿದೆ.

ಅಕ್ಟೋಬರ್​ನಲ್ಲಿ ಥಿಯೇಟರ್​ಗಳು ರೀ ಓಪನ್​ ಆದ್ರೂ, ಯಾವೊಂದು ಸಿನಿಮಾ ಕೂಡ ರಿಲೀಸ್ ಮಾಡೋ ಧೈರ್ಯ ಮಾಡಲಿಲ್ಲ. ಹಾಗಾಗಿ ಜನರನ್ನ ಚಿತ್ರಮಂದಿರದತ್ತ ಸೆಳೆಯಲು ಸ್ಟಾರ್​ಗಳ ಹಳೆಯ ಸಿನಿಮಾಗಳನ್ನೇ ರೀ ರಿಲೀಸ್​ ಮಾಡಲಾಯ್ತು. ಆದ್ರೂ ಥಿಯೇಟರ್ ಮುಂದೆ ಜನರೇ ಸುಳಿವೇ ಇರಲಿಲ್ಲ.

ಸಮಯ ಕಳೆದಂತೆ ಸಿನಿಪ್ರಿಯರು ಥಿಯೇಟರ್ ಕಡೆ ಬರೋ ಮನಸ್ಸು ಮಾಡಿದ್ರೂ, ಕೇವಲ 50 ಪರ್ಸೆಂಟ್​ ಪ್ರೇಕ್ಷಕರಿಗೆ ಮಾತ್ರ ಅವಕಾಶ ಇತ್ತು. ಒಂದು ಸೀಟು ಗ್ಯಾಪ್​ ಬಿಟ್ಟು ಮತ್ತೊಂದು ಸೀಟ್​ನಲ್ಲಿ ಪ್ರೇಕ್ಷಕರು ಆಸೀನರಾಗಬೇಕಿತ್ತು. 50 ಪರ್ಸೆಂಟ್ ಜನ ಮಾತ್ರ ಥಿಯೇಟರ್​ಗೆ ಬರಬೇಕು ಅನ್ನೋ ನಿಯಮದಿಂದ ಬಾಕ್ಸಾಫೀಸ್​ ಕಲೆಕ್ಷನ್ ಹೊಡೆತ ಬೀಳುತ್ತೆ ಅಂತ​ ಹೊಸ ಸಿನಿಮಾಗಳು ಥಿಯೇಟರ್​​ಗೆ ಬರೋ ಮನಸ್ಸು ಮಾಡಲೇಯಿಲ್ಲ.

100 ಪರ್ಸೆಂಟ್ ಥಿಯೇಟರ್ ಓಪನ್​ ಆಗಲಿ ಅಂತ ಕಾಯ್ತಿದ್ದ ಸಿನಿಮಾ ನಿರ್ಮಾಪಕರು, ಎಷ್ಟು ದಿನ ಅಂತ ಡಬ್ಬದಲ್ಲೇ ಇಟ್ಕೊಳ್ಳೋದು ಅಂತ ಇತ್ತೀಚಿನ ಕೆಲ ದಿನಗಳ ಹಿಂದೆ ಮನಸ್ಸು ಮಾಡಿ ಸಿನಿಮಾ ರಿಲೀಸ್​ ಡೇಟ್​ಗಳನ್ನ ಅನೌನ್ಸ್​ ಮಾಡೋಕ್ಕೆ ಶುರುಮಾಡಿದರು. ಪರಭಾಷೆಯ ಸಿನಿಮಾಗಳು 50 ಪರ್ಸೆಂಟ್ ಥಿಯೇಟರ್​ನಲ್ಲೇ ದೊಡ್ಡ ಮಟ್ಟದ ಕಲೆಕ್ಷನ್​ ಮಾಡಿತ್ತು. ಅದೇ ಧೈರ್ಯದ ಮೇಲೆ ಕನ್ನಡ ಸಿನಿಮಾಗಳನ್ನ ಕೂಡ 50 ಪರ್ಸೆಂಟ್ ಥಿಯೇಟರ್​ಗಳಲ್ಲೇ ರಿಲೀಸ್ ಮಾಡೋ ನಿರ್ಧಾರ ಮಾಡಿದರು.

ಥಿಯೇಟರ್ಗಳು 50 ಪರ್ಸೆಂಟ್ ಓಪನ್​ ಇದ್ರೂ ಪರವಾಗಿಲ್ಲ. ಸಿನಿಮಾ ರಿಲೀಸ್ ಮಾಡೇಬಿಡೋಣ ಅಂತ ಕನ್ನಡದ ಸ್ಟಾರ್ ಸಿನಿಮಾ ನಿರ್ಮಾಪಕರು ಬ್ಯಾಕ್​ ಟು ಬ್ಯಾಕ್​ ರಿಲೀಸ್​ ಡೇಟ್​​ಗಳನ್ನ ಅನೌನ್ಸ್​ ಮಾಡಿದರು. ರಾಮಾರ್ಜುನ, ಪೊಗರು, ರಾಬರ್ಟ್​, ಯುವರತ್ನ ಹೀಗೆ ಸಾಲು ಸಾಲು ಚಿತ್ರಗಳು ಸದ್ಯ ಬಿಡುಗಡೆಗೆ ರೆಡಿಯಾಗಿವೆ..ಖುಷಿ ವಿಚಾರ ಏನಪ್ಪಾ ಅಂದ್ರೆ ಈ ಎಲ್ಲಾ ಸಿನಿಮಾಗಳು ರಿಲೀಸ್​ ಆಗೋಕ್ಕು ಮೊದಲೇ ಕೇಂದ್ರ ಸರ್ಕಾರ 100 ಪರ್ಸೆಂಟ್ ಥಿಯೇಟರ್ ಓಫನ್​ಗೆ ಅವಕಾಶ ಕೊಟ್ಟಿದೆ.

ಫೈನಲಿ 100 ಪರ್ಸೇಂಟ್ ಥಿಯೇಟರ್ಗಳು ಓಪನ್​ ಆಗಿರೋದು ಕನ್ನಡ ಸಿನಿಮಾಗಳಿಗೆ ದೊಡ್ಡ ಮಟ್ಟದ ಒಳಿತಾಗಿದೆ. ಮತ್ತೆ ಸ್ಯಾಂಡಲ್​ವುಡ್​ನಲ್ಲಿ ಸಿನಿಮಾಗಳಿಗೆ ಸುಗ್ಗಿ ಕಾಲ ಶುರುವಾದಂತಾಗಿದೆ.

Next Story

RELATED STORIES