ಅಭಿಮಾನಿಗಳಿಗೆ ರೈಡರ್ ಆ್ಯಕ್ಷನ್ ಟೀಸರ್ ಗಿಫ್ಟ್

ಬೆಂಗಳೂರು: ಸ್ಯಾಂಡಲ್​​ವುಡ್​ ಜಾಗ್ವಾರ್ ಸ್ಟಾರ್ ನಿಖಿಲ್​ ಕುಮಾರಸ್ವಾಮಿ ಇಂದು ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಕುಟುಂಬದವರ ಜೊತೆ ಸಿಂಪಲ್ಲಾಗಿ ಬರ್ತ್​ಡೇ ಸೆಲೆಬ್ರೇಟ್ ಮಾಡಿಕೊಂಡಿರೋ ಅವರು, ಅಭಿಮಾನಿಗಳನ್ನ ಮೀಟ್ ಮಾಡೋಕ್ಕೆ ಆಗದೇ ಹೋದರು, ಗಿಫ್ಟ್ ಅಂತೂ ಕೊಟ್ಟಿದ್ದಾರೆ. ನಿಖಿಲ್​ ಅಭಿನಯದ ರೈಡರ್ ರಿಲೀಸ್ ಆಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸೋಶೀಯಲ್​ ಮೀಡಿಯಾದಲ್ಲಿ ಸಖತ್​ ಸೌಂಡ್ ಮಾಡುತ್ತಿದೆ.

ನಿಖಿಲ್​ ಅವರು ಕೊರೊನಾ ಸಮಸ್ಯೆಯಿಂದ ಮನೆಯಲ್ಲಿಯೇ ಕುಟುಂಬದವರ ಜೊತೆ ಕೇಕ್​ ಕತ್ತರಿಸಿ ಹಾಗೂ ಕೆಲವೇ ಕೆಲವು ಅಭಿಮಾನಿಗಳ ಜೊತೆಗೂಡಿ ಸಿಂಪಲ್ಲಾಗಿ ಬರ್ತ್​ಡೇ ಸೆಲೆಬ್ರೇಟ್ ಮಾಡಿದ್ದಾರೆ. ಇನ್ನು ಸೋಶಿಯಲ್​ ಮೀಡಿಯಾದಲ್ಲೂ ನಿಖೀಲ್​ಗೆ ಶುಭಾಶಯಗಳ ಮಹಾಪೂರವೇ ಹರಿದುಬರ್ತಿದೆ.

ನಿಖಿಲ್​ ಹುಟ್ಟುಹಬ್ಬದ ಪ್ರಯುಕ್ತ ರೈಡರ್ ಸಿನಿಮಾ ಟೀಸರ್ ರಿಲೀಸ್​ ಆಗಿದೆ. ಇದು ಕಂಪ್ಲೀಟ್ ಆ್ಯಕ್ಷನ್ ಟೀಸರ್ ಆಗಿದ್ದು, ನಿಖಿಲ್​ ಔಟ್ ಅಂಡ್ ಔಟ್ ಮಾಸ್​ ಲುಕ್​ನಲ್ಲಿ ಮಿಂಚಿದ್ದಾರೆ. ಕನ್ನಡ ಮತ್ತು ತೆಲುಗಿನಲ್ಲಿ ಈ ಸಿನಿಮಾ ರೆಡಿಯಾಗುತ್ತಿರೋದರಿಂದ, ಎರಡು ಟೈಟಲ್​ನಲ್ಲಿ ಟೀಸರ್​ಅನ್ನು ರಿಲೀಸ್​ ಮಾಡಲಾಗಿದೆ. 45 ಸೆಕೆಂಡ್​ಗಳ ಈ ಟೀಸರ್ ಈಗಾಗ್ಲೇ ಸಿನಿಪ್ರಿಯರ ಮನ ಗೆದ್ದಿದೆ.

ಅಂದ್ಹಾಗೇ ಚಿತ್ರದಲ್ಲಿ ಬಹುದೊಡ್ಡ ತಾರಾಬಳಗವೇ ಇದ್ದು, ನಿಖಿಲ್ ಕುಮಾರಸ್ವಾಮಿಗೆ ಜೋಡಿಯಾಗಿ ಕಶ್ಮಿರಾ ಅವರು ಕಾಣಿಸಿಕೊಳ್ತಿದ್ದು, ದತ್ತಣ್ಣ, ಅಚ್ಯುತ್ ಕುಮಾರ್, ಚಿಕ್ಕಣ್ಣ, ಶಿವರಾಜ್ ಕೆ.ಆರ್.ಪೇಟೆ, ಅನುಷಾ ರೈ ಹೀಗೆ ಸಾಕಷ್ಟು ಕಲಾವಿದರಿದ್ದಾರೆ.

ಅಂದ್ಹಾಗೇ ರೈಡರ್ ನಿಖಿಲ್​ ಅಭಿನಯದ 4 ನೇ ಸಿನಿಮಾ ಆಗಿದ್ದು, ಲಹರಿ ಫಿಲಮ್ಸ್‌ ನಿರ್ಮಾಣ ಮಾಡುತ್ತಿದ್ರೆ, ತೆಲುಗಿನ ನಿರ್ದೇಶಕ ವಿಜಯ್ ಕುಮಾರ್ ಕೊಂಡ ರೈಡರ್​ಗೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಸದ್ಯ ರಿಲೀಸ್​ ಆಗಿರೋ ಆ್ಯಕ್ಷನ್ ಟೀಸರ್ , ಸಿನಿಮಾ ಮೇಲೆ ಕುತೂಹಲ ಹೆಚ್ಚಿಸಿದೆ..