ಜೇಮ್ಸ್ 5 ನೇ ಹಂತದ ಚಿತ್ರೀಕರಣ ಶುರು
ಕಾಶ್ಮೀರದಲ್ಲಿ ಜೇಮ್ಸ್, ಸಾಂಗ್ ,ಫೈಟ್ಗೆ ರೆಡಿಯಾದ ಅಪ್ಪು.
ಯುವರತ್ನ ರಿಲೀಸ್ಗೂ ಮುನ್ನವೇ ಜೇಮ್ಸ್ ಕೂಡ ಸಖತ್ ಸದ್ದು ಮಾಡುತ್ತಿದೆ. ಈಗಾಗಲೇ ನಾಲ್ಕು ಶೆಡ್ಯೂಲ್ ಶೂಟಿಂಗ್ ಮುಗಿಸಿರೋ ಜೇಮ್ಸ್ ತಂಡ ಸದ್ಯ ಐದನೇ ಹಂತದ ಚಿತ್ರೀಕರಣಕ್ಕಾಗಿ ಕಾಶ್ಮೀರದಲ್ಲಿ ಬೀಡು ಬಿಟ್ಟಿದೆ.
ಜೇಮ್ಸ್, ಟೈಟಲ್ನಿಂದಲೇ ಶುರುವಾದ ಕುತೂಹಲ ದಿನೇ ದಿನೇ ಹೆಚ್ಚಾಗುತ್ತಿದೆ. ಯುವರತ್ನ ರಿಲೀಸ್ಗೂ ಮುನ್ನ ಜೇಮ್ಸ್ ಹವಾ ಶುರುವಾಗಿದೆ. ಬ್ಯಾಕ್ ಟು ಬ್ಯಾಕ್ ಶೆಡ್ಯೂಲ್ಗಳಲ್ಲಿ ಫಾಸ್ಟಾಗಿ ಶೂಟಿಂಗ್ ನಡೀತಿದೆ. ಲಾಕ್ಡೌನ್ಗೆ ಮೊದಲು ಫಸ್ಟ್ ಶೆಡ್ಯೂಲ್ ಶೂಟಿಂಗ್ ಮುಗಿಸಿದ್ದ ಚಿತ್ರತಂಡ ಲಾಕ್ಡೌನ್ ನಂತರ ಸೆಕೆಂಡ್ ಶೆಡ್ಯೂಲ್ ಶೂಟಿಂಗ್ನ್ನ ಮೈಸೂರಿನಲ್ಲಿ ಕಂಪ್ಲೀಟ್ ಮಾಡಿದರು. ರಾಮ ಲಕ್ಷಣ ಮಾಸ್ಟರ್ ಕಂಪೋಸಿಂಗ್ನಲ್ಲಿ ಆಕ್ಷನ್ ಸೀಕ್ವೆನ್ಸ್ ಶೂಟ್ ಮಾಡಲಾಗಿತ್ತು.
ಸೆಕೆಂಡ್ ಶೂಟಿಂಗ್ ನಂತರ ಕೆಲವೇ ದಿನಗಳ ಗ್ಯಾಪ್ನಲ್ಲಿ ಹೊಸಪೇಟೆಯ ಗಂಗಾವತಿಯಲ್ಲಿ ಮೂರನೇ ಹಂತದ ಚಿತ್ರೀಕರಣ ಕಂಪ್ಲೀಟ್ ಮಾಡಿದರು ಹಾಗೂ ನಾಲ್ಕನೇ ಶೆಡ್ಯೂಲ್ ಶೂಟಿಂಗ್ನ್ನ ಬೆಂಗಳೂರಿನಲ್ಲಿ ಚಿತ್ರೀಕರಣ ಮಾಡಿದರು. ಇದೀಗ ಐದನೇ ಹಂತದ ಚಿತ್ರೀಕರಣಕ್ಕೆ ಕಾಶ್ಮೀರ ತಲುಪಿದೆ ಜೇಮ್ಸ್ ಚಿತ್ರತಂಡ.
ಇದೀಗ ಕಾಶ್ಮೀರದಲ್ಲಿ ಶೂಟಿಂಗ್ ಶುರುವಾಗಲಿದ್ದು, 19ನೇ ತಾರೀಖಿನಿಂದ ಪವರ್ಸ್ಟಾರ್ ಚಿತ್ರತಂಡವನ್ನ ಸೇರಿಕೊಳ್ಳಲಿದ್ದಾರೆ. ಈ ಬಾರಿ 10 ದಿನಗಳ ಶೂಟಿಂಗ್ ಪ್ಲಾನ್ ಮಾಡಿದ್ದು, ಟಾಕಿಪೋರ್ಶನ್, ಸಾಂಗ್, ಮತ್ತು ಫೈಟ್ ಚಿತ್ರೀಕರಣ ಮಾಡಲಿದ್ದಾರೆ.
ಅಂದಹಾಗೇ ಕಾಶ್ಮೀರದಲ್ಲಿ ಚಿತ್ರೀಕರಣವಾಗುತ್ತಿರೋ ಸಾಂಗ್ಗೆ ಎ.ಹರ್ಷ ಮಾಸ್ಟರ್ ಕೊರಿಯೊಗ್ರಫಿ ಮಾಡ್ತಿದ್ದು, ಆ್ಯಕ್ಷನ್ ಸೀಕ್ವೆನ್ಸ್ನ್ನ ವಿಜಯ್ ಮಾಸ್ಟರ್ ಕಂಪೋಸ್ ಮಾಡುತ್ತಿದ್ದಾರೆ. ಈ ವಿಚಾರವನ್ನ ಸ್ವತಃ ಚಿತ್ರತಂಡ ಟ್ವೀಟ್ ಮಾಡೋ ಮೂಲಕ ಶೇರ್ ಮಾಡಿದ್ದಾರೆ.
ಇನ್ನು ಚಿತ್ರದಲ್ಲಿ ದೊಡ್ಡ ತಾರಾಬಳಗವೇ ಇದ್ದು, ತೆಲುಗಿನ ಸ್ಟಾರ್ ನಟರಾದ ಶ್ರೀಕಾಂತ್, ಆದಿತ್ಯ ಮೆನನ್, ಮುಖೇಶ್ ರಿಷಿ, ಮಧುಸೂಧನ್ ರಾವ್ , ಪ್ರಿಯಾ ಆನಂದ್, ಅನುಪ್ರಭಾಕರ್ ಹೀಗೆ ಸಾಕಷ್ಟು ಕಲಾವಿದರಿದ್ದಾರೆ.
ಇನ್ನು ಈ ಚಿತ್ರಕ್ಕೆ ಬಹದ್ಧೂರ್, ಭರ್ಜರಿ ಚಿತ್ರಗಳನ್ನು ನಿರ್ದೇಶಿಸಿದ್ದ ಚೇತನ್ ಕುಮಾರ್ ಜೇಮ್ಸ್ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದು, ಕಿಶೋರ್ ಪತ್ತಿಕೊಂಡ ಬಂಡವಾಳ ಹಾಕುತ್ತಿದ್ದಾರೆ. ಈಗಾಗಲೇ ಚಿತ್ರದ ಮೋಶನ್ ಪೋಸ್ಟರ್, ಟೀಸರ್ ಗಮನ ಸೆಳೆದಿದ್ದು, ಇನ್ನು 50 ಪರ್ಸೆಂಟ್ ಶೂಟಿಂಗ್ ಬಾಕಿಯಿದೆಯಂತೆ.
