Top

ಫೆಬ್ರವರಿ 8 ಅಭಿಮಾನಿಗಳ ದಾಸನಿಗೆ ಸ್ಪೆಷಲ್​ ಡೇ..

ದಚ್ಚು ಹಿರೋಯಿಸಂಗೆ 19 ವರ್ಷಗಳ ಸಂಭ್ರಮ

ಫೆಬ್ರವರಿ 8 ಅಭಿಮಾನಿಗಳ ದಾಸನಿಗೆ ಸ್ಪೆಷಲ್​ ಡೇ..
X

ಅಭಿಮಾನಿಗಳ ದಾಸ, ಡಿ ಬಾಸ್, ಚಾಲೆಂಜಿಂಗ್​ ಸ್ಟಾರ್ ದರ್ಶನ್​ ಇಂದು ಕನ್ನಡ ಚಿತ್ರರಂಗದ ಸೂಪರ್​ ಸ್ಟಾರ್. ದಚ್ಚು ಚಾಲೆಂಜಿಂಗ್​ ಸ್ಟಾರ್ ಆಗೋಕ್ಕೆ ಅಂದು ಇಟ್ಟ ಮೊದಲ ಹೆಜ್ಜೆಯೇ ಮೆಜೆಸ್ಟಿಕ್. ಆ ಮೆಜೆಸ್ಟಿಕ್​ ಸಿನಿಮಾಗಿಂದು 19 ವರ್ಷಗಳ ಸಂಭ್ರಮ.

ಚಾಲೆಂಜಿಂಗ್​ ಸ್ಟಾರ್ ದರ್ಶನ್​ ಇಂದು ಸ್ಯಾಂಡಲ್​ವುಡ್​ನ ಬಾಕ್ಸಾಫೀಸ್​ ಸುಲ್ತಾನ್. ಬಹುದೊಡ್ಡ ಅಭಿಮಾನಿ ಬಳಗವನ್ನ ಗಳಿಸಿರೋ ನಟ. 50 ಸಿನಿಮಾಗಳನ್ನ ಫೂರೈಸಿ ಸಕ್ಸಸ್​ಪುಲ್​ ಆಗಿ ಮುನ್ನುಗ್ತಿರೋ ಹೀರೋ. ಆದರೆ, ಇಂದು ಈ ಮಟ್ಟಕ್ಕೆ ಬೆಳೆದು ನಿಂತಿರೋ ದಚ್ಚುಗೆ ನಾಯಕನಾಗಿ ಮೊದಲ ಹೆಜ್ಜೆಯಾಗಿದ್ದು ಅದೇ ಮೆಜೆಸ್ಟಿಕ್​ ಸಿನಿಮಾ.

ದರ್ಶನ್​ ತೂಗುದೀಪ್ ನಾಯಕ ನಟನಾಗಿ ಅಭಿನಯಿಸಿದ ಮೊದಲ ಸಿನಿಮಾ ಮೆಜೆಸ್ಟಿಕ್. ಇಂದಿಗೆ ಈ ಸಿನಿಮಾ ತೆರೆಕಂಡು 19 ವರ್ಷಗಳು ಕಳೆದಿವೆ. ಮೆಜೆಸ್ಟಿಕ್​ಗೂ ಮುನ್ನ ಲೈಟ್ ಬಾಯ್​ ಆಗಿ, ಪೋಷಕ ಪಾತ್ರಗಳನ್ನ ಮಾತ್ರ ಚಿತ್ರರಂಗದಲ್ಲಿ ಆ್ಯಕ್ಟಿವ್​ ಆಗಿದ್ದ ದಚ್ಚು, ಮೊದಲ ಬಾರಿಗೆ ಹೀರೋ ಆಗಿ ಬಣ್ಣ ಹಚ್ಚಿದ್ದು ಇದೇ ಮೆಜೆಸ್ಟಿಕ್​ ಸಿನಿಮಾ ಮೂಲಕ.

ಮೆಜೆಸ್ಟಿಕ್​ ಸಿನಿಮಾದಲ್ಲಿ ದಚ್ಚು ಒಂದ್ಕಡೆ ಪ್ರಜ್ವಲ್ ಹೆಸರಿನ ಚಾಕೋಲೇಟ್ ಹೀರೋ ಆಗಿಯೂ ಮತ್ತು ದಾಸ ಹೆಸ್ರಿನ ಫ್ ಅಂಡ್ ಟಫ್​ ಮಾಸ್ ಹೀರೋ ಆಗಿಯೂ , 2 ಶೇಡ್​ಗಳಲ್ಲಿ ಮಿಂಚಿದರು. ಕಣ್ಣಿಗೆ ಲೆನ್ಸ್​, ಕೆದರಿದ ಹೇರ್ ಸ್ಟೈಲ್, ರಫ್​ ಅಂಡ್ ಟಫ್​ ಲುಕ್ ಇದೆಲ್ಲವೂ ಮಾಸ್​ ಸಿನಿಮಾ ಪ್ರಿಯರಿಗೆ ಇಷ್ಟವಾಗುವಂತೆ ಮಾಡಿತ್ತು. ಈ ಚಿತ್ರದ ದಾಸ ಕ್ಯಾರೆಕ್ಟರ್ ಎಷ್ಟರ ಮಟ್ಟಿಗೆ ಪಾಪ್ಯುಲರ್​ ಆಗಿತ್ತು ಅಂದ್ರೆ ಮುಂದಿನ ದಿನಗಳಲ್ಲಿ ಇದೇ ದಾಸ ಟೈಟಲ್​ನಲ್ಲಿ ದರ್ಶನ್​ ಸಿನಿಮಾ ಮಾಡಿದರು.

ಲವ್​ ಸ್ಟೋರಿ ಜೊತೆಗೆ ಅಂಡರ್​ವರ್ಲ್ಡ್​ ಬೇಸ್ಡ್ ಸಿನಿಮಾ ಮೆಜೆಸ್ಟಿಕ್ ಸಿನಿಪ್ರಿಯರ ಮನಗೆದ್ದಿತ್ತು. ಈಗಲೂ ಸೋಶಿಯಲ್​ ಮೀಡಿಯಾದಲ್ಲಿ ಮೆಜೆಸ್ಟಿಕ್​ ಚಿತ್ರದ ಮುಹೂರ್ತದ ಫೋಟೋಗಳು ಹರಿದಾಡುತ್ತಿವೆ. ಮಜೆಸ್ಟಿಕ್​ ಚಿತ್ರಕ್ಕೆ ನಿರ್ಮಾಪಕ ಮುನಿರತ್ನ ಕ್ಲಾಪ್​ ಮಾಡಿದ್ರೆ, ಇದೇ ಮುಹೂರ್ತ ಸಮಾರಂಭದಲ್ಲಿ ರೆಬೆಲ್​ ಸ್ಟಾರ್ ಅಂಬರೀಶ್​ ಮತ್ತು ಪತ್ನಿ ಸುಮಲತಾ ಅಂಬರೀಶ್​ ಕೂಡ ಭಾಗಿಯಾಗಿದ್ದಾರೆ.

ಮೆಜೆಸ್ಟಿಕ್' 2002 ಫೆಬ್ರವರಿ 8 ರಂದು ರಾಜ್ಯಾದ್ಯಂತ ಬಿಡುಗಡೆಯಾದ ಸಿನಿಮಾ. ಚಿತ್ರಕ್ಕೆ ನಿರ್ದೇಶಕ ಪಿ.ಎನ್.ಸತ್ಯ ನಿರ್ದೇಶನ ಮಾಡಿದರು, ಎಂ.ಜಿ.ರಾಮಮೂರ್ತಿ ಮತ್ತು ಬಾ.ಮಾ ಹರೀಶ್ ನಿರ್ಮಾಣ ಮಾಡಿದ್ರೆ, ಸಾಧುಕೋಕಿಲಾ ಮ್ಯೂಸಿಕ್​ ಮಾಡಿದ್ದ ಅಷ್ಟು ಹಾಡುಗಳು ಸೂಪರ್​ ಹಿಟ್ ಲಿಸ್ಟ್ ಸೇರಿದ್ವು.

ಇನ್ನು ಚಿತ್ರಕ್ಕೆ ಅಣಜಿ ನಾಗರಾಜ್ ಛಾಯಗ್ರಹಣವಿತ್ತು. ಚಿತ್ರದಲ್ಲಿ ದರ್ಶನ್​ಗೆ ನಾಯಕಿಯಾಗಿ ರೇಖಾ ಮಿಂಚಿದರು. ಮೆಜೆಸ್ಟಿಕ್​ ಸಿನಿಮಾ ಸಕ್ಸಸ್​​ಪುಲ್​ ಆಗಿ ಪ್ರದರ್ಶನ ಕಂಡಿತ್ತು. ಸದ್ಯ ನೆಚ್ಚಿನ ನಟನ ಸಿನಿಮಾಗೇ 19 ವರ್ಷಗಳು ತುಂಬಿದ ಸಂಭ್ರಮವನ್ನ ಡಿ ಅಭಿಮಾನಿಗಳು ಸೋಶಿಯಲ್​ ಮೀಡಿಯಾದಲ್ಲಿ ಸೆಲೆಬ್ರೆಟ್ ಮಾಡುತ್ತಿದ್ದಾರೆ.

Next Story

RELATED STORIES