ಅಭಿಮಾನಿಯ ಎದೆಯಲ್ಲಿ ಅಚ್ಚಾಯ್ತು ಸಲಗ
ಹೇಗಿದೆ ಗೊತ್ತಾ ಸಲಗ ಸಿನಿಮಾದ ಕ್ರೇಜ್
ಸ್ಯಾಂಡಲ್ವುಡ್ನ ಮಾಸ್ ಎಂಟರ್ಟೈನರ್ ಸಲಗ ಸಿನಿಮಾದ ಕ್ರೇಜ್ ದಿನೇ ದಿನೇ ಹೆಚ್ಚಾಗ್ತಾನೇ ಇದೆ. ದುನಿಯಾ ವಿಜಯ್ ಅಭಿಮಾನಿಗಳು ಸಲಗ ಟೈಟಲ್ನ್ನ ಟ್ಯಾಟೂ ಹಾಕಿಸಿಕೊಳ್ಳೋ ಮೂಲಕ ನೆಚ್ಚಿನ ನಟನ ಸಿನಿಮಾಗೇ ಶುಭ ಹಾರೈಸುತ್ತಿದ್ದಾರೆ. ರೀಸೆಂಟಾಗಿ ದುನಿಯಾ ವಿಜಯ್ ಅಭಿಮಾನಿಯ ಕೈ ಮೇಲೆ ಸಲಗ ಟ್ಯಾಟೂ ನೋಡಿದ್ವಿ. ಇದೀಗ ಎದೆಯ ಮೇಲೆ ಸಲಗ ಟೈಟಲ್ ಅಚ್ಚಾಗಿದೆ.
ದುನಿಯಾ ವಿಜಯ್ ನಟನೆ ನಿರ್ದೇಶನದ ಸಲಗ ಸಿನಿಮಾ ಬಗ್ಗೆ ದಿನೇ ದಿನೇ ನಿರೀಕ್ಷೆ ಹೆಚ್ಚಾಗ್ತಿದೆ. ಈಗಾಗಲೇ ಟೀಸರ್, ಸಾಂಗ್ಸ್, ಅದರಲ್ಲೂ ಟೈಟಲ್ ಟ್ರ್ಯಾಕ್ ಅಂತೂ ಮಾಸ್ ಹಿಟ್ ಆಗಿದೆ.
ಇದೀಗ ದುನಿಯಾ ವಿಜಯ್ರ ಅಪ್ಪಟ ಅಭಿಮಾನಿಯೊಬ್ಬರು ಎದೆಯ ಮೇಲೆ ಸಲಗ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ದುನಿಯಾ ವಿಜಯ್ ಮನೆಗೆ ಬಂದು, ನೆಚ್ಚಿನ ನಟನ ಕೈಯ್ಯಲೇ ಟ್ಯಾಟೂ ಕವರ್ ಓಪನ್ ಮಾಡಿಸಿದ್ದಾರೆ. ಅಭಿಮಾನಿಯ ಅಭಿಮಾನಕ್ಕೆ ದುನಿಯಾ ವಿಜಯ್ ಮೂಕವಿಸ್ಮಿತರಾಗಿದ್ದಾರೆ.
ಈ ಹಿಂದೆ ಕೂಡ ಉತ್ತರ ಕರ್ನಾಟಕ ಮೂಲದ, ದುನಿಯಾ ವಿಜಯ್ರ ಅಪ್ಪಟ ಅಭಿಮಾನಿಯೊಬ್ಬ ಸಲಗ ಟ್ಯಾಟೂ ಹಾಕಿಸಿಕೊಂಡಿದರು. ಈ ಅಭಿಮಾನಿ ಕೈ ಮೇಲೆ ಟ್ಯಾಟೂ ಹಾಕಿಸಿಕೊಂಡಿರೋ ವಿಷಯ ಗೊತ್ತಾಗುತ್ತಿದ್ದ ಹಾಗೇ ಸ್ವತಃ ದುನಿಯಾ ವಿಜಯ್ ವಿಡಿಯೋ ಕಾಲ್ ಮಾಡಿ ಅವರ ಜೊತೆ ಮಾತನಾಡಿ ಧನ್ಯವಾದ ತಿಳಿಸಿದರು.
ಸದ್ಯ ಸಲಗ ಚಿತ್ರದ ಸ್ಯಾಂಪಲ್ಸ್ಗೆ ಸಿನಿಪ್ರಿಯರು, ಕ್ರಿಕೆಟಿಗರು ಎಲ್ರೂ ಕೂಡ ಫಿದಾ ಆಗಿದ್ದಾರೆ. ಇನ್ನೇನಿದ್ರೂ ಥಿಯೇಟರ್ ಅಂಗಳದಲ್ಲಿ ಸಲಗ ಚಿತ್ರದ ಘರ್ಜನೆ ಕೇಳೋದೊಂದೆ ಬಾಕಿ.
