ತಂದೆ ಹುಟ್ಟುಹಬ್ಬಕ್ಕೆ ಮಹೇಶ್​ ಬಾಬು ಹೊಸ ಸಿನಿಮಾ ಅನೌನ್ಸ್

ಕೊರೊನಾ ಆತಂಕದಿಂದ ಸಿನಿಮಾ ಶೂಟಿಂಗ್​, ರಿಲೀಸ್​ ಬಂದ್​ ಆಗಿದೆ. ಮತ್ತೆ ಶೂಟಿಂಗ್​ ಯಾವಾಗ ಅನುಮತಿ ಸಿಗುತ್ತೋ ಗೊತ್ತಿಲ್ಲ. ಆದರೆ, ಲಾಕ್​ಡೌನ್​ ನಡುವೆಯೂ ಸೂಪರ್​ ಸ್ಟಾರ್​ ಮಹೇಶ್​ ಬಾಬು ಸಿನಿಮಾ ಅನೌನ್ಸ್​ ಆಗಿದೆ.

ಸೂಪರ್​ ಸ್ಟಾರ್​ಗಳು ವರ್ಷಕ್ಕೆ ಎರಡು ಸಿನಿಮಾ ಮಾಡಬೇಕು ಅನ್ನೋದು ಚಿತ್ರರಂಗದ ವಾದ. ಒಂದು ಸಿನಿಮಾ ಮುಗಿಯೋಕ್ಕು ಮೊದ್ಲೇ ಸ್ಟಾರ್​ ನಟನ ಮುಂದಿನ ಸಿನಿಮಾ ಯಾವ್ದು ಅನ್ನೋ ಕುತೂಹಲ ಅಭಿಮಾನಿಗಳಲ್ಲಿ ಇರುತ್ತೆ. ಅದಕ್ಕೆ ತಕ್ಕಂತೆ ಸ್ಟಾರ್ಸ್​​ ಒಂದು ಸಿನಿಮಾ ಕಂಪ್ಲೀಟ್​ ಆಗೋಕ್ಕು ಮುನ್ನ ಮತ್ತೊಂದನ್ನ ಲೈನ್​ನಲ್ಲಿ ಇಟ್ಟಿರ್ತಾರೆ. ಆದರೆ, ಈ ಬಾರಿ ಮಹೇಶ್​ ಬಾಬು ಯಾಕೊ ಹಿಂದೆ ಬಿದ್ರು. ಅಂತೂ ಇಂತೂ ಹೊಸ ಸಿನಿಮಾ ಅನೌನ್ಸ್​ ಮಾಡಿದ್ದಾರೆ.

ಪ್ರಿನ್ಸ್​​ ಮಹೇಶ್​ ಬಾಬು ತಮ್ಮ ತಂದೆ ಸೂಪರ್​ ಸ್ಟಾರ್​ ಕೃಷ್ಣ, ಹುಟ್ಟುಹಬ್ಬದ ಸಂಭ್ರಮದಲ್ಲೇ ಹೊಸ ಸಿನಿಮಾ ಘೋಷಿಸಿದ್ದಾರೆ. ‘ಸರ್ಕಾರು ವಾರಿ ಪಾಟ’ ಅನ್ನೋ ವಿಭಿನ್ನ ಟೈಟಲ್​ನಲ್ಲಿ ಮೂಡಿ ಬರಲಿರೋ ಈ ಚಿತ್ರಕ್ಕೆ ಗೀತಗೋವಿಂದಂ ಖ್ಯಾತಿಯ ಪರಶುರಾಮ್​ ಆ್ಯಕ್ಷನ್​ ಕಟ್​ ಹೇಳುತ್ತಿದ್ದಾರೆ. ಮಹೇಶ್​ ಬಾಬು ಕೊಂಚ ರಫ್​ ಲುಕ್​ನಲ್ಲಿ ಕುತ್ತಿಗೆ ಮೇಲೆ ರೂಪಾಯಿ ಕಾಯಿನ್​ ಟ್ಯಾಟು ಹಾಕ್ಕೊಂಡಿರೋ ಪೋಸ್ಟರ್​ ರಿವೀಲ್​ ಆಗಿದೆ.

‘ಸರ್ಕಾರು ವಾರಿ ಪಾಟ’ ಸಿನಿಮಾದಲ್ಲಿ ಮಹೇಶ್​ ಬಾಬು ನೆಗೆಟೀವ್​ ಶೇಡ್ ರೋಲ್​ನಲ್ಲಿ ನಟಿಸುತ್ತಿರೋ ಸೂಚನೆ ಸಿಕ್ತಿದೆ. ಶ್ರೀಮಂತುಡು, ಜನತಾ ಗ್ಯಾರೇಜ್, ರಂಗಸ್ಥಳಂ ರೀತಿಯ ಬ್ಲಾಕ್​ ಬಸ್ಟರ್​ ಹಿಟ್​ ಸಿನಿಮಾಗಳನ್ನು ಕೊಟ್ಟ ಮೈತ್ರಿ ಮೂವಿ ಮೇಕರ್ಸ್​ ಬ್ಯಾನರ್​ನಲ್ಲಿ ಈ ಸಿನಿಮಾ ನಿರ್ಮಾಣವಾಗಲಿದೆ. ಸರಿಲೇರು ನೀಕೆವ್ವರು ಸಿನಿಮಾ ನಂತರ ಮಹೇಶ್​ ಬಾಬು ಈ ಚಿತ್ರಕ್ಕೆ ಬಣ್ಣಹಚ್ಚುತ್ತಿದ್ದಾರೆ.

ಸಂಕ್ರಾಂತಿ ಸಂಭ್ರಮದಲ್ಲಿ ಬಂದ ಸರಿಲೇರು ನೀಕೆವ್ವರು ಸಿನಿಮಾ ಸೂಪರ್​ ಹಿಟ್​ ಆಯ್ತು. ಆ ಸಿನಿಮಾ ಬರೋಕ್ಕು ಮೊದ್ಲೆ ಮಹೇಶ್​ ಬಾಬು ಮತ್ತೊಂದು ಸಿನಿಮಾ ಫೈನಲ್ ಮಾಡಬೇಕಿತ್ತು. ಕಾರಣಾಂತರಗಳಿಂದ ತಡವಾಗುತ್ತಿದ್ದು, ಬರೋಬ್ಬರಿ ನಾಲ್ಕು ತಿಂಗಳ ನಂತ್ರ ಹೊಸ ಸಿನಿಮಾ ಘೋಷಿಸಿದ್ದಾರೆ. ನಿರ್ದೇಶಕ ಪರುಶುರಾಮ್ ಸೂಪರ್​ ಸ್ಟಾರ್​ಗೆ ಆ್ಯಕ್ಷನ್​ ಕಟ್​ ಹೇಳುವ ಖುಷಿಯಲ್ಲಿದ್ದಾರೆ.

ಸದ್ಯ ಲಾಕ್​ಡೌನ್​ನಿಂದ ಸಿನಿಮಾ ಶೂಟಿಂಗ್​ ನಿಂತು ಹೋಗಿದೆ. ಸಮಸ್ಯೆ ಬಗೆಹರಿದು, ಚಿತ್ರೀಕರಣಕ್ಕೆ ಅನುಮತಿ ಸಿಕ್ಕಿದ ನಂತರ ‘ಸರ್ಕಾರು ವಾರಿ ಪಾಟ’ ಸಿನಿಮಾ ಸೆಟ್ಟೇರಲಿದೆ. ರೆಗ್ಯುಲರ್​ ಸಿನಿಮಾ ಶೂಟಿಂಗ್​ ತಡವಾಗಲಿದ್ದು, ಈ ಸಿನಿಮಾ ನೋಡೋಕ್ಕೆ ಫ್ಯಾನ್ಸ್​ ಮುಂದಿನ ವರ್ಷದವರೆಗೂ ಕಾಯಬೇಕು.

Recommended For You

About the Author: user

Leave a Reply

Your email address will not be published. Required fields are marked *